Génesis 50:11 - Bible in Tzeltal Bachajón

¹¹ Te cananeohetic te nahinemic tey a, c'alal la ya'iyic te tulan oq'uel ta sq'uiyojibal trigo yu'un Atad, la yalic: Mero tulan oq'uel ay yu'un te egipciohetic, xchihic. Ha yu'un Abel-mizraim sbihil c'oht yu'unic te lugar te ay ta sjehchelul Jordán.

Bible in Tzeltal de Oxchuc y Tenejapa

¹¹ C'alal te cananeoetic te nainemic tey a, la yilic te ay mach'atic bayal yacalic ta sna'el ta oq'uel ta Goren-ha-atad, la yalic: —Mero toyem yacalic ta oq'uel ya quil te egipcioetique —xiic. Jich yu'un Abel-mizraim sbiil c'ot yu'unic te q'uinal ta bay yacalic ta oq'uele, ay ta swenta stojol sloq'uib c'aal yu'un te muc'ja' Jordán.

Génesis 50:11 Referans Kwoze

Génesis 24:6

Hich halbot yu'un te Abraham: ¡Ma'uc, ma me xawic'bon bahel tey a te jnich'ane!

1 Samuel 6:18

Soc hich yipal ch'ohetic pasbilic ta oro te bin ut'il jayeb pueblohetic yu'un te ho'tuhl príncipaletic yu'un te filisteohetic, ha te pueblohetic te ay sts'ahcul soc te tut pueblohetic te mayuc sts'ahcule. Te muc'ul ton te banti la scajanic te scaxahul te chapbil-c'op yu'un Jehová ay ta sq'uinal Josué ta Bet-semes c'alal ora.

Deuteronomio 11:30

ha te ayic ta jehch ha' Jordán, ta stojol banti ya xmahl c'ahc'al, ta sq'uinal te cananeohetic te ya xnahinic ta Arabá te snuhp'usitayej sba soc Gilgal, te nopol ay soc te jihte'etic yu'un More.

Deuteronomio 3:27

Mohan bahel ta wits Pisga, toya asit ta stojol smahlib c'ahc'al, ta norte, ta sur, soc ta stojol banti ya xloc' tal c'ahc'al, ila me awil ta asit nix, yu'un ma ba ya sohlat bahel ta Jordán.

Deuteronomio 3:25

Ya calbat wocol te yacuc awac'on sohlel ta yilel te lequil q'uinal ta jehch Jordán, ha te t'ujbil witsiltic soc te Líbano, xchihon.

Génesis 50:10

C'alal c'ohtic ta sq'uiyojibal trigo yu'un Atad, te ay ta sjehchelul te Jordán, mero tulan la yoq'uetayic soc mel-o'tan tey a. Te José huqueb c'ahc'al la yoq'uetay te state.

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

Génesis 13:7

La yut sbahic te jcanan-chambahlametic yu'un Abram soc te jcanan-chambahlametic yu'un Lot. (Soc tey nix nahinemic a te cananeohetic soc te ferezeohetique.)

Génesis 50:12

Te snich'nab Jacob hich la spasbeyic te bin ut'il pasotic hilel ta mandar: