Hebreos 2:2 - Bible in Tzeltal Bachajón

² Como teme ay yip te c'op te halbil ta scuenta te ch'ul a'batetic, soc te a'botic stojil castigo spisil te mach'atic la sch'ayic soc la sc'axuntayic mandar,

Nuevo Testamento Tzeltal de Amatenango

² Te nameye tulan skꞌoplal te mantaliletik te Dios a yakꞌ ta skuenta te angeletike, y te machꞌatik mulawike y sok te machꞌatik maꞌ xchꞌuunik mantale akꞌtalanbot kastigo chikan te smulike.

Bible in Tzeltal de Oxchuc y Tenejapa

² Melel te sc'op Dios te la yich' alel yu'un te ch'ul abatetic ta neelal toe, tulan sc'oplal c'ot yu'un. Spisil te mach'atic la xc'axintayic soc te ma la xch'uunique, puersa la stojic ta castigo.

Hebreos 2:2 Referans Kwoze

Hechos 7:53

ha'ex te awich'ojic te Ley ta scuenta ch'ul a'batetic, pero ma la ach'uhunic spasel, xchi te Esteban.

Gálatas 3:19

Ha yu'un ¿banti ya xtuhun te Ley? Ha a'bot ta scaj sc'axuntayel mandar, ha to c'alal tal te sts'umbal Abraham, te ha nix yu'un te bin yaloj ta jamal te Diose; soc ha la yich' aq'uel ta scuenta ch'ul a'batetic, ha a'bot te mach'a ya xc'opoj yu'un te pueblo.

Hebreos 10:28

Te mach'a ya sc'axuntaybe te Ley yu'un Moisés jc'axel ya x'ac'ot ta lajel ta scuenta cheb oxeb testigo.

Judas 1:5

Ya jc'an ya ca'beyex xan ana'ic, aunque ana'ojic nix a, te Cajwaltic te c'alal la scoltayix loq'uel ta Egipto a te pueblo yu'un, patil la slajin te mach'atic ma ba ch'uhunot yu'une.

Deuteronomio 27:26

Chopol sc'oblal te mach'a ma ba ya sch'uhun spasel te mandariletic ini, xchihic. Hichuc, xchihic me spisil te pueblo.

Hebreos 11:26

ha bayel xan sc'oblal ta yo'tan te bohlc'optayel ta scuenta Cristo te bin ut'il te sc'uhlejal te egipciohetic, como yac'oj sit tey a te mahtanile.

Hebreos 10:35

Ha yu'un ma me xch'ay awu'unic te smuc'ul awo'tanic, te ay muc'ul mahtanil yu'une.

Deuteronomio 17:12

Te mach'a ya stoy sba, te ma ba ya sch'uhun spasel te bin ya yal te sacerdote te yac ta a'tel tey a ta stojol te Jehová te Dios awu'un, o ha te bin ya yal te juez, ya me yich' milel yu'un. Hich yac aloq'ues a te bin chopol ta yohlil Israel.

Deuteronomio 17:5

ya me aloq'ues bahel ta yochibal te pueblo awu'un te winic o ants te la spas te bin chopol ini, ya me ach'oj ta ton ha to ya xlaj.

Hebreos 11:6

Teme mayuc sch'uhunel-o'tanil, ma xhu' te lec yo'tan Dios yu'un, como te mach'a ya xnohpoj ta stojol Dios ya sc'an ya sch'uhun te ay Dios soc te ya ya'be smahtan te mach'atic ya xlehot yu'une.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Salmos 68:17

Te carretahetic yu'un Dios c'ax bayel ta mil; te Cajwal loc' tal ta Sinaí, hul ta templo yu'un.

Deuteronomio 17:2

Ta bayuc pueblohetic awu'unic te ya ya'bat te Jehová te Dios awu'un, teme ay ya xchicnaj winic o ants ta awohlilic te ay bin chopol la spas ta stojol Jehová te Dios awu'un, te ya sc'axuntaybe te chapbil-c'op yu'une,

Números 25:9

Cham oxpic (24,000) ta tuhl yu'un te jmilawal-chamel.

Números 21:6

Hich te Jehová la sticombe tal ti'awal chanetic ta yohlilic, hich lajic ta ti'el ta chan; bayel chamic yu'un te snich'nab Israel.

Números 16:49

Te jaytuhl lajic yu'un te jmilawal-chamel, ha jpic soc ho'lajunwinic shuclajunbahc' (14,700) ta tuhl; parte te mach'atic lajic yu'un te la stoy sbahic soc Coré.

Números 11:33

Ochel to a te ti'bal ta yehic, ma to sjach'ojic a, tihl yilimba Jehová ta stojol te pueblo, la sticonlambe tal tulan castigo.

Deuteronomio 32:2

Te snopojibal cu'un ya me xt'uhlaj cohel hich te bin ut'il ha'al, te c'opetic cu'un ya me xco tal hich te bin ut'il ts'ujul, hich te bin ut'il c'unil ha'al te ya xco tal ta sba te ac, hich te bin ut'il ha' te xt'ulajan ya xc'oht ta sba te ha'male.

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

2 Pedro 1:19

Ha yu'un chican xan ta lec te ha smelelil te sc'op te jalwanejetique. Lec te yac awich'ic ta cuenta, hich te bin ut'il c'ahc' te yac ta tihlel ta yihc'al q'uinal, ha to c'alal ya sacub q'uinal soc te ya yac' sts'anabul ta awo'tanic te jsacubel ec'.