Jeremías 10:10 - Bible in Tzeltal Bachajón

¹⁰ Yan te Jehová ha Dios ta melel, ha cuxul Dios soc Muc'ul Ajwalil scuenta sbahtel q'uinal. Ya xnihc te lumq'uinal c'alal ya x'ilin, te nacionetic ma xcuhch yu'unic te yilimbahe.

Bible in Tzeltal de Oxchuc y Tenejapa

¹⁰ Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Jeremías 10:10 Referans Kwoze

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Salmos 76:7

¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Salmos 42:2

Ay taquinti'il ya ya'iy te jch'uhlel ta stojol Dios, ha te cuxul Diose. ¿Bin ora ya xtal jtehc'an jba ta stojol te Diose?

Salmos 100:5

Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Salmos 31:5

Ya ca'bat ta ac'ab te jch'uhlele; la awac'on ta libre, Jehová, Diosat te stalel jun awo'tan ta jtojol.

Salmos 10:16

Te Jehová ha Ajwalil ta spisil ora soc ta sbahtel q'uinal; te nacionetic ya xch'ayic ta sq'uinalic.

Salmos 18:7

La syuc' sba soc nihc te q'uinale, la syuc' sbahic te yich'o-ip te witsiltic; nihquic ta scaj te ilin te Jehová.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Hebreos 10:31

¡Xiweltic sba teme ay mach'a ya x'ipaj ta sc'ab te cuxul Diose!

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

Hechos 14:15

Winiquetic, ¿bin yu'un hich yac apasic? Pajal winicotic. Ha yac calbelex awa'iyic te yacuc xhil awu'unic te bin mayuc scuentahil ini, te yacuc asuhtes awo'tanic ta stojol te cuxul Dios te la spas ch'ulchan, bahlumilal, mar soc spisil bintic ay tey a.

Malaquías 3:2

Pero ¿mach'a ya xcuhch yu'un te bin c'ahc'alil ya xtale? ¿Mach'a ya xhu' yu'un te teq'uel ya xhil te c'alal ya xchicnaj tale? Como hich ay te bin ut'il c'ahc' yu'un yuhltesel taq'uin, hich ay te bin ut'il xapon yu'un mach'a ya sac' pac'.

Habacuc 3:6

Ya stehc'an sba, ya yac' nihcuc te q'uinale; ya yil, nihc te nacionetic yu'un. Te namey witsiltic ya xhemts'uj cohel, te namey tsehletic ya xch'ayic cohel; pero stalel ay te behetic yu'une.

Miqueas 1:4

Ya x'uhl cohel te witsiltic ta ye'tal yoc, ya xjat cohel te spamlejetic hich te bin ut'il chabec' ya x'uhl ta stojol te c'ahc', hich te bin ut'il ya x'oquin cohel ha' ta cohel q'uinal.

Salmos 146:6

te la spas te ch'ulchan soc te bahlumilal, te mar soc spisil bintic ay tey a; te stalel melel bin ya yal;

Salmos 145:13

Te cuentahinel awu'un ha cuentahinel scuenta sbahtel q'uinal, soc te awa'tel ta ajwalil ay ta spisil ta cajalcaj ts'umbaliletic.

Salmos 114:7

Ha'at, lumq'uinal, nihcan me ta stojol Jehová, ta stojol te Dios yu'un Jacob,

Salmos 104:32

Ha ya yil te lumq'uinal, ya xnihc yu'un; ya spic te witsiltic, ya xloc' ch'ahil yu'un.

Salmos 97:4

Te tsantsehwaletic yu'un ya sacubtes te bahlumilal; te bahlumilal ya yil soc ya xnihc yu'un.

Salmos 93:2

C'alal ta shahchibal yich'oj yip ta huctajibal awu'un; ha'at atalel ayat sbahtel q'uinal.

Salmos 90:11

¿Mach'a ya sna'be sba te yip te awilimba? Hich smuc'ul awilimba te bin ut'il ya sc'an yac awich' xi'ele.

Salmos 84:2

¡Bayel ya smulan te jch'uhlel, mero ya sc'an co'tan te yamaq'uil Sna te Jehová! ¡Te co'tan soc te jbaq'uetal ya sc'ayojtay te cuxul Dios!

Salmos 77:18

Chicnaj sc'op st'ohmel chahwuc awu'un ta sutu-ic', te tsantsehwaletic awu'un la sacubtesic te bahlumilal, nihc te lumq'uinal, yuq'uilanot yu'un.

