Hebreos 1:3 - Bible in Tzeltal Bachajón

³ Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Nuevo Testamento Tzeltal de Amatenango

³ Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Bible in Tzeltal de Oxchuc y Tenejapa

³ Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.

Hebreos 1:3 Referans Kwoze

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

San Juan 1:4

Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

Hebreos 10:12

Yan te Cristo jmehl nax la yac' sba scuenta milbil mahtanil yu'un muliletic, patil la shuhcan sba ta swa'el-c'ab te Diose.

Judas 1:25

te hip jtuhl Dios, te Jcoltaywanej cu'untic, ayuc me yutsilal, muc' yutsil ya'tel, cuentahinwanej soc yu'el, yo'tic soc ta sbahtel q'uinal. Hichuc.

Hebreos 9:26

Te hichuque, la sc'an te bayel buelta ya xc'ax swocol te Cristo yalel c'alal ta shahchibal to tal bahlumilal. Pero yo'tic te slajibalix ha'biletic, jmehl nax xtaluc yac' sba ta lajel ta sch'ayel mulil.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Hebreos 4:14

Ha yu'un, te bin ut'il ay muc'ul sacerdote cu'untic te sohl bahel ta ch'ulchan, ha te Jesús te Snich'an Dios, ma me xquihquitaytic te bin jch'uhunejtique.

1 Juan 3:5

Ana'ojic te ha xtaluc te Cristo yu'un ya sloq'uesbotic jmultic; ha mayuc smul stuquel.

2 Pedro 1:16

Te c'alal la jca'beyexcotic ana'ic bin ut'il ay sc'oblal te ya xtal te Cajwaltic Jesucristo soc bin ut'il ay sc'oblal te yu'el, ma ba jt'umbeyejcotic nopbil cuentohetic, ho'otcotic nix la jquilcotic ta jsitcotic te smuc'ul yutsilale.

1 Pedro 3:22

te mach'a mohix ta ch'ulchan soc te ayix ta swa'el-c'ab te Diose; ha scuentahinej ch'ul a'batetic soc te mach'atic ay ya'telic soc te ay yu'elique.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

Hebreos 8:1

Yo'tic, te bin tulan sc'oblal te yacotcotic ta yalel, ha te ayix te muc'ul sacerdote cu'untic te c'oht shuhcan sba ta swa'el-c'ab ta smuc'ul-huctajib te Mach'a c'ax bayel yutsilal ta ch'ulchan.

San Marcos 16:19

Laj sc'opombel a te jnopojeletic yu'un, ic'ot mohel ta ch'ulchan te Cajwaltic, c'oht shuhcan sba ta swa'el-c'ab te Diose.

Salmos 75:3

Te c'alal ya xnihc te lumq'uinal soc te mach'atic nahinemic tey a, ho'on ya ca'be yip te yich'o-ipique. Selah

Apocalipsis 3:21

Te mach'a ya ya'iy tsalaw, ya cac' sjoquinon ta huclej ta jmuc'ul-huctajib, hich te bin ut'il la jca'iy tsalaw soc la joquin ta huclej ta smuc'ul-huctajib te Jtate.

Hebreos 7:27

Ma hichuc ay te bin ut'il te yantic muc'ul sacerdotehetic te jujun c'ahc'al nahil ya ya'be milbil mahtaniletic scuenta stojel smulic, patil ya ya'be yu'un te pueblo; como te Jesús junax buelta la yac' milbil mahtanil scuenta sbahtel q'uinal te c'alal la yac' sba ta lajel.

Hechos 2:33

Ha yu'un, te bin ut'il ac'otix ta swa'el-c'ab te Dios soc a'botix yich' yu'un te Tatil te Ch'ul Espíritu te halbot sc'oblal ya yich', hich la yaq'uix tal te bin yac awilbelic soc te yac awa'iybelique.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

Colosenses 3:1

Ha yu'un teme cha'cuxajemex soc Cristo, ha me xalehic te bintic ay ta toyol, ta banti hucul ta swa'el-c'ab Dios te Cristo.

Romanos 8:34

¿Mach'a c'an ya'be stoj smul? ha nix te Cristo te laj, soc xan ha cha'cuxaj, soc ayix ta swa'el-c'ab te Dios, te ha nix ya xc'opoj cu'untic.

Hechos 7:56

hich la yal: Ilawil, jamal ya quil te ch'ulchan soc teq'uel ta swa'el-c'ab Dios te Nich'anil ay ta scuenta winic, xchi.

Salmos 110:1

Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

1 Crónicas 29:11

Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.

Romanos 1:16

Ma xq'uexawon yu'un te lec yach'il c'op, como ha yu'el Dios yu'un ya xcolic spisil mach'atic ya sch'uhunic, ha nahil te judío soc ha nix hich te griego,

Miqueas 5:4

C'alal ya xtal ya me xhahch scanantay ta scuenta yu'el te Jehová, ta scuenta yutsil sbihil te Jehová te Dios yu'une; jun yo'tan ya x'ayinic, como muc' sc'oblal ya xc'oht c'alal ta sti'il te bahlumilale;

Eclesiastés 8:4

Ha toyol te sc'op te ajwalile, mayuc mach'a ya xhu' ya yalbe: ¿Bin yac apas? te xchihe.

Job 37:22

ya xtal sts'anabul oro yilel ta stojol norte, ¡ha te xiweltic sba yu'el te Diose!

Hebreos 9:16

Como teme pasbil hilel jun testamento, ha to ya xc'oht ta pasel a teme cham te mach'a la spas,

San Mateo 22:24

Maestro, la yal te Moisés: Teme ay mach'a cham te mayuc yal-snich'an, ha ya x'ic'bot yihnam yu'un te yihts'in, ha ya shachbe sts'umbal te sbanquile, xchi.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Hebreos 1:13

¿Mach'a ch'ul a'batil te hich halbot yu'un Dios: Huclan ta jwa'el-c'ab ha to c'alal ya cac' ta scajtajib awoc te acontra, te xchi sc'oblale?

2 Pedro 1:17

Ha ac'ot ta ich'el ta muc' soc a'bot yutsilal yu'un te Dios Tatil te c'alal chicnaj tal c'op ta stojol te Muc'ul Utsilal te hich la yal: Ha Jnich'an ini te c'ux ta co'tan, te bayel yutsil co'tan yu'un, xchi sc'oblal.

Levítico 15:15

te ha ya yac' jcoht scuenta mahtanil yu'un mulil soc jcoht scuenta scohtol chic'bil mahtanil. Te sacerdote hich ya spasbe te bin ya stoj mulil yu'un ta stojol Jehová te mach'a ay bin mal yu'une.