Génesis 6:4 - Bible in Tzeltal Bachajón

⁴ Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

Bible in Tzeltal de Oxchuc y Tenejapa

⁴ Te mach'atic najt'il winiquetic chicnajic ta balumilal te c'alal la yic' sbaic soc yantsil-nich'nab winiquetic te snich'nab te Diose. Soc chicnajic xan ta patil bael, ja'ic te mach'atic pujq'uem sc'oplalic te bit'il tulanic ta namey q'uinale.

Génesis 6:4 Referans Kwoze

Números 13:33

Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Deuteronomio 3:11

(Te Og ajwalil yu'un Basán ha slajibal te nahtil winiquetic. Te swayib pasbil ta taq'uin, ha baluneb xuhc'ubil snahtil soc chaneb xuhc'ubil sjamalil; ay ta Rabá te ay ta sq'uinal te snich'nab Amón.)

1 Samuel 17:4

Loc' tal ta campamento yu'un te filisteohetic jtuhl jtsalaw-soldado, Goliat sbihil, talem ta Gat; waqueb jxuhc'ubil soc jtahn c'abal snahtil

Números 16:2

hahch scontrahinic te Moisés soc lajuneb yoxlajunwinic (250) ta tuhl winiquetic te snich'nab Israel, ha príncipaletic yu'un te pueblo, te mach'atic ayic ta tsoblej, winiquetic te mero na'bil sbahic.

Génesis 11:4

Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Deuteronomio 2:11

Nahtil winiquetic, xchi sc'oblalic, pajal soc te sts'umbal Anac, pero te moabetic la ya'beyic sbihilin emetic.