Hechos 2:1 - Bible in Tzeltal Bachajón

¹ C'alal c'oht sc'ahc'alel q'uin Pentecostés, ta spisilic jun stsoboj sbahic a.

Nuevo Testamento Tzeltal de Amatenango

¹ Te kꞌalal kꞌot skꞌaalel te kꞌin Pentecostese, spisil te hermanoetike stsoboj sbaik ta jun nax luwar a.

Bible in Tzeltal de Oxchuc y Tenejapa

¹ Te c'alal c'ot sc'aalelal te q'uin Pentecostés, spisilic te jnopojeletic jun nax yo'tan sbaic te banti stsoboj sbaique.

Hechos 2:1 Referans Kwoze

Romanos 15:6

scuenta yu'un junax awo'tanic soc ac'opic yac awalbeyic yutsil sc'oblal te Dios, te Stat te Cajwaltic Jesucristo.

Filipenses 2:2

ts'acaytesbonic te stse'elil co'tan yu'un te pajaluc awo'tanic, pajaluc c'ux yac awa'iy abahic, junuc nax ya x'ayinex soc junuc nax snopojibal awu'unic.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

1 Corintios 16:8

Pero ya xhilon ta Éfeso ha to c'alal ta q'uin Pentecostés,

Sofonías 3:9

Ta hich ora ya cac' te ya xlecub te sc'op te pueblohetic, scuenta yu'un spisilic ya sc'opombeyic te sbihil te Jehová, yu'un pajal ya yac' sbahic ta a'batinel ta stojol.

Hechos 4:32

Spisilic te mach'atic sch'uhunejic, jun yo'tan sbahic soc jun sch'uhlel la ya'iy sbahic. Mayuc mach'a la yal te ha stuquel yu'un te sbiluque, ta spisilic junax sbiluc c'ohtic.

Éxodo 23:16

Soc ya me apas te Q'uin yu'un C'ajoj, ha te sba sit awa'tel, te bin la ats'un ta aq'uinal. Soc ya me apas te Q'uin yu'un Tsobel ta slajel te ha'bil te c'alal yac atsob te sit awa'tele.

Hechos 20:16

Te Pablo snopoj te ma ba ya xc'ax ta Éfeso, yu'un ma ba la sc'an ya xhalaj xan ta Asia yu'un la suj sba te ayuquix ta Jerusalén ta yorahil te Q'uin Pentecostés, teme hu' yu'une.

Hechos 4:24

C'alal hich la ya'iyic, pajal hahchic ta sc'oponel Dios, hich la yalic: Ajwalilat yu'un spisil, ha'at te Diosat te la apas ch'ulchan, bahlumilal, mar soc spisil bintic ay tey a;

Jeremías 32:39

Ya cac' te junax yo'tanic soc te jun te be yu'unic, scuenta yu'un spisil ora ya yich'onic ta muc', scuenta yu'un lec ya xc'ohtic soc te yal-snich'nabic ta patil.

Éxodo 34:22

Soc ya me apas te Q'uin yu'un te Semanahetic, ha te sba sit te trigo, soc te Q'uin yu'un C'ajoj te ay ta slajel te ha'bile.

Hechos 5:12

Ay bayel ta chahp a'teliletic soc señahiletic la spasic te jpuc-c'opetic ta stojol te pueblo. Spisilic la stsob sbahic ta slehch-na yu'un Salomón,

2 Crónicas 30:12

Ha nix hich ta Judá tijbot yo'tanic yu'un Dios te jun yo'tanic ya spasic te bin la yal ta mandar te ajwalil soc te príncipaletic, hich te bin ut'il yaloj te Jehová.

Salmos 133:1

Ilawil, buen lec soc bayel yutsil te jun yo'tan sbahic te mach'atic yermano sbahique.

2 Crónicas 5:13

Ta spisilic junax la yac' sbahic ta yoq'uesinel te cornetahetic soc ta c'ayoj ta yalbeyel yutsil sc'oblal soc ta yalel wocol ta stojol te Jehová. Yaquic ta yoq'uesinel te cornetahetic soc ta stijel te platillohetic soc te yantic a'tejibaletic yu'un música, hich la yalbeyic ta c'ayoj te Jehová: Lec yo'tan stuquel, como sbahtel q'uinal ay te sc'uxul yo'tan, xchihic. C'alal hich yac spasbelic a, noj ta tocal te sna Jehová.

Hechos 2:46

Jujun c'ahc'al la sjoquin sbahic ta Templo, la xeht'ic pan ta snahic, soc la sjoquin sbahic ta we'el soc yutsil yo'tanic soc ta spisil yo'tanic,

Hechos 1:5

como te Juan la yac' ich' ha', yan te ha'exe nopolix yorahil te yac awich'ic te Ch'ul Espíritu, xchi.

Hechos 1:8

pero ya me awich' awu'elic te c'alal ya xtal ta atojolic te Ch'ul Espíritu; testigo ya xc'ohex cu'un ta Jerusalén, ta spisil Judea, Samaria, soc c'alal ta sti'il bahlumilal, xchi sc'oblalic.

Hechos 4:31

C'alal laj yo'tanic ta sc'oponel Dios, nihc te lugar te banti stsoboj sbahic; soc ta spisilic nojesbot ta yo'tanic te Ch'ul Espíritu, soc bayel yip yo'tanic la yalic te sc'op Diose.