Génesis 49:1 - Bible in Tzeltal Bachajón

¹ Te Jacob la yic'ticlan tal te snich'nab, hich la yalbe: Tsoba abahic, ya calbeyex awa'iyic te bin ya xc'oht ta pasel ta atojolic ta patil bahel:

Bible in Tzeltal de Oxchuc y Tenejapa

¹ Te Jacob la yic' tel ta stojol te snich'nabe, jich la yalbey: —Tsoba abaic tel, ya calbeyex awaiyic te bila ya xc'ot ta pasel ta atojolic ta patil baele:

Génesis 49:1 Referans Kwoze

Números 24:14

Ha yu'un ya suhtonix bahel ta jlumal. Pero la' me, ya calbat awa'iy bin ya spas te pueblo ini ta stojol te pueblo awu'un ta patilal, xchi.

Daniel 10:14

Talemon yu'un ya ca'bat ana' bin ya xc'oht ta pasel ta stojol alumal ta patil bahel, como te nahalsitil ha sc'oblal te yorahil ta patil bahel, xchi.

Jeremías 23:20

Te yilimba Jehová ma xquehchaj ha to c'alal ya xc'oht ta pasel te bintic snopoj ta yo'tan. Ta patil bahel ya me xc'oht ta awo'tanic.

Deuteronomio 4:30

Te c'alal ay awocolic soc te ya stahex spisil te wocol ini, teme ta patil bahel ya suhtex ta stojol Jehová te Dios awu'unic soc yac ach'uhumbeyic te sc'ope,

Apocalipsis 4:1

Patil la jquil, ay jamal ti'nahil ta ch'ulchan. Te c'op la jca'iy ta nahil te sjel ta yoq'uel corneta, hich la yal: Mohan tal li'i, ya ca'bat awil bintic ya xc'oht ta pasel ta patil, xchi.

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Salmos 105:15

Ma me xapiquic te mach'atic tsahbil cu'un, ma me xawuts'imbonic te jalwanejetic cu'un, te xchihe.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Deuteronomio 31:12

Tsoba tal te pueblo, winiquetic, antsetic, alaletic soc jyanlumetic te ayic ta pueblohetic awu'un, scuenta yu'un ya ya'iyic soc ya snopic yich'el ta muc' te Jehová te Dios awu'unic, soc tsahtaybil yu'unic ya spasic spisil te bin ya yal te Ley ini.

Hebreos 1:2

pero ta ora yo'tic te slajibal c'ahc'al ayotic, ha la sc'oponotiquix ta scuenta te Snich'an, ha te la ya'be yu'untay spisil bintic ay, soc ha nix ta scuenta te la spas spisil bintic ay.

2 Timoteo 3:1

Soc ya sc'an te yac ana' ini: Ta slajibal c'ahc'al bahel ya xtal yorahil wocol.

1 Timoteo 4:1

Pero jamal ya yal te Espíritu te ta nopol slajibal c'ahc'al ay mach'atic ya yihquitayic sch'uhunel Dios, ya me st'unic jlo'loywanej espírituhetic soc te bintic ya yaq'uic ta nopel pucujetic.

Hechos 2:17

Ta nopol slajibal c'ahc'al, xchi te Diose, ya jmal te Espíritu cu'un ta stojol spisil ants-winiquetic; te ach'ix queremetic awu'unic ya me yalic sc'op-jalwanej; te queremetic awu'unic ay bin ya yilic ta snahalsitic; te mamaletic awu'unic ay bin ya swayichtayic;

San Lucas 2:26

A'bot sna' yu'un te Ch'ul Espíritu te ma ba ya xcham ha to teme la yilbe sit te mach'a Tsahbil yu'un Dios.

Miqueas 4:1

Ta slajibal c'ahc'al te wits yu'un te templo yu'un Jehová ha jolal ya xc'oht yu'un te witsiltique, toyol xan ya xc'oht yu'un te tsehletic, ya xbahtic tey a te pueblohetique.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Daniel 10:1

Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Daniel 2:47

Te ajwalil hich la yalbe te Daniel: Melel te Dios awu'unic ha Dios yu'un yantic diosetic, ha Ajwalil yu'un ajwaliletic soc te mach'a ya yac' ta na'el bintic wocol ta na'el, como hu' awu'un te la awac' ta na'el te bintic wocol ta na'el ini, xchi.

Isaías 53:1

¿Mach'a sch'uhunej te bin calojcotic, soc mach'a a'bot yil te sc'ab Jehová?

Isaías 39:6

Ya me sta yorahil te spisil bintic ay ta ana, soc spisil bintic la stsob te ame'atat c'alal ora, ya x'ich'ot bahel ta Babilonia; mayuc bin ya xhil, xchi te Jehová.

Isaías 22:14

Te Jehová te scuentahinej spisil, hich la yalbon ca'iy: Ma ba ya xpasbotex perdón yu'un te mulil ini, ha to c'alal ya xchamex, xchi te Jehová te scuentahinej spisil.

Hebreos 13:1

Spisiluc me ora talel c'axel c'ux yac awa'iy abahic te bin ut'il awermanohix abahique.

Isaías 48:14

Tsoba abahic apisilic, a'iya awa'iyic: ¿Mach'a a te loc'ombahetic la yalbe sc'oblal ini? Te mach'a c'ux ta yo'tan Jehová ha te ya spas te bin ya sc'an yo'tan Dios ta stojol Babilonia, ya shach sc'ab ta scontrahinel te caldeohetique.