Hageo 2:3 - Bible in Tzeltal Bachajón

³ ¿Mach'a hilem ta awohlilic te yilbeyej yutsilal te templo ini ta nahil to? ¿Bin yilel yac awilic ta ora ini? ¿Ma bal hichuc yac awilic te mayuc sc'oblale?

Bible in Tzeltal de Oxchuc y Tenejapa

³ —Te jayebex te la awilic te yan templo te bi yilel st'ujbilale, ala caiytic bi yilel ya awilic te templo cu'untic ta ora in to. ¿Ma bal jichuc ya awilic te ma'yuc banti spajojbey yutsilal jxujt'uc te yane?

Hageo 2:3 Referans Kwoze

Esdras 3:12

Tsobol te sacerdotehetic, levitahetic soc jtsobawetic yu'un jujuchahp sna sme'stat, soc te mamaletic te la yilic te Templo te ay ta nahilal, tulan oq'uic te c'alal la yilic te yac ta ochel te yich'o-ip te Templo ini; pero tsobol yantic yacalic ta aw ta scuenta yutsil yo'tanic.

Ezequiel 7:20

Te st'ujbilal te sch'ahlelic la sc'atp'unic ta toybahil, la spasic a te loc'ombahetic yu'un te bintic ilobtic sbahic yu'unique; ha yu'un ya jc'atp'umbe ta c'a'pal te sch'ahlelique.

Hageo 2:9

Te yutsilal te schebal Na ini c'ax hich yutsilal ya xc'oht a te bin ut'il te Na ta nahil, xchi te Jehová te scuentahinej spisil; soc ya cac' lamal q'uinal li' ta lugar ini, xchi te Jehová te scuentahinej spisil.

1 Crónicas 22:5

Hich la yal te David: Querem to te jnich'an Salomón, ma to ayuc bin ya sna'; soc te na ya yich' pasel yu'un te Jehová ya sc'an te ha muc' soc c'ax t'ujbil, soc te lec sc'oblal ya xc'oht ta spahmal bahlumilal. Ha yu'un ya jchahpan te bintic ya xtuhun yu'une, xchi. Ha yu'un te c'alal ma to xcham a te David, bayel bintic la schahpan hilel.

Esdras 3:11

C'ayojinic, la yalbeyic yutsil soc la yalbeyic wocol te Jehová, hich la yalic: Como ha lec yo'tan, sbahtel q'uinal c'ux ta yo'tan te Israel, xchihic. Spisil te pueblo awonic ta scuenta yutsil yo'tanic, la yalbeyic yutsil sc'oblal te Jehová como yac ta otsesel te yich'o-ip te sna Jehová.

Isaías 64:10

Jochol taquin q'uinal c'ohem te ch'ul pueblohetic awu'un, te Sión ha jochol taquin q'uinal, te Jerusalén jc'axel jihnemix.