Isaías 1:3 - Bible in Tzeltal Bachajón

³ Te j'a'tel-wacax ya sna'be sba te yajwal, te burro ya sna'be sba te yawil swe'el yu'un te yajwal, yan te Israel ma sna', mayuc snopojibal yu'un te pueblo cu'une, xchi.

Bible in Tzeltal de Oxchuc y Tenejapa

³ Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Isaías 1:3 Referans Kwoze

Jeremías 8:7

Te cigüeña-mut ta sjamalil ch'ulchan ya sna' te jujucaj yorahil, soc te xpuliwoc, te ulich soc te smutil ha' ya sna'ic te bin ora ya suhtic talel; yan te pueblo cu'un ma sna'be sba te mandariletic yu'un Jehová.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Isaías 44:18

Ma sna'ic q'uinal, ma xc'oht ta yo'tanic; como macal sitic scuenta yu'un ma xyilic q'uinal, soc macal te yo'tanic scuenta yu'un ma sna'beyic scuentahil.

Isaías 5:12

Ta q'uinetic yu'unic ay arpahetic, salteriohetic, c'ayobetic, amayetic soc vino, pero ma ba ya yilic te bin ya spas Jehová, mayuc sc'oblal ta yo'tanic te ya'tel te sc'abe.

Romanos 1:28

Ta scaj te bin ut'il ma ba la sc'an la sna'beyic sba te Diose, hich ac'otic yu'un Dios te ya xbohlob spensaric, yu'un ya spasic te bin ma hichuc ya sc'an pasele.

Salmos 94:8

¡Na'beya scuentahil, ha'ex ta pueblo te ma xana'ic q'uinal! Ha'ex sonsohex, ¿bin to ora yac atahic sp'ijil awo'tanic?

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

2 Pedro 3:5

Pero yoloj xanix te ya xch'ay ta yo'tanic te ha ta scuenta sc'op Dios la yich' pasel te ch'ulchan soc bahlumilal ta namey, soc te chicnaj ta ha' te bahlumilal soc tey nix ipajem a,

Proverbios 6:6

Bahan, ila awil te ts'isim, ha'at te ch'ajate, ila awil bin yac spasbelic, ayuc me sp'ijil awo'tan.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.

Isaías 56:11

Ha ts'i'etic te ay bayel swi'nalic, ma xnoj sch'uhtic; ha jcanan-tuminchijetic te ma sna'beyic scuentahil, spisilic ya st'unic te be yu'unic, jujutuhl ya sle yutsil slequilic.

Ezequiel 16:30

¡Mero xyal xmo awo'tan! xchi te Jehová, te Ajwalil, te la apas spisil ini, ha te ya'tel j'antsinel-ants te ma xq'uexaw;

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Oseas 2:8

Ma ba la sna' te ho'on la jca'be te trigo, vino soc te aceite; te la jp'ohltes te plata soc te oro te la smahtantesic a te Baal.

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Isaías 42:20

Bayel bintic ya yil, pero ma ba ya stsahtay; jamal schiquin, pero mayuc bin ya ya'iy.

Jeremías 35:16

Te sts'umbal Jonadab snich'an Recab la sch'uhunic spasel te mandar halbotic yu'un te statique, pero te pueblo ini ma ba sch'uhumbeyejon te jc'ope.

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.