Hebreos 1:8 - Bible in Tzeltal Bachajón

⁸ Pero hich ya yalbe sc'oblal te Nich'anil: Dios, te muc'ul-huctajibal awu'un sbahtel q'uinal ay. Te bastón yu'un te cuentahinel awu'un, ha bastón yu'un bintic toj ta pasel.

Nuevo Testamento Tzeltal de Amatenango

⁸ Pero te skꞌoplal te Xnichꞌane, jich a yal: “Jaꞌat te Diosate, sbajtel kꞌinal ay te awaꞌtele, y te awaꞌtele toj ya xchapawanat.

Bible in Tzeltal de Oxchuc y Tenejapa

⁸ Yan te Snich'ane, jich la yalbey sc'oplal: “Ja'at te Diosate, nacalat ta amuc'ul nactijib ta ajwalil sbajt'el q'uinal. Toj ya awaiy chajbanwanej soc te awat'ele.

Hebreos 1:8 Referans Kwoze

San Juan 10:30

Jun ayon soc te Jtate, xchi.

Romanos 9:5

Ha yu'unic te namey tatiletic, soc ta scuenta ch'ich'-baq'uet tey talem a te Cristo, te ha Dios yu'un spisil bintic ay, te stalel ay ta ich'el ta muc'. Hichuc.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Salmos 145:13

Te cuentahinel awu'un ha cuentahinel scuenta sbahtel q'uinal, soc te awa'tel ta ajwalil ay ta spisil ta cajalcaj ts'umbaliletic.

Malaquías 3:1

Ilawil, ya jticon talel te jal-c'op cu'un te ya schahpambon te be cu'une. Ora nax ya xtal ta Templo te Ajwalil yac alehbelique; te jal-c'op yu'un te chapbil-c'op, ha te mach'a mulambil awu'unic, yaquix ta talel, xchi te Jehová te scuentahinej spisil.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

1 Corintios 15:25

Ya sc'an te ay ta ajwalil ha to c'alal la yac' ta ye'tal yoc spisil te scontrataque.

San Juan 20:28

La sjac' te Tomás: ¡Cajwal, Dios cu'un! xchi.

Oseas 1:7

Pero ya jna'be yo'bolil sba te sna Judá: ya jcoltay ta scuenta Jehová te Dios yu'une, ma ha'uc ta scuenta t'ihmalte', o espada, guerra, cawuhetic, o mach'atic cajajtic tey a, xchi.

2 Samuel 23:3

Te Dios yu'un Israel c'opojix; hich la yalbon te Muc'ul Ton yu'un Israel: Te mach'a stojil ya scuentahin te ants-winiquetic, te ya xcuentahinwan ta scuenta xi'el te Diose,

Salmos 99:4

Ha'at ajwalilat te ay awu'el te c'ux ta awo'tan te bin toj ta pasel; ha'at la achahpan te pajal ay ta c'uxultayel spisilic; yac apas ta stojol Jacob te bin stojil soc te bin lec.

Deuteronomio 2:37

Ha nax ma ba ochotic ta sq'uinal te snich'nab Amón, ta spisil te q'uinal ay ta sti'il te uc'um Jaboc, ta pueblohetic ta witsiltic, ni ta bayuc te ma ba la yac' ya x'ochotic te Jehová te Dios cu'untique.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

San Juan 10:33

La sjaq'uic te judíohetic: Ma ha'uc ya jch'ojatcotic ta ton yu'un te lequil a'telil, ha ya jch'ojatcotic ta ton yu'un te yac abohlc'optaybel Dios, como ha'at winicat yac acuybel aba ta Dios, xchihic.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Jeremías 38:15

Hich la sjac' te Jeremías: Teme jamal ya calbat, ¿ma bal yac amilon? Soc teme ay bin ya ca'bat ana', ma ba yac awich'bon ta cuenta, xchi.

Isaías 45:25

Ta scuenta Jehová toj ya xc'ohtic soc ya yich' yutsilalic spisil te sts'umbal Israel.

Salmos 72:7

Ta yorahil te ajwalil ya me xnichin te bin stojil ta pasel soc ay bayel lamal q'uinal ha to c'alal mayuquix a te uhe.

Deuteronomio 7:14

C'ax hich bendición yac awich' a te bin ut'il spisil te yantic pueblohetic; mayuc jtuhluc winic ta awohlil te ma xnich'naj soc mayuc jtuhluc ants te ma x'alaj, ha nix hich te chambahlametic awu'unique.

2 Pedro 1:11

Hich me muc' ya xjambotex ochel sbehlal ta banti ay te cuentahinel sbahtel q'uinal yu'un te Cajwaltic Jesucristo, te Jcoltaywanej cu'untique.

San Lucas 1:75

ta scuenta ch'ultesel soc toj-o'tanil ta stojol Dios te jayeb c'ahc'al cuxulotique.