Hebreos 1:2 - Bible in Tzeltal Bachajón

² pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

Nuevo Testamento Tzeltal de Amatenango

² Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

Bible in Tzeltal de Oxchuc y Tenejapa

² Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Hebreos 1:2 Referans Kwoze

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

San Juan 1:3

Ha ta scuenta te la yich' pasel spisil bintic ay, mayuc bin pasbil te ma ha'uc pasbil ta scuenta.

San Juan 1:14

Te C'opil la yich' sbaq'uetal soc nahin ta cohliltic, nojel ta yutsil-o'tanil soc ta bin smelelil. La jquilbetic yutsilal, hich yutsilal te bin ut'il yutsilal te hip jtuhl Snich'an te Tatile.

1 Pedro 1:20

Ha tsahbil te c'alal ma to pasbiluc a te bahlumilal, pero chicnaj ta slajibalix ayotic ini ta scuenta sc'uxulex ta yo'tan.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Juan 13:3

Sna'oj te Jesús te spisil a'bibil ta sc'ab yu'un te Tatil, soc te hahchem tal ta stojol Dios soc te ya suhtix bahel ta stojol Dios;

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Hebreos 11:3

Ta scuenta sch'uhunel co'tantic ya jna'tic te ta scuenta smandar Dios la yich' pasel te ch'ulchan bahlumilal, te bin chican ta ilel la yich' pasel a te bin ma chicanuc ta ilele.

Romanos 8:17

Teme al-nich'anilotic, ya x'ac'ot quich'tic te bin ay yu'un Dios soc pajal ya quich'tic soc Cristo, teme pajal ya xc'ax jwocoltic soc, scuenta yu'un pajal ya quich' cutsilaltic soc.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Mateo 21:38

Pero te j'a'teletic c'alal la yilbeyic te snich'an, hich la yalbe sbahic: Ha ini te ya xbaht yich' te q'uinale. La'ic, jmiltic, hich ya quich'betic te sq'uinale, xchihic.

Hebreos 5:8

Aunque ha Nich'anil, tey la snop sch'uhunel mandar a ta scuenta te c'ax bayel swocol;

Efesios 1:10

te ha ta scuenta Cristo ya stsob spisil bintic ay ta ch'ulchan soc spisil bintic ay ta bahlumilal te c'alal ya sta yorahil te chapal yu'une.

Isaías 44:24

Hich ya yal te Jehová, te J'ac'aw ta libre awu'un, te la schahpanat ta yawil alal: Ho'on Jehovahon, te jpasoj spisil bintic ay, jtuquel la jlim bahel te ch'ulchan, jtuquel la jlim bahel te lumq'uinal;

Hebreos 7:3

Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

Hebreos 1:5

Como ¿mach'a ch'ul a'batil te hich halbot yu'un te Diose: Ha'at Jnich'anat, nax to nax ayinat cu'un, te xchi sc'oblale? Soc la yal xan: Ho'on staton ya xc'ohon, soc ha jnich'an ya xc'oht, xchi.

Efesios 3:9

soc te jamal ya calbe spisilic bin ut'il ya xc'oht ta pasel te bin nameyix mucul ta yo'tan Dios, te la spas spisil bintic ay,

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.

Deuteronomio 4:30

Te c'alal ay awocolic soc te ya stahex spisil te wocol ini, teme ta patil bahel ya suhtex ta stojol Jehová te Dios awu'unic soc yac ach'uhumbeyic te sc'ope,

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

Miqueas 4:1

Ta slajibal c'ahc'al te wits yu'un te templo yu'un Jehová ha jolal ya xc'oht yu'un te witsiltique, toyol xan ya xc'oht yu'un te tsehletic, ya xbahtic tey a te pueblohetique.

Jeremías 30:24

Ma ba ya xlahmaj te sc'ahc'al yilimba Jehová ha to c'alal ya xc'oht ta pasel yu'un te bin snopoj ta yo'tane. Ta patil bahel ya xc'oht ta awo'tanic ini.

Judas 1:18

te hich la yalbeyex: Ta slajibal c'ahc'al ya me xtal jlabanwanejetic te ya spasic te bintic chopol ya smulanic spasel, xchihic.

Romanos 1:4

soc ta scuenta te Ch'ul Espíritu halot ta jamal te ha Snich'an Dios te ay yu'el, ta scuenta te cha'cuxaj tal ta yohlil mach'atic chamenic.

Hechos 2:17

Ta nopol slajibal c'ahc'al, xchi te Diose, ya jmal te Espíritu cu'un ta stojol spisil ants-winiquetic; te ach'ix queremetic awu'unic ya me yalic sc'op-jalwanej; te queremetic awu'unic ay bin ya yilic ta snahalsitic; te mamaletic awu'unic ay bin ya swayichtayic;

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 16:15

Spisil te bintic ay yu'un te Tatil, ha nix cu'un; ha scuentahil te la jcalbeyex te ya me yich' te bin ay cu'un, ha ya ya'beyex ana'ic.

San Marcos 12:6

Ta slajibal, ay jtuhl snich'an te bayel c'ux ta yo'tan, ha la sticon bahel ta stojolic, yu'un hich la yal: Ya me yich'ic ta cuenta te jnich'ane, xchi.

