Hebreos 3:3 - Bible in Tzeltal Bachajón

³ Te Jesús c'ax hich ay ta ich'el ta muc' a te bin ut'il te Moisés, hich te bin ut'il c'ax hich ay ta ich'el ta muc' a te jpas-na te bin ut'il te nahe.

Nuevo Testamento Tzeltal de Amatenango

³ Pero te Jesuse ya skꞌan te mas ya xꞌakꞌot ta kuenta ke te jMoisese, jich tutꞌil te jpas-nae mas ya skꞌan xꞌakꞌot ta jkuenta ke te nae.

Bible in Tzeltal de Oxchuc y Tenejapa

³ Te Jesuse ya sc'an te c'ax jich ya quich'tic ta muc' stuquel te bit'il te Moisese, jich bit'il te mach'a la spas te nae, c'ax jich ya x'ich'ot ta muc' stuquel te bit'il te nae.

Hebreos 3:3 Referans Kwoze

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

Hebreos 2:9

Pero ya quiltic te Jesús, te peq'uel xan ac'ot jtebuc yu'un te ch'ul a'batetic, te a'botix yutsilal soc ich'el ta muc' ta scaj te c'ax swocol ta lajel, scuenta yu'un ya ya'iy lajel yu'un jpisiltic ta scuenta yutsil yo'tan Dios.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

Colosenses 1:18

Ha jolal yu'un te iglesia, te ha sbaq'uetal; ha shahchibal, ha nahil cha'cuxaj ta yohlil te mach'atic chamenic, scuenta yu'un ha toyol ya xc'oht yu'un spisil bintic ay stuquel,

San Mateo 16:18

Soc ho'on ya calbat te ha'at Pedrohat, ta sba ha'i muc'ul ton ini ya jpas te iglesia cu'un, soc te ochibaletic yu'un te tsobojibal mach'atic chamenic ma xhu' stsalbel.

Zacarías 4:9

Te sc'ab Zorobabel ya yotses te yich'o-ip te Na ini, soc ha nix te sc'ab te ya shu'tes. Hich yac ana'ic a te ticombilon yu'un te Jehová te scuentahinej spisil.

2 Corintios 3:7

Te ya'tel te ley te ya yac' lajel, te ts'ihbabil ta ton, teme hich tal soc yutsilal, scuenta yu'un te israeletic ma ba hu' yu'unic yilbeyel sit yelaw te Moisés ta scaj sts'anabul, te ch'ay bahel ta hich ora,

Hebreos 3:4

Como spisil nahetic ay mach'a pasot yu'un, pero ha Dios te la spas spisil bintic ay.