Génesis 8:21 - Bible in Tzeltal Bachajón

²¹ Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Bible in Tzeltal de Oxchuc y Tenejapa

²¹ Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Génesis 8:21 Referans Kwoze

2 Corintios 2:15

Como ta stojol Dios ha sumet yic' Cristo c'ohemotic ta stojol te mach'atic ya xcolic soc te mach'atic ya xch'ayique.

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Filipenses 4:18

Yo'tic ts'acal la jquich'ix, ayix bayel bin ay cu'un; lequix ayon, te bin ut'il la jquich'beyix ta sc'ab te Epafrodito te bin la aticonic tal, ha mahtanil te sumet yic', ha milbil mahtanil te lec yo'tan Dios yu'une.

Romanos 3:23

spisilic ay smulic, ma ba yich'beyejic yutsilal te Diose,

Ezequiel 20:41

Lec ya xc'ohex ta jtojol hich te bin ut'il pom te sumet yic', te c'alal ya jloq'uesex tal ta yohlil te pueblohetic, te c'alal ya jtsobex tal ta q'uinaletic te banti puhquemex bahele; soc ya cac' ta ilel ta stojol te nacionetic te ho'on Ch'ul Dioson ta awohlilic.

San Mateo 15:19

Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

Levítico 1:13

Ya yich'ic poquel ta ha' te sbiquil soc te ya'; te sacerdote ya schic' spisil ta sba te scajtajib ta chiq'uel mahtanil; ha scohtol chic'bil mahtanil, ha chic'bil mahtanil te sumet yic' ta stojol Jehová.

Eclesiastés 7:20

Mayuc ni jtuhluc ta bahlumilal te toj yo'tan, te ya spas te bin lec, te ma ba ya sta smul.

Levítico 1:9

Ya yich'ic poquel ta ha' te sbiquil soc te ya', te sacerdote ya schic' spisil ta sba te scajtajib ta chiq'uel mahtanil. Ha scohtol chic'bil mahtanil, ha chic'bil mahtanil te sumet yic' ta stojol Jehová.

Génesis 3:17

Soc la yalbe te winique: Te bin ut'il la ach'uhumbe sc'op te awihnam, te la alo'be sit te te' te la jcalbat: Ma me xalo'be sit, te xchihone, bohlobix sc'oblal te lumq'uinal ta acuenta, wocol yac ata awe'el ta lumq'uinal te jayeb c'ahc'al cuxulat.

San Juan 3:6

Te bin ya x'ayin ta scuenta ch'ich'-baq'uet, ha ch'ich'-baq'uet, yan te bin ya x'ayin ta scuenta te Espíritu, ha espíritu.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Salmos 58:3

Ta yalalil to howiyemic te mach'atic chopolic; c'alal ta sch'uht snan howiyemic, ya ya'iyic lot.

Salmos 51:5

Chopolonix a c'alal ayinon, jmulawilon a c'alal hahchon ta sch'uht jnan.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Jeremías 18:12

Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Proverbios 20:9

¿Mach'a ya xhu' ya yal: Jpocojix te co'tan, pocbilonix yu'un jmul, te xchihe?

Job 14:4

¿Mach'a ya slecubtes te bin bohloben sc'oblal? ¡Mayuc!

Levítico 1:17

Ya sjepbe ta xic', pero ma ba ya sloq'ues cheb a. Te sacerdote ya schic' ta scajtajib ta chiq'uel mahtanil ta sba te si' yac ta tihlel; ha scohtol chic'bil mahtanil, ha chic'bil mahtanil te sumet yic' ta stojol te Jehová.

Éxodo 29:25

Patil ya me awich'be te bin ay ta sc'abic, pajal ya me achic' ta scajtajib ta chiq'uel mahtanil soc te scohtol chic'bil mahtanil, scuenta sumet yic' ta stojol Jehová. Ha mahtanil a'bot te Jehová ta scuenta c'ahc'.

