Génesis 6:5 - Bible in Tzeltal Bachajón

⁵ La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Bible in Tzeltal de Oxchuc y Tenejapa

⁵ La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Génesis 6:5 Referans Kwoze

San Mateo 15:19

Como ta o'tanil ya xloc' talel te bin chopol ta nopel, te milaw, antsiwej, chijil-o'tanil, elec', lehaw ta c'op soc te sbohlc'optayel Dios.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Eclesiastés 7:29

Ha nax jtahoj ini: ha te toj yo'tan pasot yu'un Dios te ants-winic, pero ha la sle bayel ta chahp bintic ma lecuc.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Salmos 53:2

C'alal ta ch'ulchan ya x'ilot yu'un Dios te ants-winiquetic, yu'un ya yil teme ay mach'a ay sp'ijil yo'tan te ya sle te Diose.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Ezequiel 8:9

Hich la yalbon: Ochan, ilawil te bintic ilobtic sba yac spasbelic, xchi.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Ezequiel 8:12

Hich la yalbon: Snich'anat winic, ¿awiloj bal te bin muquen yac spasbelic te mamaletic ta sna Israel, ta tuhlultuhl bombil ta lop'tayel sloc'ombahic ta stsalul snahic? Yu'un hich ya yalic: Ma ba ya yilotic te Jehová, la yihquitayix te q'uinale, xchi.

Proverbios 6:18

te o'tanil te ya schahpan bintic chopol, te ocal te ya x'ahnimaj ta spasel te bin chopol,

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

Job 15:16

¿ha'uc to balix a te winic te bohloben soc chopol, te ya yuch' te mulil hich te bin ut'il ha'?

San Mateo 24:37

Hich te bin ut'il ta yorahil Noé, hich nix ay ta yorahil ya xtal te Nich'anil ay ta scuenta winic.

San Lucas 17:26

Hich te bin yilel ta yorahil Noé, hich yilel ta yorahil te Nich'anil ay ta scuenta winic.

1 Pedro 3:20

ha te mach'atic ta namey ma ba la sch'uhunic mandar te c'alal Dios la smahliy ta yorahil Noé te c'alal ay ta spasel a te barco, te banti waxactuhl nax colic ta ha'.

Job 22:15

¿Ha bal yac at'un te antiguo be, ha te la stuhunic te chopol winiquetic