Job 9:6

Ha ya sloq'ues te bahlumilal ta yawil, soc ya ya'be snihc sba te yich'o-ip.

2 Crónicas 15:3

Te Israel bayel c'ahc'al mayuc ta stojol te Dios te smelelil, mayuc sacerdote te ya x'a'bot snopic yu'un soc mayuc Ley;

1 Reyes 18:39

C'alal la yilic spisil te pueblo, la squejan sbahic c'alal ta lum, soc la yalic: ¡Ha Dios te Jehová, ha Dios te Jehová! xchihic.

1 Samuel 17:36

Aunque choj, aunque oso, pero te a'bat awu'un la smil. Te filisteo ini te ma ba yich'oj circuncisión pajal ya xc'oht soc, como stijbeyej yo'tan te soldadohetic yu'un te cuxul Dios.

1 Samuel 17:26

Ha yu'un te David la sjoc'obe te mach'atic ayic ta sts'ehl: ¿Bin ya spasbeyic te winic te ya stsal te filisteo ini, te hich ya xlaj sc'oblal a te labanel yu'un Israel? ¿Mach'a ya scuy sba a te filisteo te ma ba yich'oj circuncisión yu'un ya stijbe hahchel yo'tanic te soldadohetic yu'un te cuxul Dios? xchi.

Jueces 5:4

Te c'alal loc'at tal ta Seir, Jehová, c'alal behenat tal ta sq'uinal Edom, nihc te lum, nihc te ch'ulchan, soc la yaq'uic cohel tal ha'al te tocaletique.

Deuteronomio 5:26

Como ¿mach'a a te ya ya'iybe sc'op te cuxul Dios te ya xc'opoj ta yohlil c'ahc', hich te bin ut'il la jca'iytiquix te ho'otic, te ya to xcuxaj xane?

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

Habacuc 3:10

La yilat te witsetic, nihquic yu'un; c'ax bahel te snojel ha'etic; c'opoj te xahab soc la stoy sc'ab ta toyol.

Joel 2:11

Te Jehová ya yal mandar ta stojol te soldadohetic yu'un, c'ax muc' te campamento yu'unic, soc bayel yipic ya sch'uhunic spasel te smandare. Muc' soc xiweltic sba te sc'ahc'alel yu'un Jehová; ¿mach'a ya xcuhch yu'un?

Daniel 7:14

A'bot ya'tel ta cuentahinwanej, a'bot yutsilal soc te banti ya xcuentahinwan, scuenta yu'un spisil pueblohetic, nacionetic soc c'opiletic ya yac' sbahic ta a'batinel yu'un; sbahtel q'uinal te ya'tel ta cuentahinwanej, mayuc bin ora ya xc'ax bahel; soc te banti ya xcuentahinwan mayuc bin ora ya yich' jinel.

Daniel 6:26

Ho'on ya cal tulan mandar te ta spisil te ban c'alal jcuentahinej spisilic ya me xiwic soc ya me yich'ic ta muc' te Dios yu'un Daniel. Como ha te cuxul Dios soc sbahtel q'uinal ay. Te ban c'alal cuentahimbil yu'un mayuc bin ora ya xlaj, soc te cuentahinel yu'un stalel ya xhalaj.

Daniel 4:34

C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 4:3

¡C'ax muc' te señahiletic yu'un soc c'ax bayel yip te jchahp a'teliletic yu'une! Sbahtel q'uinal ay ta ajwalil; te cuentahinel yu'un stalel ay ta cajalcaj ts'umbalil.

Jeremías 23:36

Ma me hichuc xawalic xan: Ha sc'op-jalwanej yu'un Jehová ini, ma xchihuquex, como te sc'op te jujutuhl ha nix sc'op-jalwanej c'ohem yu'un, hich yac ahowiytes te sc'op te cuxul Dios, te Jehová te scuentahinej spisil, te Dios cu'unique.

Isaías 37:17

Ts'ehana achiquin, Jehová, a'iya awa'iy; jama asit, Jehová, ilawil; a'iya awa'iy spisil te c'opetic yu'un te Senaquerib te la sticon tal ta sbohlc'optayel te cuxul Dios.