Éxodo 29:18

Ya me achic' scohtol te tat tuminchij ta scajtajib ta chiq'uel mahtanil; ha scohtol chic'bil mahtanil ta stojol Jehová te sumet yic', ha chic'bil mahtanil ta stojol Jehová.

Génesis 6:17

Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Jeremías 8:6

La jca'iy ta lec, ma ba toj ya xc'opojic; mayuc mach'a ya suhtes yo'tan yu'un te bin chopol spasoj, te hich ya yal: ¿Bin jpasoj? ma xchihuc. Jujutuhl la st'unic bahel te be yu'unic hich te bin ut'il cawu te tulan ya x'ahnimaj ochel ta guerra.

Isaías 65:6

Ilawil, ha ts'ihbabil ta jtojol, ma ba ya xch'abon, ya me ca'be stojic hich te bin ut'il ya sc'an, ya ca'be stojic tey nix ta stojolic,

Isaías 48:8

Mayuc bin ora awa'iyej soc mayuc bin ora ana'beyej sc'oblal, mayuc bin ora jamal achiquin. Como jna'oj te ma junuc awo'tan, soc te toybahat c'ohem abihil c'alal ta awayinab.

Isaías 47:15

Hich ya xc'ohtic ta atojol te jna'ojeletic awu'un, te bayel bintic la apas soc c'alal ta awalalil to. Jujutuhl ya st'unic bahel te be yu'unic, mayuc mach'a ya scoltayat.

Isaías 47:12

Pasulana te ya xmonawanex soc te na'ojeletic awu'un te la apasulan c'alal to ta awalalil. ¡Ay wan bin ya xloc' awu'un a! ¡Ay wan ya xhu' awu'un yac awac' xiwel!

Levítico 26:31

Jc'axel jochol ya xhil cu'un te pueblohetic awu'unic, ya jimbeyex te ch'ul awilaletic awu'unic soc ma ba ya jsic'be sumumal yic' te lequil perfume awu'unique.

Génesis 5:29

la ya'be sbihil Noé yu'un hich la yal: Ha te ya ya'botic lecubuc q'uinal ca'iytic yu'un te jwocoltic ta a'tel ta scaj te lumq'uinal te la yac' bohlobuc te Jehová, xchi sc'oblal yu'un.

Génesis 4:12

Te c'alal yac achahpan te lumq'uinal, ma ba ya ya'batix te bintic ya xcol tey a; ha jbehyomat soc jyanlumat ya xc'axat ta q'uinal, xchi sc'oblal.

Génesis 6:7

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

Génesis 6:13

Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Levítico 4:31

Soc ya me sloq'uesbe spisil te sjuhp'el, hich te bin ut'il la yich' loq'uesbeyel sjuhp'el te milbil mahtanil scuenta lamal q'uinal; te sacerdote ya schic' ta scajtajib ta chiq'uel mahtanil scuenta sumet yic' ta stojol Jehová. Te sacerdote hich ya spasbe te stojel mulil yu'un, soc hich ya sta perdón a.

Levítico 8:28

Te Moisés la yich'be ta sc'abic spisil, la schic' ta scajtajib ta chiq'uel mahtanil ta sba te scohtol chic'bil mahtanil; ha'ic te mahtaniletic yu'un yich'el a'tel te sumet yic', ha chic'bil mahtanil ta stojol Jehová.

Números 15:3

soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

1 Samuel 26:19

Awocoluc, cajwal, a'iybeya sc'op te a'bat awu'une. Teme ha te Jehová te la yac' te yac acontrahinon, ac'a stsac te mahtanile; yan teme ha winiquetic, jc'axel me bohlobenuc sc'oblalic ta stojol Jehová, como la stenoniquix loq'uel scuenta yu'un ma ba ya xc'ohtix ta jcuenta te bin ya ya'botic te Jehová, hich ya yalbonic: Bahan, ac'a aba ta a'batinel ta stojol yantic diosetic, xchihic.

Salmos 58:4

Te svenenohilic pajal soc svenenohil ye chan; hich c'ohemic te bin ut'il ti'awal chan te ya smac schiquin,