Génesis 49:10 - Bible in Tzeltal Bachajón

¹⁰ Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

Bible in Tzeltal de Oxchuc y Tenejapa

¹⁰ Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Génesis 49:10 Referans Kwoze

Números 24:17

Ha ya quil, pero ma ta orahuc; ha ya jna'ulan, pero ma nopoluc ay; ya xloc' tal ec' ta Jacob, ya xchicnaj bastón ta yohlil Israel; ya me swuybe sti'ba te Moab, soc ya me slajinlan spisil te sts'umbal Set.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 42:1

Ha ini te a'bat cu'un, te jtsacoj ta jc'ab, te mach'a tsahbil cu'un te lec co'tan yu'une. Cac'oj ta stojol te espíritu cu'un, ha ya yac' c'ohtuc ta pasel ta stojol te nacionetic te bin toj ta pasele.

Salmos 60:7

Ho'on cu'un te Galaad soc Manasés; ha smahquil jol te Efraín; te Judá ha jbastón yu'un pasaw ta mandar;

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Hebreos 7:14

Como chican te Cajwaltic ha sts'umbal Judá, te mayuc bin la yal te Moisés te ya yich' ya'tel ta sacerdotehil.

Zacarías 10:11

Ya sohlic bahel ta mar yu'un wocol, ya jlajimbe yip te stselajan mar soc ya xtaquij spisil sc'ubulil te muc'ul-ha' Nilo. Ya xjimbot cohel te stoybahil Asiria soc ya xch'ay te bastón yu'un Egipto.

Ezequiel 21:27

¡Jimbilix, jimbilix, jimbilix ya xc'oht cu'un, ma hichuc ya xc'oht ta pasel ha to c'alal ya xtal te mach'a ha nix ay ta scuenta, ho'on ya ca'be ta sc'ab! xchi.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Romanos 15:12

Soc hich ya yal te Isaías: Ya me xcha'col te slohp' Isaí, ha te mach'a ya xhahch scuentahin te jyanlumetic; ha me ya smuc'ulin yo'tanic te nacionetique, xchi.

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Jeremías 30:21

Ya xloc' ta yohlilic te príncipal yu'unic, tey nix ya xloc' tal ta yohlilic a te ajwalil yu'unique. Ya cac' te ya xnohpoj tal ta jtojol, hich ya xtal ta jtojol, como ¿mach'a ya c'an nohpojuc tal ta jtojol ta stuquel nax? xchi te Jehová.

Isaías 11:10

Ta hich ora, te slohp' te Isaí ha bandera ya xc'oht yu'un te pueblohetic; ya xlehot yu'un te ants-winiquetic, soc bayel me yutsil te banti ya xnahine.

San Juan 19:15

Pero la yalic ta aw: ¡Loc'uc! ¡Loc'uc! ¡Ac'a yich' milel ta cruz! xchihic. Halbotic yu'un te Pilato: ¿Ha bal ya cac' ta milel ta cruz te Ajwalil awu'unique? xchi. La sjac' te principal sacerdotehetic: Mayuc yan ajwalil cu'uncotic, ha nax stuquel te César, xchihic.

San Mateo 1:21

Ya x'ayin yal, soc ya me awa'be sbihilin JESÚS, como ha ya scoltay yu'un smulic te pueblo yu'un, xchi sc'oblal.

Isaías 62:11

Ilawil, te Jehová hich la spuc ta halel c'alal ta sti'il te bahlumilal: Halbeyahic te yantsil-nich'an Sión: Talix te Jcoltaywanej awu'un; ilawil, yich'oj tal mahtanil, ay ta stojol te mahtanile, xchi.

Oseas 11:12

Te Efraín la sjoytayon ta lot, soc te sna Israel la sjoytayon ta lo'loyel. Pero te Judá ya to xbehen ta stojol Dios, soc jun yo'tan ta stojol te mach'atic ch'ultesbilique.

Isaías 60:1

Hahchan, tihlan, como talix te sacal q'uinal awu'un, soc te yutsilal Jehová hulix ta atojol.

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Salmos 108:8

Ho'on cu'un te Galaad soc te Manasés; te Efraín ha smahquil jol; te Judá ha jbastón.

Números 21:18

ha te pozo te la sjoq'uic te mach'atic ich'bilic ta cuenta, te la sjoq'uic te príncipaletic yu'un te pueblo, la sjoq'uic soc sbastonic, xchihic. Ta jochol taquin q'uinal behenic bahel c'alal ta Matana;

San Mateo 25:32

soc ya me yich' tsobel tal ta stojol spisil te nacionetic, cha'chahp ya xloc' yu'un a, hich te bin ut'il ya spas te jcanan-tuminchij te parte ya yac' te tuminchijetic soc parte ya yac' te tentsunetique.

