Génesis 6:7 - Bible in Tzeltal Bachajón

⁷ Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

Bible in Tzeltal de Oxchuc y Tenejapa

⁷ jich yu'un la yal: “Ya me jtup' ta balumilal spisil ants-winiquetic te pastajem cu'un, soc te chambalametic, te chanetic te ya stas sbaic ta beel, soc te mutetique, yu'un tojol pastaj cu'un”, xi'.

Génesis 6:7 Referans Kwoze

Sofonías 1:3

Ya jlajin ants-winiquetic soc chambahlametic, ya jlajin te mutetic ya xwihlic ta toyol soc te chayetic ta mar, ya cac' ch'ayuc bahel te mach'atic chopol yo'tanic, soc ya jlajin ta sba bahlumilal te ants-winiquetic, xchi te Jehová.

Salmos 37:20

Yan te mach'atic chopol yo'tanic ya me xlajic; te scontratac te Jehová ya me yich'ic lajinel, hich te bin ut'il sjuhp'el tentsunetic, ya me xch'ayic bahel hich te bin ut'il ch'ahil.

Proverbios 16:4

Ay scuentahil yu'un Jehová spisil bintic spasoj, ha nix hich la yich' pasel te mach'a chopol yo'tan yu'un ya xlaj ta yorahil jinel.

Proverbios 10:27

Te xi'el te Jehová, ya xnahtij cuxlejalil yu'un, pero ya xpehc'ambot ya'bilalic te mach'atic chopol yo'tanic.

Oseas 4:3

Ha scuentahil te ya smel yo'tan te q'uinal soc te ya xlaj yipic spisil mach'atic nahinemic tey a; ya xlajic te ha'mal chambahlametic, te mutetic ya xwihlic ta ch'ulchan, soc ha nix hich te chayetic ta mar.

Génesis 6:6

Te Jehová la smel yo'tan yu'un te la spas te ants-winiquetic; tal sc'uxul ta yo'tan.

Génesis 7:4

Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi.

Génesis 7:21

Hich laj spisil bintic cuxajtic ta bahlumilal: mutetic, alaq'uil chambahlametic soc ha'mal chambahlametic, spisil bintic staslajan ya xbehen ta lumq'uinal, soc spisil ants-winiquetic.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Deuteronomio 28:63

Hich te bin ut'il tse'el yo'tan Jehová te la ya'beyex awutsilalic soc te la yac' p'ohluquex, ha nix hich tse'el yo'tan ya sjinex soc ya slajinex; yac awich'ic bulel loq'uel tey ta q'uinal banti ya x'och awu'untayic.

Deuteronomio 29:20

Te Jehová ma ba ya spasbe perdón, ya me xtihl yilimba Jehová soc xut'et yo'tan ta stojol, ya xc'oht ta stojol spisil te bintic chopol halbilix sc'oblal ta hun ini, soc te Jehová ya me stup'be sbihil ta ye'tal ch'ulchan.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Amós 7:6

Ha yu'un te Jehová la suht sc'op, hich la yal: Ha nix hich ma ba ya xc'oht ta pasel, xchi.

Sofonías 1:2

Jc'axel ya jlajin spisil bintic ay ta sba te bahlumilal, xchi te Jehová.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.