Hechos 4:2 - Bible in Tzeltal Bachajón

² bayel ilinemic yu'un te yac sp'ijubtesbelic te pueblo soc te yac yalbelic te ta scuenta Jesús ay cha'cuxajel ta yohlil mach'atic chamenic.

Nuevo Testamento Tzeltal de Amatenango

² Ben ilinemik porke te jPedroe sok te Juane ya snojpeslan te gente yuꞌun te jtejklume, yuꞌun ya yalik te chaꞌkuxel yuꞌun te animaetike jaꞌ yakꞌoj jilel ta ilel te tutꞌil chaꞌkux tal teꞌa te Jesuse.

Bible in Tzeltal de Oxchuc y Tenejapa

² La yilintayic te Pedro te Juane, te bit'il yacalic ta sp'ijubtesel te lume, yu'un ja' yacalic ta yalel te ay cha'cuxel ta bay animaetic, jich bit'il cha'cux tel te Jesuse.

Hechos 4:2 Referans Kwoze

Hechos 17:18

Ay cha'oxtuhl jp'ijubteswanejetic yu'un te epicúreohetic soc yu'un te estóicohetic la stsal sbahic ta c'op soc te Pablo. Ay mach'atic la yalic: ¿Bin ya sc'an ya yal te winic ini te bayel ya xc'opoj? xchihic. Ay yantic la yalic: Yu'un wan yac yalbel sc'oblal yach'il diosetic, xchihic, como yac yalbel sc'oblal te Jesús soc te cha'cuxajele.

Romanos 8:11

Teme ha ayinem ta awo'tanic te Espíritu yu'un te Mach'a la scha'cuxajtes tal ta lajel te Cristo Jesús ta yohlil mach'atic chamenic, ha nix hich ya me scha'cuxajtesbeyex abaq'uetalic ta scuenta te Espíritu yu'un te ayinem ta awo'tanique.

Hechos 13:45

Pero c'alal la yilic te judíohetic te tsobol ants-winiquetic, xut'et yo'tanic yu'un, hich la scontrac'optayic soc la yixta'c'optayic te bin yac yalbel te Pablo.

1 Corintios 15:23

Pero xmelmon ya xcha'cuxajic ta tuhlutuhl; Cristo te sba sit, patil te mach'atic yu'un te Cristo.

Hechos 26:23

Ha te ya xc'ax swocol te Cristo soc te ha nahil ya xcha'cuxaj tal ta yohlil te mach'atic chamenic, scuenta yu'un ya yalbe sc'oblal te sacal q'uinal ta stojol te pueblo soc te jyanlumetic, xchi te Pablo.

Hechos 26:8

¿Bin yu'un te wocol yac ach'uhunic te Dios ya xcha'cuxajtes te mach'atic chamenique?

Hechos 24:21

o teme ha nix yu'un te hich tulan la jcal ta yohlilic: Ha ta scuenta te cha'cuxajel yu'un te mach'atic chamenic te yac awich'belonic ta c'op yu'un ta ora ini, xchi te Pablo.

Hechos 19:23

Ha yorahil a hahch bayel c'op ta Éfeso ta scuenta te Be,

Hechos 5:17

Ha yu'un hahch slab yo'tanic te muc'ul sacerdote soc spisil te mach'atic schapoj sba soc, ha te jchahp saduceohetique.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

Nehemías 2:10

Pero c'alal hich la ya'iyic te Sanbalat te talem ta Horón soc te Tobías te a'bat te talem ta Amón, c'ax ma lecuc la ya'iyic te ay mach'a tal slehbe yutsil slequil te snich'nab Israel.