Génesis 49:6 - Bible in Tzeltal Bachajón

⁶ Ma x'ochon ta banti ya schap sc'opic, soc ma ba ya joquin jba soc c'alal ya stsob sbahic, como ta scuenta yilimbahic la smilic winiquetic soc ta scuenta sbohlil yo'tanic la sbojticlambeyic schihal yacan torohetic.

Bible in Tzeltal de Oxchuc y Tenejapa

⁶ Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.

Génesis 49:6 Referans Kwoze

Génesis 34:30

Ha yu'un te Jacob hich la yalbe te Simeón soc Leví: Ha'ex ta acuentahic te ay jwocol yu'un te la awaq'uic te ihlaybil c'ohon ta stojol te cananeohetic soc te ferezeohetic te nahinemic li' ta q'uinal ini. Te bin ut'il mayuc tsobol winiquetic cu'un, ya me stsob tal sbahic yu'un ya scontrahinonic, ya me slajinonic soc spisil mach'atic ay cu'un ta jna, xchi.

Salmos 26:9

Ma me pajaluc xapojbon jcuxlejal soc te jmulawiletic; ma me pajaluc xapojbon jcuxlejal soc te jmilawetic,

Salmos 16:9

Ha yu'un tse'el co'tan soc bayel yutsil co'tan; ha nix hich te jbaq'uetal jun yo'tan ay;

2 Corintios 6:14

Ma me junuc yugo awu'unic soc te mach'a ma ba sch'uhunejic Dios, como ¿bin ut'il jun ya xc'oht soc te bin stojil te bin ma stojiluc? Soc ¿bin ut'il jun ya xc'oht te sacal q'uinal soc te yihc'al q'uinale?

San Lucas 12:19

soc hich ya calbe te jch'uhlel: Jch'uhlel, bayelix bin q'uejbil te ya xtuhun awu'un bayel ha'bil; we'an, uch'an, tse'eluc me awo'tan, xchi.

Jeremías 15:17

Ma ba la joquin ta huclej te mach'atic ha nax ya spasic te bin ya smulanic, ma ba la joquinlan ta tse'ej; jtuquel huculon ta scaj te ay ta atojol te ac'ab soc la anojesbon co'tan ta ilimba.

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Salmos 64:2

Nac'awon ta stojol te bin muquen ya schapic te mach'atic chopolic, ta stojol te bin ya snopic te mach'atic ya spasic bin chopol,

Salmos 57:8

¡Cuxa awo'tan, jch'uhlel! ¡Cuxa awo'tan ha'ex arpa soc lira! Sahb me ya xhahchon.

Proverbios 12:5

Te mach'a toj yo'tan, ha toj te bin snopoj ta yo'tan, pero ha lo'loywanej te bin ya yac' ta na'el te mach'atic chopolic.

Proverbios 1:11

Teme ya yalbat: La', joquinawotic; ya ca'iytic macliwanej yu'un ya ca'iytic milaw, ya jmacliytic te mach'a mayuc smul;

Salmos 139:19

Dios cu'un, te yacuc alajin te mach'a chopole. ¡Loc'anic ta jtojol, ha'ex jmilawex!

Salmos 103:1

Jch'uhlel, halbeya yutsil sc'oblal te Jehová; ta spisil co'tan halbeya yutsil sc'oblal te sch'ul bihil.

Salmos 43:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 42:11

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.

Salmos 42:5

¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal te Jcoltaywanej soc te Dios cu'une.

Salmos 30:12

Ha yu'un ya jc'ayojtayat, ha'at cutsilalat, ma ba ya xch'abon. Jehová, Dios cu'un, ¡ya jc'ayojtaybat awutsilal sbahtel q'uinal!

Salmos 28:3

Ma me pajaluc xatason bahel soc te mach'atic chopolic soc te mach'atic ya spasic mulil, te lamal q'uinal ya xc'opojic soc spat-xuhquic, pero ay bin chopol ay ta yo'tanic.

Salmos 5:10

¡Ac'ticlambeya castigo, Dios cu'un! ¡Ac'a yahluquic yu'un te bin ha nix schapojique! Loq'uesa bahel ta scaj bayel smulic, como stoyoj sbahic ta atojol.

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

Jueces 5:21

Te snojel ha' Cisón la smesticlan bahel, te antiguo snojel ha', te snojel ha' Cisón. ¡Behenan, jch'uhlel, soc awip!

Deuteronomio 27:24

Chopol sc'oblal te mach'a ya smuquen mil te spat-xuhc, xchihic. Hichuc, xchihic me spisil te pueblo.

Josué 11:9

Te Josué hich la spasbe te bin ut'il pasot ta mandar yu'un Jehová: la sbojticlambe schihal yacan te scawuhic soc la schic'ticlambe te scarretahic yu'un guerra.

2 Samuel 8:4

Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

1 Crónicas 18:4

Te David la yich'be lajunwinic yoxbahc' (1,000) carretahetic yu'un guerra, soc j'ohlil swaxaclajunbahc' (7,000) jmoheletic ta cawu soc j'ohlil yoxpic (20,000) winiquetic te behel ta yoquic. Te David la sbojticlambe schihal yacanic spisil te cawuhetic te ya snitic te carretahetic, ha xanix la yihquitay cawuhetic scuenta ho'winic (100) carretahetic.