Isaías 37:4

Te Jehová te Dios awu'un la wan ya'iybe sc'op te capitan-soldado te ticombil yu'un te yajwal, ha te ajwalil yu'un Asiria, yu'un ya sbohlc'optay te cuxul Dios. Ya wan ya'be castigo yu'un te sc'op te la ya'iy te Jehová. Ha yu'un c'opombeya Dios ta scuenta te mach'atic ay to hilemic, xchihic.

Salmos 68:11

Ay bin la yal te Jehová, tsobol antsetic la spucbeyic ta halel:

Génesis 21:33

Te Abraham la sts'un jtehc' tamarisco ta Beerseba, tey la sc'opon a te Jehová Dios te stalel cuxul sbahtel q'uinal.

1 Reyes 8:60

scuenta yu'un spisil te pueblohetic ta bahlumilal ya me sna'ic te ha Dios te Jehová, te mayuc yan.

Salmos 29:10

Te Jehová hucul ta shuctajib ta sba te snojel ha', te Jehová hucul scuenta ajwalil sbahtel q'uinal.

Salmos 68:8

la syuq'uilan sba te q'uinal, yahl cohel tal ha'al ta ch'ulchan; la syuq'uilan sba te wits Sinaí ta stojol Dios, ha te Dios yu'un Israel.

Salmos 90:2

Te c'alal ma to ayuc a te witsiltic, te c'alal ma to ba pasbilic awu'un a te lumq'uinal soc te bahlumilal, stalel sbahtel q'uinal ha'at Diosat atuquel.

Isaías 40:15

Te nacionetic hich ayic ta stojol te bin ut'il t'ojob te ay ta balde, hich c'ohemic te bin ut'il ts'u'lum ta balanza; hich ya slic te q'uinal joybilic ta ha' te bin ut'il ts'u'lum.

Isaías 65:16

Mach'ahuc a te ya yac' bendición, ha ya spas ta scuenta te Dios yu'un te bin smelelil; soc mach'ahuc a te ay bin ya yal ta jamal, ha ya spas ta scuenta te Dios yu'un te bin smelelil; como te wocoletic te c'axemiquix ya xch'ay ta o'tanil soc ma ba chicanix ta ilel cu'un.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Jeremías 4:24

La jquil te witsiltic, yacalic ta nihquel; spisil te tsehletic xyuq'uinaj ta nihquel.

Jeremías 50:46

Ya xnihc te q'uinal yu'un te sc'op te stsalel te Babilonia, te aw yu'un ya xchicnaj ta yohlil te nacionetique, xchi.

Jeremías 51:29

Te lumq'uinal ya xnihc soc ya syuc' sba, como ya me xc'oht ta pasel te bin schapoj te Jehová ta scontrahinel te Babilonia, ha te ya sjochobtesbe sq'uinal te Babilonia, mayuc mach'a ya xnahin tey a.

Josué 3:10

Soc hich la yal xan te Josué: Hich me yac ana'ic a te ay ta awohlilic te cuxul Dios soc te ya stenticlan loq'uel ta atojolic te cananeo, heteo, heveo, ferezeo, gergeseo, amorreo soc te jebuseohetic.

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Salmos 9:8

Ta stojil ya schahpan te bahlumilal, toj ya schahpan te pueblohetique.

Salmos 74:12

Pero ha ajwalil cu'un te Dios c'alal ta namey; ha te ya yac' colel ta bahlumilal.

Salmos 76:8

C'alal ta ch'ulchan la awac' ta a'iyel te chahpanel awu'une; te bahlumilal la xi' soc la slahman sba

Salmos 100:3

Na'ahic me te ha Dios stuquel te Jehová; ha la spasotic, ha yu'unotic; ha pueblohotic yu'un, soc tuminchijotic ta aquiltic yu'un.

Isaías 40:28

¿Ma bal ana'ojicuc, ma bal ayuc awa'iyejic te Jehová, ha Dios te sbahtel q'uinal ay, te la schicnajtes swohlol te bahlumilal? Ma xluhb soc ma xpehc'aj yip, mayuc mach'a ya xhu' sna'bel te bin ya sna'e.

Daniel 6:27

Ha ya xcoltaywan soc ya x'ac'awan ta libre, ya spas señahetic soc jchahp a'teliletic; ha la scoltay te Daniel ta yip te chojetic, xchi.

Nahúm 1:5

Ya xnihquic te witsiltic ta stojol, soc te tsehletic ya x'uhlic. Te lumq'uinal ya syuc' sba ta stojol, te bahlumilal soc spisil mach'atic nahinemic tey a.