Hebreos 1:11 - Bible in Tzeltal Bachajón

¹¹ Ya xlajic, yan te ha'ate, atalel ayat; spisil hich ya xpoco'ubic te bin ut'il muc'ul-c'u'ul;

Nuevo Testamento Tzeltal de Amatenango

¹¹ Ta spisil ya me xlaj; pero te jaꞌate atalel ayat sbajtel kꞌinal. Spisil ya xlaj jich tutꞌil kꞌuꞌul-pakꞌal;

Bible in Tzeltal de Oxchuc y Tenejapa

¹¹ Ya xlaj te ch'ulchan balumilale, yan te ja'ate atalel ayat sbajt'el q'uinal. Melel spisil ya xpocob jichuc c'u'ul-pac'al.

Hebreos 1:11 Referans Kwoze

Isaías 51:6

Toya mohel asitic ta ch'ulchan, soc ilawilic te lumq'uinal ta ye'tal; ya xtup' te ch'ulchan hich te bin ut'il ch'ahil, ya xlaj te lumq'uinal hich te bin ut'il c'u'ul, soc te mach'atic nahinemic tey a hich ya xlajic te bin ut'il us. Pero sbahtel q'uinal ay te colel cu'un, mayuc slajibal te bin toj ya jpas.

San Marcos 13:31

Ya xlaj ch'ulchan soc bahlumilal, yan te jc'ope ma xlaj stuquel.

Isaías 34:4

Spisil te bintic ayic ta ch'ulchan ya xtup' bahel soc hich ya yich' balel te ch'ulchan te bin ut'il balbil hun; spisil te bintic ay tey a ya xluhbaj cohel hich te bin ut'il ya'binal ts'usub, hich te bin ut'il ya'binal higuera.

Apocalipsis 21:1

La jquil yach'il ch'ulchan soc yach'il bahlumilal, como c'axix te ch'ulchan soc te bahlumilal te ay ta nahil to, soc mayuquix mar.

San Lucas 21:33

Ya xlaj ch'ulchan soc bahlumilal, pero ma xlaj stuquel te jc'ope.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

Hebreos 12:27

Te bin ut'il la yal: Jun xan buelta, te xchihe, ha ya yal te ya me yich'ic loq'uesel te bintic ya xhu' ta nihquel, ha te bintic pasticlambil, scuenta yu'un ya xhil te bintic ma xhu' ta niquele.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Salmos 90:2

Te c'alal ma to ayuc a te witsiltic, te c'alal ma to ba pasbilic awu'un a te lumq'uinal soc te bahlumilal, stalel sbahtel q'uinal ha'at Diosat atuquel.

Salmos 10:16

Te Jehová ha Ajwalil ta spisil ora soc ta sbahtel q'uinal; te nacionetic ya xch'ayic ta sq'uinalic.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Apocalipsis 2:8

Ts'ihbabeya te ch'ul a'bat yu'un te iglesia ta Esmirna: Hich ya yal te Mach'a ha shahchibal soc slajibal, te laj soc te cha'cuxaj tal:

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Isaías 50:9

Ha te Cajwaltic Jehová te ya scoltayon; ¿mach'a ya xhu' ya yalbon jmul? Spisilic ya xlajic hich te bin ut'il c'u'ul, ya xlo'otic yu'un xet.

Isaías 41:4

¿Mach'a la spas ini, mach'a la sc'ohtes ta pasel? ¿Mach'a ya yic'ticlan tal jujucaj ts'umbalil c'alal ta shahchibal? Ho'on Jehovahon, shahchibalon, soc ho'on nix ya joquin te mach'atic slajibal ayic.

Salmos 29:10

Te Jehová hucul ta shuctajib ta sba te snojel ha', te Jehová hucul scuenta ajwalil sbahtel q'uinal.

Isaías 51:8

Como ya xlajinotic yu'un sulup hich te bin ut'il c'u'ul, ya xlajinotic yu'un yol hich te bin ut'il stsotsel-tuminchij. Pero stalel ya xhil te bin stojil ya jpas, soc te colel cu'un ya xhalaj ta cajalcaj ts'umbalil, xchi.

Isaías 44:6

Hich ya yal te Jehová, te Ajwalil soc te J'ac'aw ta libre yu'un Israel, te Jehová te scuentahinej spisil: Ho'on ayon ta shahchibal soc ta slajibal; mayuc yan dios ta jtojol.

Salmos 102:26

Ya xlajic stuquelic, yan te ha'ate atalel ayat; ta spisilic ya xpoco'ub hich te bin ut'il c'u'ul; yac ajeltay hich te bin ut'il c'u'ul, hich ya xhil awu'un.

Hebreos 8:13

Te bin ut'il la yal: Yach'il chapbil-c'op, te xchihe, yu'un nix lajix sc'oblal a te bin nahil chapbile; te bin lajix sc'oblal soc te ya xpoco'ub, nopol ya xch'ayix bahel.