Hechos 2:3 - Bible in Tzeltal Bachajón

³ soc la yilic chicnaj hich te bin ut'il yat c'ahc' te la spuc sba ta stojol jujutuhl.

Nuevo Testamento Tzeltal de Amatenango

³ Y chiknaj ta sjolik jich tutꞌil chꞌin kꞌajk te xlaplunete, la spujkij sba y kꞌot ta skuentaik ta juju-tul.

Bible in Tzeltal de Oxchuc y Tenejapa

³ Soc chicnaj la yilic tsobol ch'in c'ajq'uetic te jich yilel te bit'il cac'tique, la spuc sbaic ta stojolic ta juju-jtul.

Hechos 2:3 Referans Kwoze

San Mateo 3:11

Melel te ho'one ha nax ya ca'beyex awich'ic ha' ta scuenta suhtesel-o'tanil, yan te mach'a yac ta talel ta jpat, te ma xtuhunon yu'un yich'beyel bahel step, ha toyol xan ya'tel a te bin ut'il te ho'one. Ha me ya ya'beyex awich'ic te Ch'ul Espíritu soc c'ahc'.

Jeremías 23:29

¿Ma bal pajaluc soc c'ahc' te jc'ope, xchi te Jehová, soc ma bal pajaluc soc martillo te ya swuy te tone?

Hechos 2:4

Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

San Lucas 24:32

Talel c'axel hahch yalbe sbahic: ¿Ma bal ayuc yutsil c'oht ta co'tantic te c'alal la sc'oponotic ta be soc te c'alal la sjam ca'iytic te Shun Dios? xchihic.

Génesis 11:6

Hich la yal te Jehová: Junax ay te ants-winiquetic, soc junax sc'opic ta spisilic. Hahchemiquix ta a'tel, mayuc bin ya xhu' ya xcomotic yu'un ta spasel te bintic snopoj ta yo'tanic.

Apocalipsis 14:6

La jquil yan ch'ul a'bat yac ta wihlel ta po'tal ch'ulchan, yich'oj te lec yach'il c'op scuenta sbahtel q'uinal yu'un ya yalbe ya'iy mach'atic nahinemic ta bahlumilal, spisil nacionetic, ts'umbaliletic, c'opiletic soc pueblohetic.

1 Corintios 12:10

ay yan ya x'a'bot spas jchahp a'teliletic; ay yan ya x'ac'ot ta yalel sc'op-jalwanej; ay yan ya x'a'bot stsahtay espírituhetic; ay yan ya x'ac'ot ta c'op ta yan c'opiletic; ay yan ya x'a'bot sna' sc'asesel yan c'opiletic.

Hechos 2:11

soc talemic ta Creta soc Arabia, yac yalbelic ca'iytic ta jc'optic nix te yutsil ya'tel te Diose, xchihic.

San Mateo 3:15

La sjac' te Jesús: Hich ac'a c'ohtuc ta ora ini, como hich ya sc'an ya jc'ohtestic ta pasel spisil bin stojil ta pasel, xchi. Hich la sch'uhun te Juan.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

Salmos 55:9

Lajinlana, Jehová, te mach'atic chopolic, yanijtesbeya te sc'opique, yu'un ya quil uts'inel soc hahch c'op ta pueblo.

Hechos 1:15

Ha yorahil a te Pedro la stehc'an sba ta yohlil te yermanotac (ay wan wacwinic (120) ta tuhl te stsoboj sbahic), hich la yal:

Hechos 2:2

Repente nax ay bin xju'et c'opoj tal ta ch'ulchan hich bin ut'il tulan ic', hul spuhl sba ta yutil na te ban hucajtique;