Génesis 6:17 - Bible in Tzeltal Bachajón

¹⁷ Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Bible in Tzeltal de Oxchuc y Tenejapa

¹⁷ Melel ya xtal pulemal cu'un ta balumilal, ya me xlaj spisil ants-winiquetic soc chambalametic te cuxajtic ta yanil ch'ulchan. Spisil ya xlaj bitic ay ta balumilal.

Génesis 6:17 Referans Kwoze

2 Pedro 2:5

Soc ma ba la spasbe perdón te mach'atic ayic ta bahlumilal ta namey, la yac' tal puhlel ta stojol te chopol ants-winiquetic, ha nax la scanantay te Noé, te la yalbe sc'oblal te bin toj ta pasel, soc col xan huctuhlic.

Génesis 7:4

Huqueb c'ahc'al ta patil ya cac' tal ha'al ta bahlumilal cha'winic c'ahc'al soc cha'winic ahc'abal; ya jlajin spisil bintic cuxajtic te pasbil cu'un ta sba te bahlumilale, xchi.

1 Pedro 3:20

ha te mach'atic ta namey ma ba la sch'uhunic mandar te c'alal Dios la smahliy ta yorahil Noé te c'alal ay ta spasel a te barco, te banti waxactuhl nax colic ta ha'.

Hebreos 11:7

Ta scuenta sch'uhunel yo'tan te Noé, c'alal halbot yu'un Dios sc'oblal bintic ma to chicanuc ta ilel, jun yo'tan la spas te barco te banti col soc te mach'atic ay yu'une. Ta scuenta sch'uhunel yo'tan la yalbe smul te bahlumilal soc a'bot yich' te stojil-o'tanil te ya xtal ta scuenta sch'uhunel-o'tanil.

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Amós 9:6

Ha la spas sna ta ch'ulchan soc la ya'be yich' yip te sjamalil ch'ulchan ta yahc'olal te lumquinale; ha ya yic' tal te ha'etic yu'un te mar, soc ya smal bahel ta sba te lumq'uinal: ha Jehová te sbihile.

Salmos 29:10

Te Jehová hucul ta shuctajib ta sba te snojel ha', te Jehová hucul scuenta ajwalil sbahtel q'uinal.

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

Romanos 5:21

scuenta yu'un hich te bin ut'il cuentahinwan te mulil te hich la yac' lajel, ha nix hich te yutsil yo'tan Dios ya xcuentahinwan ta scuenta yaq'uel ta toj, te hich ya yac' cuxlejal scuenta sbahtel q'uinal ta scuenta te Cajwaltic Jesucristo.

San Lucas 17:27

Yacalic ta we'el uch'el, ta nuhpunel soc ta aq'uel ta nuhpunel, ha to c'alal och ta barco te Noé soc tal te puhlel te la slajin spisilic.

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Ezequiel 34:20

Ha yu'un, hich ya xhalbotic yu'un Jehová, te Ajwalil: Ho'on nix ya jchahpan ta yohlil te juhp'en tuminchij soc te yahuben tuminchij,

Ezequiel 34:11

Como hich yaloj te Jehová, te Ajwalil: Ho'on, ho'on nix ya jle te tuminchijetic cu'un soc ya jcanantay.

Ezequiel 6:3

hich xawalbe: ¡Witsetic yu'un Israel, a'iya awa'iyic te sc'op Jehová, te Ajwalile! Te Jehová, te Ajwalil, hich ya yalbe te witsetic, tsehletic, sjuclejetic soc te spamlejtic: Ilawil, ho'on nix ya cac' taluc te espada ta atojolic soc ya jimbeyex te toyol awilaletic awu'unique.

Ezequiel 5:8

ha yu'un hich yaloj te Jehová, te Ajwalil: Ho'on ya jcontrahinat, hich, ho'onix; soc ya ca'bat castigo ta atojol ta scomon sit te nacionetique.

Isaías 54:9

Hich c'ohem ya ca'iy te bin ut'il ta yorahil Noé, te c'alal la jcal ta jamal te mayuquix bin ora ya xmulot xan ta ha' te bahlumilale. Hich nix caloj ta jamal te ma ba ya x'ilinonix ta atojol, ma ba ya cutatix.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Job 22:16

te chamic te ma to yorahiluc a, te ic'otic bahel hich te bin ut'il yich'o-ip ta snojel ha'?

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Éxodo 14:17

Ya jtulanubtesbe yo'tanic te egipciohetic yu'un ya snutsex; hich ya jtohytes jc'oblal ta scuenta faraón soc spisil te soldadohetic, te carretahetic soc cawuhetic yu'un.

Génesis 6:13

Ha yu'un Dios la yalbe te Noé: La jnopix te ya jlajin spisil bintic cuxajtic, yu'un ha ta scuentahic te nojel ta uts'inwanej te q'uinale. Ha yu'un pajal ya jlajin te q'uinal soc spisil bintic cuxajtic.

Génesis 6:7

Ha yu'un la yal te Jehová: Ya me jlajin ta sba te bahlumilal spisil ants-winiquetic te pasbil cu'un, spisil chambahlametic, te bintic ya stas sba ta behel, soc te mutetic ya xwihlic ta toyol, como ya jsuht jc'op yu'un te la jpasticlan, xchi.

San Mateo 24:39

ma ba la sna'ic ha to c'alal tal te puhlel soc spisilic lajinotic yu'un, hich ya xtal te Nich'anil ay ta scuenta winic.

Génesis 9:9

Ya jchap jc'op ta atojol soc ta stojol ats'umbal te patil ya xtal,

Génesis 7:17

Cha'winic (40) c'ahc'al halaj te puhlel ta bahlumilal, tohy mohel te ha'e, la sta te barco, lichot mohel yu'un.

Génesis 7:15

Ochic soc Noé ta barco cha'cha'coht ta jujuchahp ta spisil bintic cuxajtic ta q'uinal.

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Génesis 6:16

Pasbeya sventanahul te barco, jxuhc'ubil ma xloc' ta nopol sba; a'beya spuertahul ta jehch nax; soc oxcaj yac apas.