Hechos 26:3 - Bible in Tzeltal Bachajón

³ Ha lec xan como ana'oj spisil bin ut'il ay te costumbrehic soc te c'opetic yu'un te judíohetique. Ha yu'un ya calbat wocol te yacuc awa'iybon jc'op ta lec.

Nuevo Testamento Tzeltal de Amatenango

³ Porke ya anaꞌ spisil te skostumbre juriyoetik y sok te tut ya kaltike. Jaꞌ yuꞌun te ya kalbeyex awokolikuk te ya awaꞌiyik ta ben lekilal te tut ya kale.

Bible in Tzeltal de Oxchuc y Tenejapa

³ Melel te ja'ate ana'oj stojol spisil te jcostumbretique soc te bit'il ma jchajbuc nax nopjibal cu'untique. Ja' swentail te ya calbat wocol te ya awaiybon stojol spisil te bila ya cal ta atojole.

Hechos 26:3 Referans Kwoze

Hechos 6:14

La jca'iycotic te la yal te Jesús talem ta Nazaret ya me sjin ha'i ch'ul awilal ini soc ya me sjeltay te costumbrehetic la ya'botic hilel te Moisés, xchihic.

Hechos 26:26

Te ajwalil, te jun co'tan yacon ta c'op ta stojol, sna'oj spisil ini. Jna'oj te mayuc bintic ma ba sna'oj te ajwalil, como ma ba muquen la yich' pasel ini.

1 Corintios 13:2

Teme ya cal sc'op-jalwanej soc na'bil cu'un spisil bintic wocol ta na'el soc spisil bintic ay ta na'el, teme ay bayel sch'uhunel co'tan te ha ya sjelbe yawil witsiltic ta scuenta, pero teme mayuc sc'uxul co'tan, tojol ayon.

Hechos 28:17

Oxeb c'ahc'al ta patil te Pablo la sticonlan ta iq'uel tal te principaletic yu'un te judíohetique. C'alal la stsob tal sbahic, hich la yalbe: Quermanotac, aunque mayuc la jcontrahin te jlumaltic o te costumbrehetic yu'un te jme'jtatic, la jquich' aq'uel ta chuquel ta Jerusalén ta sc'ab te romanohetique.

Hechos 26:7

ha te bin halbil ta jamal te yacalic ta smahliyel te lahchaychahp jts'umbaltic te ya xc'oht ta pasel, te c'alal yac yac'bel sbahic spisil ora ta a'batinel yu'un Dios c'ahc'al ahc'abal. Ta scuenta te smuc'ul-o'tanil ini te la slehbonic jmul te judíohetic, ajwalil Agripa.

Hechos 25:26

Te bin ut'il ma xweht cu'un bin ya calbe bahel ta hun te ajwalil cu'un, hich la jquic' tal ta atojolic, soc nix ta atojol, ajwalilat Agripa, scuenta yu'un teme yac ajoc'obe ta lec hich me ya xweht bin ya jts'ihbay.

Hechos 24:10

Te gobernador la ya'be seña yil te Pablo te ya xc'opoj. Hich la yal te Pablo: Jna'oj te ayix bayel ha'bil te ayat ta juez ta nación ini, ha yu'un jun co'tan ya jcoltay jba ta atojol.

Hechos 24:4

Pero scuenta yu'un ma ba ya xhalajat cu'un, ya calbat wocol te ta scuenta yutsil awo'tan yac awa'iybotic cha'oxp'ahluc jc'opcotic.

Hechos 21:21

Pero puhquem ac'oblal ta stojolic te ha'at yac awa'be snop spisil judíohetic te nahinemic ta yohlil jyanlumetic te ma me sch'uhuniquix te bin ya yal Moisés, te yac awalbe te ma me xya'beyiquix yich' circuncisión te snich'anic soc te manchuc ya spasiquix te jcostumbretique.

Deuteronomio 17:18

Te c'alal ya shuhcan sba ta shuctajib te banti ya xpasawan ta mandar, ya me sc'ases ta sts'ihbayel ta yan hun te mandariletic ini, te ha yu'un ya xc'oht, tey ya yich' loq'uesel tal a ta spasbenal te scanantayejic te sacerdote-levitahetique.

Hechos 26:2

Ajwalil Agripa, tse'el co'tan te ya xhu' ya jcoltay jba ta atojol yu'un spisil te jmul la slehbonic te judíohetique.

Jeremías 32:11

Patil la jquich' te shunal ta chonel, ha te yich'oj sello te banti ya yalbe sc'oblal bin ut'il ay ta chonele, soc la jquich' te yan hun te ma ba yich'oj sello,