Génesis 49:8 - Bible in Tzeltal Bachajón

⁸ Ha'at Judá, ya me yalbat bayel awutsilal te awermanotac; ya xc'oht ac'ab ta snuc' te acontratac; te snich'nab te atat ya squejan sbahic ta atojol.

Bible in Tzeltal de Oxchuc y Tenejapa

⁸ “Ja'at Judá, lec me ya xc'ot ac'oplal yu'un te abanquiltac te awijts'nabe. Ya me apich'bey ta snuc' te acontrotaque, ya me stinan sbaic ta atojol te jayeb jnich'nab jo'on te atatone.

Génesis 49:8 Referans Kwoze

Hebreos 7:14

Como chican te Cajwaltic ha sts'umbal Judá, te mayuc bin la yal te Moisés te ya yich' ya'tel ta sacerdotehil.

Génesis 27:29

Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

1 Crónicas 5:2

Ha toyol c'oht te Judá yu'un te yermanotac, ha príncipal c'oht ta stojolic, pero te bin scuenta te ba-alalil c'oht ta scuenta te José.

Josué 10:24

Te c'alal la yic'ticlanic tal ta stojol Josué, ha la yic' tal spisil te winiquetic yu'un Israel soc hich la yalbe te príncipaletic yu'un te winiquetic yu'un guerra te sjoquinejic: Nohpojanic tal, ac'a awoquic ta snuc' te ajwaliletic ini, xchi. Hich tal yac' yoquic ta snuc' te ajwaliletique.

Deuteronomio 33:7

Soc hich la yalbe sc'oblal Judá: A'iybeya, Jehová, te aw yu'un Judá; ic'a bahel ta pueblo yu'un. Ya scoltay sba ta scuenta sc'ab, coltaya ta scontrahinel te scontratac, xchi.

Génesis 29:35

Hahch yan yal, ayin squerem-al, hich la yal: Ta ora ini ya calbe yutsilal te Jehová, xchi. Ha yu'un la ya'be sbihilin Judá. Quehchaj ta al.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 5:5

Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Hebreos 10:13

Ta hich ora bahel yac ta smahliyel te ha scajtajib yoc ya xc'oht te scontratac,

Ezequiel 21:29

Ya yalbat sc'op-jalwanej te ma meleluc, ya yalbat lotil jna'ojel, pero te espada ya xc'oht ta snuc' te mach'atic chopolic te ya x'ac'otic ta lajel, te c'ohtix yorahil te castigo scuenta slajibal.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Salmos 76:1

Te Dios na'bil sba ta Judá; ha muc' sc'oblal te sbihil ta Israel.

2 Crónicas 30:11

Pero ay nix winiquetic ta Aser, Manasés soc Zabulón te la spehc'an sbahic, soc talic ta Jerusalén.

2 Crónicas 17:2

La yac' soldadohetic ta spisil te pueblohetic ta Judá te joytaybilic ta ts'ahc, soc la yac' ta canantayel yu'un tsohbotsohb soldadohetic ta spisil te sq'uinal Judá soc ta pueblohetic yu'un Efraín te la yu'untay te Asa te state.

2 Crónicas 15:9

Ta patil la stsob spisil te Judá soc Benjamín soc te jbehyometic te talemic ta Efraín, Manasés soc Simeón, como bayel israeletic c'axemic tal ta stojol Asa, yu'un la yilic te joquinot yu'un Jehová te Dios yu'une.

2 Crónicas 14:8

Te Asa ay j'ohlil swaxaclajuneb scha'winic ta pic (300,000) soldadohetic yu'un Judá soc smahquilic soc slanzahic, soc ho'lajuneb scha'winic ta pic (280,000) soldadohetic yu'un Benjamín te ay smahquilic soc st'ihmalte'ic. Spisilic ma xiwic.

2 Samuel 24:9

Te Joab la ya'be te ajwalil te jayeb loc' ta ahtayel te pueblo. Ay ta Israel ho'winic ta pic (800,000) winiquetic te ya xhu' yu'unic guerra; ta Judá ay j'ohlil yoxeb chanwinic ta pic (500,000) ta tuhl.

2 Samuel 22:41

La awac' suhtuc ta spatic ta jtojol te jcontratac, scuenta yu'un ya jlajinlan te mach'atic ya sp'ajonic.

2 Samuel 5:3

Hich spisil te mamaletic yu'un Israel tal ta stojol te ajwalil David ta Hebrón. Te ajwalil David la schap sc'op soc te pueblo ta Hebrón ta stojol Jehová. La smalic ta aceite te David scuenta ajwalil yu'un Israel.

Jueces 20:18

Patil hahchic bahel te snich'nab Israel, mohic bahel ta Bet-el, hich baht sjoc'obeyic te Diose: ¿Mach'a nahil ya xmo bahel cu'uncotic ta ya'beyel guerra te snich'nab Benjamín? xchihic. La sjac' te Jehová: Ha nahil ya xbaht te Judá, xchi.

Números 26:22

Ha ini te jujutsohb snich'nab Judá, ay balunpic soc ho'winic slahchaybahc' (76,500) ta tuhl.

Números 10:14

Ha nahil behen bahel te bandera yu'un te campamento yu'un te snich'nab Judá, ta scuenta jujutsohb yu'unic. Te Naasón snich'an Aminadab, ha jtsobaw yu'un te jtsohb soldadohetic yu'unique.

Números 1:27

te loc' ta ahtayel te jchahp yu'un Judá ay balunpic soc j'ohlil shucbahc' (74,600).

Génesis 46:12

Te snich'nab te Judá: ha te Er, Onán, Sela, Fares soc Zara. Pero te Er soc Onán chamic ta sq'uinal Canaán. Te snich'nab Fares: ha te Hezrón soc Hamul.

Génesis 42:6

Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Números 26:20

Te jujutsohb snich'nab Judá: ta scuenta Sela, ha te selahetic; ta scuenta Fares, ha te faresetic; ta scuenta Zera, ha te zerahetic.

1 Crónicas 28:4

Pero te Jehová te Dios yu'un Israel la stsahon ta yohlil te mach'atic ay yu'un te jtat scuenta yu'un ya yac'on ta ajwalil ta stojol Israel sbahtel q'uinal. Ha la stsa te sts'umbal Judá te ha jtsobaw ya xc'oht; ta sts'umbal Judá la stsa te mach'atic ay yu'un te jtat, soc ta yohlil te jbanquiltac la stsahon yu'un ya yac'on ta ajwalil ta stojol spisil Israel.

Josué 15:20

Hich ay te q'uinal la yich' te sts'umbal Judá, ha chican te jaychahp ayique.