Hebreos 2:3 - Bible in Tzeltal Bachajón

³ ¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Nuevo Testamento Tzeltal de Amatenango

³ ¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

Bible in Tzeltal de Oxchuc y Tenejapa

³ ¿Bit'il c'an jcoltay loq'uel jbajtic uuc teme ma'yuc sc'oplal ta co'tantic te jcoleltic te c'ax muc' sc'oplale? Yu'un ja' nix Cajwaltic te la xcholbey sc'oplal ta neelal te jcoleltique. Te mach'atic la yaiybeyic stojol te sc'ope, ja'ic la yalbotic te bit'il smelelil c'op te bila la yale.

Hebreos 2:3 Referans Kwoze

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Romanos 2:3

Ha'at, winicat, te yac awich' ta c'op te mach'atic hich ya spasic, soc ha nix hich yacat ta spasel ¿acuyoj bal te ma ba yac awich' castigo yu'un Dios?

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

Ezequiel 17:15

Pero te ajwalil la stoy sba ta stojol, la sticonlan bahel jal c'opetic ta Egipto yu'un ya x'a'bot cawuhetic soc bayel soldadohetic. ¿Lec bal ya xc'oht? ¿Ya bal xhu' ya scoltay sba te mach'a hich ya spase? Te mach'a la sjin te chapbil-c'op ¿ya bal xhu' ya xcol?

Hebreos 4:11

Ha yu'un ac'a me cac'tic fuersa te yacuc x'ochotic ta banti ay te cux-o'tanil, scuenta yu'un mayuc mach'a ya xyahl ta scuenta sc'axuntayel c'op hich te bin ut'il la spasique.

Hebreos 1:2

pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

San Lucas 1:2

hich te bin ut'il la ya'botic jnoptic te mach'atic ta shahchibal to la yil ta sitic te bintic c'oht ta pasel soc te a'tejic ta yalel te c'ope.

Apocalipsis 7:10

Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.

Tito 2:11

Como chicnajemix te yutsil yo'tan Dios scuenta yu'un ay colel ta stojol spisil ants-winiquetic,

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.

San Mateo 23:33

¡Chanex, sts'umbalex jti'awal chanetic! ¿bin ut'il c'an coluquex yu'un te ya x'ac'otex ta ch'ayel ta infierno?

Isaías 62:11

Ilawil, te Jehová hich la spuc ta halel c'alal ta sti'il te bahlumilal: Halbeyahic te yantsil-nich'an Sión: Talix te Jcoltaywanej awu'un; ilawil, yich'oj tal mahtanil, ay ta stojol te mahtanile, xchi.

Isaías 51:5

Ya xnohpoj tal ta ora te bin toj ya jpas, loq'uemix tal te colel cu'un, soc ya schahpan te pueblohetic te jc'abe. Te mach'atic ayic ta ti'mar ya me smahliyonic, ha ya smuc'ulin yo'tanic te jc'abe.

Isaías 12:2

Ha jcoltaywanej te Diose; ha smuc'ulinej co'tan, ma xiwon; como ha ahnibal cu'un soc ha c'ayojil cu'un te Jehová, ha jcoltaywanej cu'un, xchihex.

Hebreos 4:1

Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Hechos 2:22

Winiquetic yu'un Israel, a'iya me awa'iyic te c'ope: Te Jesús talem ta Nazaret, ha te winic te Dios la yac' ta ilel ta atojolic te lec sc'oblal; hich la yac' ta ilel ta scuenta jchahp a'teliletic soc señahiletic te Dios la spas ta atojolic ta scuenta, hich te bin ut'il ana'ojique.

Hechos 1:22

ha te c'alal hahch ta yaq'uel ich'-ha' te Juan ha to c'alal ic'ot mohel ta cohliltic, te pajal testigohotic soc yu'un te cha'cuxaj te Jesús, xchi.

San Juan 15:27

Ha nix hichex yac awalbonic jc'oblal, como ajoquinejonic c'alal ta shahchibal.

San Lucas 24:19

¿Binti a? xchi te Jesús. Ha te Jesús te talem ta Nazaret, te ha jalwanej, te ay bayel yip ya'tel soc yip sc'op ta stojol Dios soc ta stojol spisil ants-winiquetic,

San Marcos 1:14

Ochemix ta chuquel a te Juan, c'oht ta Galilea te Jesús, yac ta yalel te lec yach'il c'op sc'oblal te cuentahinel yu'un Dios.

Ezequiel 17:18

Te bin ut'il la sp'aj te bin halbil ta jamal soc te la sjin te chapbil-c'op, te bin ut'il la yac' sba ta stojol, pero la spas spisil ini, ma xcol yu'un.

Isaías 51:8

Como ya xlajinotic yu'un sulup hich te bin ut'il c'u'ul, ya xlajinotic yu'un yol hich te bin ut'il stsotsel-tuminchij. Pero stalel ya xhil te bin stojil ya jpas, soc te colel cu'un ya xhalaj ta cajalcaj ts'umbalil, xchi.

Isaías 20:6

Ta hich ora hich ya yalic te mach'atic nahinemic ta ti'mar li'i: ¡Ilawil te bin c'oht ta pasel ta stojol te mach'a smuc'ulinej co'tantic, te la jc'ambetic coltayel yu'un ya scoltayotic loq'uel ta sc'ab te ajwalil yu'un Asiria! Ta ora ini, ¿bin ut'il ya xloc'otcotic ta ahnel? xchihic yu'un, xchi te Jehová.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

San Mateo 4:17

Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Romanos 11:14

scuenta yu'un ayuc bin ut'il ya cac' hahchuc yo'tanic te mach'atic jun jts'umbal soc, te hich ayuc mach'atic ya xcolic a,

1 Corintios 1:21

Ta scuenta sp'ijil yo'tan Dios, ma ba la sna'be sba Dios ta scuenta sp'ijil mach'atic ayic ta bahlumilal; lec la ya'iy Dios te ya yac' coluc te mach'atic ya sch'uhunic ta scuenta yalel sc'op Dios te cuybil ta howil c'ope.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hebreos 9:28

ha nix hich te Cristo, jmehl nax la yac' sba ta lajel yu'un sch'aybeyel smul tsobolic; soc ya xcha'tal xan, pero ma yu'unuc sch'ayel mulil, ha ya xtal scoltay te mach'atic yac smahliybelic.

1 Juan 1:1

Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.

Judas 1:17

Yan te ha'ex te c'uxex ta co'tan, na'ahic me te bintic la yalic ta nahil to te jpuc-c'opetic yu'un te Cajwaltic Jesucristo,