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

Hageo 2:7

ya cac' nihcuc spisil te nacionetic; ya xtal te mach'a c'ambil yu'un spisil te nacionetic soc ya jnojes ta yutsilal te Na ini, xchi te Jehová te scuentahinej spisil.

Daniel 9:25

Na'a me soc ac'a c'ohtuc ta awo'tan: te c'alal ya yich' halel mandar te ya yich' cha'pasel xan te Jerusalén ha to c'alal ya xtal te príncipal te malbil ta aceite, ya xc'ax huqueb semana, soc cheb schanwinic (62) semana; ya yich' xan pasel te callehetic soc te sts'ahcul ta yorahil wocol.

Ezequiel 19:14

Loc' c'ahc' ta sch'oxal te sc'abc'ab te la slajimbe te site; mayuquix hil tulan ste'el te ya xtuhun yu'un sbastón ajwalil, xchi. (Ha c'ayoj scuenta oq'uel ini, ya xtuhun scuenta c'ayoj yu'un oq'uel.)

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

San Juan 19:12

Ha yu'un te Pilato tey c'an scoltay bahel a te Jesús, pero te judíohetic xjuyetic hahchel ta aw: Teme yac acoltay bahel ha'i winic ini, yu'un nix ma ba jun awo'tan aba soc te César. Te mach'a ya scuy sba ta ajwalil, ha scontrahinej te César, xchihic.

San Juan 18:31

Bahanic, ic'ahic bahel ha'ex, chahpanahic ta scuenta te ley awu'unique, xchi te Pilato. La sjaq'uic te judíohetic: Te ho'otcotic ma ba ac'bil ta jcuentacotic te ay mach'a ya cac'cotic ta lajel, xchihic.

Ezequiel 19:11

Ay tulan ste'el te tuhun yu'un bastón yu'un ajwaliletic; toyol c'oht ta sba te sc'abc'ab, chican ta scaj te toyol ay soc te ay bayel sc'abc'ab.

San Juan 9:7

soc hich a yalbe: Bahan, poca asit ta yawil ha' ta Siloé, xchi. (Te Siloé, ha Ticombil, xchi te c'asesbile.) Hich baht, la spoc sit, la yilix q'uinal a suht bahel.

Deuteronomio 28:57

te sme'alal ya xloc' tal ta yohlil te yacan soc te alaletic ya yalatay, ya swe' ta muquen, ta scaj te mayuc bin ay yu'un ta yorahil te joytaybil ta ya'beyel guerra soc ta scaj te tulan wocol ya ya'bat te acontra ta pueblohetic awu'une.

Jeremías 33:26

hich ya sp'aj co'tan te sts'umbal Jacob soc David te a'bat cu'un, yu'un ma ba ya jtsa te sts'umbal David te ha ya scuentahin te sts'umbal Abraham, Isaac soc Jacob. Ya me cac' suhtuc te jchuqueletic yu'unic soc ya me jc'uxultay, xchi.

Números 24:19

Ya xloc' jtuhl jtsalaw ta Jacob, ya slajinlan te mach'atic hilemic yu'un te pueblo, xchi.

2 Samuel 7:13

Ha ya spasbon na yu'un te jbihile, soc ho'on ya ca'be yich' yip sbahtel q'uinal te shuctajib te ban c'alal scuentahinej.

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

1 Crónicas 12:24

Te sts'umbal Judá te yich'ojic smahquilic soc slanzahic, ha huclajunbahc' (6,800) ta tuhl winiquetic chapalic yu'un yaq'uel guerra.

1 Crónicas 12:39

Oxeb c'ahc'al la sjoquinic te David ta we'el uch'el, como chahpambil te swe'elic yu'un te yermanotac.

Salmos 60:9

¿Mach'a ya yic'on bahel ta pueblo te ay sjoyob ts'ahcul? ¿Mach'a ya yic'on bahel c'alal Edom?

Salmos 78:68

ha la stsa te jchahp sts'umbal Judá, te Sión, te c'ux ta yo'tan.

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

Ezequiel 21:32

Ac ya xc'ohat yu'un c'ahc', ya x'oquin ach'ich'el ta lum; ma xna'botatix, como c'opojonix, ho'on Jehovahon, xchi.

Miqueas 5:1

Tsoba abahic ta yutil te ts'ahc, yal-snich'anat soldadohetic, como joytaybilotic ta guerra; ya smajbeyic scho' ta xul te jtsobaw yu'un Israel.