Hechos 4:1 - Bible in Tzeltal Bachajón

¹ Te Pedro soc Juan yac sc'opombelic a te pueblo, hulic ta tahel yu'un sacerdotehetic, jtsobaw jcanan-templo, soc saduceohetic,

Nuevo Testamento Tzeltal de Amatenango

¹ Yipal to ta kꞌop a te jPedro sok te Juane ta stojol te genteetike kꞌalal laj kꞌot te saserdoteetik sok te statal yuꞌun te jkanan-temploe y sok te saduseoetike.

Bible in Tzeltal de Oxchuc y Tenejapa

¹ Te Pedro soc te Juane yacalic to ta c'op ta stojol a te lume, talic te sacerdoteetic soc te jwolwanej yu'un te jcanan-temploe soc uuc te saduceoetique.

Hechos 4:1 Referans Kwoze

San Lucas 22:4

ha baht sc'opon te principal sacerdotehetic soc jtsobawetic yu'un jcanan-templo, la schap soc bin ut'il ya yac' ta c'abal te Jesús.

Hechos 6:12

Hich la shachbeyic yo'tan te pueblo, te mamaletic soc escribanohetic; ochic ta banti ay te Esteban, la stsaquic loq'uel, la yiq'uic tal ta stojol te chahpajibal.

Hechos 5:26

Hich baht te jtsobaw jcanan-templo soc te policiahetic, lec nax la yiq'uic talel te jpuc-c'opetic, yu'un la xi'ic ya xch'ojotic ta ton yu'un te pueblo.

Hechos 5:24

C'alal hich la ya'iyic te muc'ul sacerdote soc te jtsobaw yu'un te jcanan-templo soc te principal sacerdotehetic, ma ba la sna'ic bin ut'il ya xc'oht ta loq'uel.

San Mateo 3:7

C'alal la yil te Juan te tal tsobol fariseohetic soc saduceohetic ta banti yac yac'bel ich'-ha', hich la yalbe: ¡Ha'ex sts'umbalex ti'awal chanetic! ¿mach'a la yalbeyex te ya me x'ahnex bahel ta stojol te ilimba talel yac?

Hechos 4:6

soc te muc'ul sacerdote Anás, soc Caifás, Juan, Alejandro, soc spisil mach'atic ayic yu'un te muc'ul sacerdotehetique.

San Juan 18:3

Ha yu'un te Judas la yic' bahel soldadohetic soc policiahetic yu'un te principal sacerdotehetic soc yu'un te fariseohetic, tey bahtic soc a, stuchticlanejic sc'ahq'uic soc chapalic ta a'tejibaletic.

San Juan 15:20

Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

San Mateo 27:41

Ha nix hich te principal sacerdotehetic, escribanohetic, fariseohetic soc te mamaletic la slabanic, hich la yalic:

San Mateo 27:20

Pero te principal sacerdotehetic soc mamaletic la ya'beyic te ya xc'oht ta yo'tanic te ants-winiquetic te ha'uc ya sc'ambeyic scoltayel te Barrabás soc ha'uc ya xlaj te Jesús.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

San Mateo 16:12

Hich la sna'ic te ma ha'uc halbotic te ya stsahtay sbahic yu'un te levadura yu'un te pan, pero ha te nohptesel yu'un te fariseohetic soc te saduceohetique.

Hechos 6:7

Puhc xan ta lec te sc'op Dios soc bayel p'ohl te jnopojeletic ta Jerusalén; soc ay tsobol sacerdotehetic la yich'ic ta cuenta te bin ay ta ch'uhunel.

San Lucas 20:1

Jun buelta te Jesús yac sp'ijubtesbel te ants-winiquetic ta Templo soc yac yac'bel ta nopel a te lec yach'il c'op, c'oht te principal sacerdotehetic, escribanohetic soc te mamaletic,

Hechos 5:17

Ha yu'un hahch slab yo'tanic te muc'ul sacerdote soc spisil te mach'atic schapoj sba soc, ha te jchahp saduceohetique.