Génesis 7:11 - Bible in Tzeltal Bachajón

¹¹ C'alal ay lajunwinic scha'bahc' (600) ya'bilal a te Noé, ta shuclajunebal (17) c'ahc'al ta schebal u, ta hich ora t'ohm loq'uel tal ha'etic ta muc'ul xahab soc jahm talel tulan ha'al ta ch'ulchan.

Bible in Tzeltal de Oxchuc y Tenejapa

¹¹ C'alal ay olil xcha'bajc' (600) ya'wilal te Noé, ta sjuclajunebal sc'aalelal te xchebal u, jich ora t'om loq'uel tel ja'etic ta mar, soc jich ora mal coel tel ja'al ta ch'ulchan.

Génesis 7:11 Referans Kwoze

Génesis 8:2

Mahquic te banti t'ohm loq'uel tal ha'etic ta xahab soc mahc te tulan ha'al ta ch'ulchan; quehchaj te ha'al te co tal ta ch'ulchan.

Malaquías 3:10

Ich'ahic tal spisil te jun ta slajunebal ta yawil, hich me ay we'elil ta jna. Tsajawon awilic a, xchi te Jehová te scuentahinej spisil, ilawil teme ma ba ya jambeyex te ventanahetic ta ch'ulchan soc ya jmal cohel ta atojolic c'ax bayel bendicionetic.

Jeremías 51:16

Ta scuenta te sc'op tulan ya xc'opoj ha'etic ta ch'ulchan yu'un, ha ya yac' mohuc bahel tocal c'alal ta sti'il bahlumilal. Ya yac' tihluc tsantsehwaletic ta yohlil te ha'al soc ya sloq'ues tal ic' ta banti q'uejbil yu'une.

Jeremías 5:22

¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

2 Reyes 7:19

Te príncipal hich la sjac'be sc'op te winic yu'un Dios: Teme Jehová ya sjamticlan ventanahetic ta ch'ulchan, ¿hich bal ya xc'oht ta pasel? xchi. La yalix te Eliseo: Ya me awil ta asit pero ma ba yac awe', xchi.

Ezequiel 26:19

Hich yaloj te Jehová, te Ajwalil: Ya cac' te jochol pueblo ya xhilat, hich te bin ut'il pueblohetic te mayuc mach'a nahinemic tey a; ya cac' ta atojol te sc'ubulil ya'lel mar, ya smucat bayel ha'etic.

Salmos 33:7

Ya sbusan ta jtsohb nax te ya'lel mar; ya yac' ta sq'uejojibal te sc'ubulile.

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

Génesis 1:7

Hich Dios la spasbe sjamalil te jehch la yac' te ha' te ay ta ye'tal te sjamalil, jehch la yac' te ha' te ay ta sba. Hich c'oht yu'un.

San Mateo 24:38

Como te bin ora ma to xtal a te puhlel, yacalic ta we'el uch'el, yacalic ta nuhpunel soc yac yac'belic nuhpunel a, ha to c'alal och ta barco te Noé,

Isaías 24:19

Ya yich' jinel te q'uinal, ya xjahm te lumq'uinal, tulan ya xyuq'uilanot te q'uinale.

Salmos 74:15

La ajam sloq'uib-ha' soc muc'ul-ha'etic, la awac' taquijuc te muc'ul-ha'etic te stalel ya x'oquinic.

Génesis 6:17

Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Job 28:4

Namal ta banti ya xnahinic ants-winiquetic ya shotic ch'en, te banti ch'aybil ta o'tanil, te banti ma xc'axiquix tey a; joc'olic ta lazo, namal ayic ta stojol yantic.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

2 Pedro 3:6

soc te ha nix ta scuenta te laj te bahlumilal ta namey, yu'un puhl ta ha'.

Génesis 7:6

Ay lajunwinic scha'bahc' (600) ya'bilal a te Noé c'alal tal puhlel ta bahlumilal.

Job 12:15

Teme ya scom te ha'ale, spisil ya xtaquij; teme ya sticon te ha'ale, ya sjin te q'uinale.

Job 38:16

¿Ay bal ochemat bahel c'alal ta sloq'uib-ha' yu'un te mar, o ay bal behenemat ta sts'ahtayel te sc'ubulile?

Proverbios 3:20

Ta scuenta bin sna'oj cha'tahl loc' yu'un a te sc'ubulil mar, soc te tocaletic la yaq'uic cohuc tal ts'ujul.

Isaías 24:18

Te mach'a ya x'ahn loq'uel ta scuenta te sc'op xiwel ya xch'ay cohel ta hotbil ch'en; te mach'a ya xloc' tal ta hotbil ch'en ya x'och ta yaquil; como ya xjahm te sventanahul ch'ulchan soc ya xnihquic te yich'o-ip te bahlumilale.

Génesis 8:14

Ta huqueb scha'winic (27) c'ahc'al yu'un te schebal u taquij ta lec te lumq'uinal.

Job 38:37

¿Mach'a ay sp'ijil yu'un sna'el jayeb tocaletic ay? ¿Mach'a ya xhu' ya smal te sq'uibul ch'ulchan,