Hebreos 4:1 - Bible in Tzeltal Bachajón

¹ Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Nuevo Testamento Tzeltal de Amatenango

¹ Jaꞌ yuꞌun, kuidado me ya skꞌan xꞌanotik te tutꞌil ay to ta jkuentatik te sjapoj Dios te ya xjuꞌ xꞌochotik te ba luwar te kuxo-oꞌtane. Jaꞌ me ma lek teme ay jtuluk te jaꞌex te ma xkꞌo ataike.

Bible in Tzeltal de Oxchuc y Tenejapa

¹ Jich yu'un ya sc'an ya jtsajtay jbajtic ta jpisiltic, melel ay to ta jwentatic te bila yaloj Dios te ya xju' ya x'ochotic ta bay te cux-o'tan yu'un te Diose. Ja' wocol teme ay ma x'ochex tey a te ja'exe.

Hebreos 4:1 Referans Kwoze

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

Hebreos 4:9

Ha yu'un ay to te cux-o'tanil yu'un te pueblo yu'un Dios,

Proverbios 28:14

Bayel yutsil te mach'a spisil ora ya xi' te Jehová, yan te mach'a ya stulanijtes yo'tan ya sta swocol.

Hebreos 13:7

Na'ahic me te jcanan awu'unic, te la yalbeyex te sc'op Diose. Na'ahic me bin ut'il c'ohtic ta loq'uel yu'un te bin yilel te scuxlejalic, soc nopbeyahic te sch'uhunel yo'tanique.

2 Timoteo 2:13

teme ma junuc co'tantic, stalel jun yo'tan stuquel, como ma xhu' ya smuc sba ta yo'tan stuquel.

1 Corintios 10:12

Ha yu'un te mach'a ya scuy te ay yip ta tec'lej, ac'a stsahtay sba te ma ba ya xyahle.

Romanos 11:20

Hich nix a; jepbotic loq'uel ta scaj te ma ba la sch'uhunic; yan te ha'ate ta scuenta sch'uhunel awo'tan te teq'uelate. Ma me xatoy abahic, xiwuc me awo'tanic,

Romanos 3:23

spisilic ay smulic, ma ba yich'beyejic yutsilal te Diose,

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Números 14:34

Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Hebreos 3:11

Ha yu'un la jcal ta jamal ta scuenta quilimba: Mayuc bin ora ya x'ochic ta banti ay te cux-o'tanil cu'une, xchi.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

San Mateo 24:48

Yan teme hich ya yal ta yo'tan te mach'a ma lequil a'batuc: Ma orahuc ya xtal te cajwal, teme xchihe,

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

Gálatas 5:4

Te jayebex te yac acuyic te ha toj ya xc'ohex ta scuenta te Ley, la aloq'ues abahic ta stojol te Cristo; yahlemex ta stojol te yutsil-o'tanil.