Génesis 50:10 - Bible in Tzeltal Bachajón

¹⁰ C'alal c'ohtic ta sq'uiyojibal trigo yu'un Atad, te ay ta sjehchelul te Jordán, mero tulan la yoq'uetayic soc mel-o'tan tey a. Te José huqueb c'ahc'al la yoq'uetay te state.

Bible in Tzeltal de Oxchuc y Tenejapa

¹⁰ C'otic ta Goren-ha-atad, te ay ta swenta stojol sloq'uib c'aal yu'un te muc'ja' Jordán, tey jalajic xan ta yoq'uetayel a te anima Israel. Te José juqueb c'aal la yoq'uetay tey a te state.

Génesis 50:10 Referans Kwoze

Hechos 8:2

Ay mach'atic jun yo'tan sch'uhunejic Dios te la yich'beyic bahel sbaq'uetal yu'un ya smuquic te Esteban; bayel la yoq'uetayic.

Job 2:13

La sjoquinic ta huclej ta lum huqueb c'ahc'al soc huqueb ahc'abal. Mayuc mach'a la sjuc ta c'op, como la yilic te mero muc' te sc'uxul swocole.

2 Samuel 1:17

Te David la spas c'ayoj scuenta mel-o'tan yu'un te Saúl soc Jonatán te snich'ane.

1 Samuel 31:13

La stsobeyic te sbaquelic, la smuquic ta ye'tal te' ta Jabes, soc la scom swe'elic huqueb c'ahc'al.

Deuteronomio 34:8

Te snich'nab Israel lajuneb scha'winic (30) c'ahc'al la yoq'uetayic te Moisés ta spamlej yu'un Moab. Hich ts'acay te jayeb c'ahc'al oq'uel soc mel-o'tan yu'un Moisés.

Deuteronomio 1:1

Ha te c'opetic te la yal Moisés ta stojol spisil Israel ta jochol taquin q'uinal ta jehch muc'ul-ha' Jordán, ta Arabá, te snuhp'usitayej sba soc Suf, te j'ohlil ay yu'un Parán soc Tofel, Labán, Hazerot soc Dizahab.

Números 19:11

Te mach'a ya spic te mach'a chamen, bohloben sc'oblal huqueb c'ahc'al.

Génesis 50:11

Te cananeohetic te nahinemic tey a, c'alal la ya'iyic te tulan oq'uel ta sq'uiyojibal trigo yu'un Atad, la yalic: Mero tulan oq'uel ay yu'un te egipciohetic, xchihic. Ha yu'un Abel-mizraim sbihil c'oht yu'unic te lugar te ay ta sjehchelul Jordán.

Génesis 50:4

C'alal laj yo'tanic ta yoq'uetayel, te José hich la yalbe te mach'atic ayic ta sna faraón: Teme lecon ta awo'tan, awocoluc c'opombonic te faraón, hich me xawalbeyic:

Génesis 27:41

Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

Génesis 50:3

cha'winic (40) c'ahc'al halajic, yu'un hich tiempo ya sc'an poxtayel scuenta yu'un ma xc'a' a. Te egipciohetic lajuneb schanwinic (70) c'ahc'al la yoq'uetayic.

Génesis 50:9

Soc joquinot yu'un carretahetic soc mach'atic cajajtic ta cawu; mero tsobol bahtic.

Números 20:29

C'alal la sna'ic spisil te pueblo te chamix te Aarón, la yoq'uetayic lajuneb scha'winic (30) c'ahc'al spisil ta chahp Israel.

2 Samuel 11:26

C'alal la ya'iy te yihnam Urías te lajix te smamalal, la yoq'uetay.

Eclesiastés 12:5

te c'alal ya xiw teme toyol ay, soc ay bin xiweltic sba ta be; te c'alal ya snichin te almendro, soc ayix yihcats ya ya'iy te c'ulub, soc ma sc'anix bintic mulambilixe; como te winic ya xbaht ta banti ya xnahin sbahtel q'uinal, soc ya sbehentayic te callehetic te mach'atic ya x'oq'uic;

1 Crónicas 10:12

hahchic spisil te winiquetic te ay yip yo'tanic, baht yich'beyic tal te sbaq'uetal Saúl soc snich'nab, la yich'ic tal ta Jabes; tey la smucbeyic sbaq'uetalic a ta ye'tal jihte', soc la scom swe'elic huqueb c'ahc'al.