San Marcos 1:1

Ha shahchibal te lec yach'il c'op yu'un te Jesucristo, te Snich'an Dios.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Ezequiel 38:16

ya xmohat tal ta scontrahinel te pueblo Israel cu'un hich te bin ut'il tocal te ya smac te q'uinale. C'alal ya sts'acay te sc'ahc'alel, ya quic'at tal ta jq'uinal scuenta yu'un ya me sna'bonic jba te nacionetic te c'alal ha'at ta acuenta, Gog, ya cac' ta ilel ta stojolic te Ch'ul Dioson.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Deuteronomio 31:29

Como jna'oj te c'alal chamenonix a, ya me abohlobtes abahic soc ya me awihquitayic te be te la jca'beyex at'unic, ya me xtal wocol ta atojolic ta patil ta scaj te yac apasic te bintic chopol ta sit te Jehová, yac ahachbeyic yilimba yu'un te bin yac apasic, xchi.

2 Pedro 3:3

Te bin bayel sc'oblal, ha te yac ana'ic te ta slajibal c'ahc'al ya me xtal jlabanwanejetic te ya spasic te bintic chopol ya smulanic,

Hebreos 1:8

Pero hich ya yalbe sc'oblal te Nich'anil: Dios, te muc'ul-huctajibal awu'un sbahtel q'uinal ay. Te bastón yu'un te cuentahinel awu'un, ha bastón yu'un bintic toj ta pasel.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

Génesis 49:1

Te Jacob la yic'ticlan tal te snich'nab, hich la yalbe: Tsoba abahic, ya calbeyex awa'iyic te bin ya xc'oht ta pasel ta atojolic ta patil bahel:

Hebreos 9:26

Te hichuque, la sc'an te bayel buelta ya xc'ax swocol te Cristo yalel c'alal ta shahchibal to tal bahlumilal. Pero yo'tic te slajibalix ha'biletic, jmehl nax xtaluc yac' sba ta lajel ta sch'ayel mulil.

San Juan 3:25

Te jnopojeletic yu'un Juan la sten sbahic ta c'op soc te judíohetic sc'oblal te lecubtesele.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Jeremías 48:47

Pero ta patil bahel ya cac' suhtuc xan tal te jchuqueletic yu'un Moab, xchi te Jehová. Li' ya xlaj sc'oblal te castigo yu'un Moab.

Isaías 45:12

Ho'on la jpas te lumq'uinal soc tey la jpas a te ants-winic. Ho'on ta jc'ab la jlim bahel te ch'ulchan, soc ya calbe mandar spisil bintic ay yu'un.

Números 24:14

Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

San Mateo 13:39

Te jcontra te la sts'un te ac, ha te pucuje; te yorahil tsob-trigo, ha te slajibal c'ahc'al, soc te jtsob-trigohetic, ha te ch'ul a'batetique.

San Marcos 12:7

Pero te j'a'teletic hich la yalbe sbahic: Ha'ix te mach'a ya yich' hilel te q'uinale; la'ic, ya jmiltic, hich ya quich'tic te q'uinale, xchihic.

San Juan 1:10

Halaj ta bahlumilal, soc ha nix la yich' pasel te bahlumilal ta scuenta, pero ma ba na'bot sba yu'un te mach'atic ayic ta bahlumilal.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 5:27

Soc la ya'be ya'tel ta chahpanwanej, te bin ut'il ha Nich'anil ay ta scuenta winic.

San Juan 9:29

Jna'ojcotic te c'oponot yu'un Dios te Moisés, pero te winic ini, ma jna'cotic ban talem stuquel, xchihic.

1 Corintios 2:7

Ha ya xc'opojotic te ta sp'ijil yo'tan Dios te muquen ay, ha te p'ijil-c'op te muquen ay, te ta shahchibal to tal chapal yu'un Dios te ha cutsilaltic ya xc'oht.

Hebreos 3:6

Yan te Cristo, te bin ut'il ha nich'anil, jun yo'tan scuentahimbeyej te na yu'un Dios. Ho'otic te snahotic, teme stalel ay c'alal ta slajibal c'ahc'al te smuc'ul co'tantic soc te ya xtohy q'uinal ca'iytic yu'un te bin yacotic ta smahliyel.

Hebreos 4:14

Ha yu'un, te bin ut'il ay muc'ul sacerdote cu'untic te sohl bahel ta ch'ulchan, ha te Jesús te Snich'an Dios, ma me xquihquitaytic te bin jch'uhunejtique.

Hebreos 7:28

Como te Ley ya yotses ta muc'ul sacerdote winiquetic te mayuc yipic; pero te bin la yich' halel ta jamal, te ha patil yu'un te Ley, ha la yotses te Nich'anil te c'ax lec c'oht sbahtel q'uinal.

San Juan 13:32

Teme ich'ot ta muc' te Dios ta scuenta, ha nix hich Dios ya me yac' ta ich'el ta muc' te Nich'anil ta scuenta nix, soc nopol yorahil ya yac' ta ich'el ta muc'.