Génesis 48:21 - Bible in Tzeltal Bachajón

²¹ Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

Bible in Tzeltal de Oxchuc y Tenejapa

²¹ Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Génesis 48:21 Referans Kwoze

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Génesis 46:4

Ya joquinat bahel ta Egipto soc ya cac' te ya suhtat talel; soc ha ya smacbat asit te sc'ab José, xchi sc'oblal.

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Hebreos 7:3

Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

2 Pedro 1:14

yu'un jna'oj te ma ba halix c'ahc'al ya quihquitay hilel te jbaq'uetal, hich te bin ut'il la ya'bon jna' te Cajwaltic Jesucristo.

Hebreos 7:8

Te levitahetic ha winiquetic te ya xlajic, ya yich'ic te jun ta slajibal, yan te Melquisedec te ya xhalot ta testigo-c'op te cuxul, ha la yich' te jun ta slajunebal.

2 Timoteo 4:6

Te ho'one nopol ya sta yorahil te milbil smahtan Dios ya xc'ohon, nopol ya stahix yorahil ya xhil cu'un te bahlumilale.

Hechos 13:36

Melel te jayeb ha'bil te David la spas te bin lec yo'tan yu'un Dios ta stojol te jcaj ts'umbalil yu'un, cham, mucot ta banti mucul sme'stat, soc c'a' sbaq'uetal stuquel.

San Lucas 2:29

Yo'tic, Cajwal, lamaluc q'uinal ac'a wayuquix sbaq'uetal te a'bat awu'un, hich te bin ut'il awaloj;

Salmos 18:46

¡Cuxul te Jehová, bayel me yutsil te muc'ul ton cu'une! Ac'a yich' tohytesbeyel sc'oblal te Dios te Jcoltaywanej cu'une,

Josué 23:14

Te ho'one nopol ya sta yorahil ya xchamon. Na'ahic me ta spisil awo'tanic soc ta spisil ach'uhlelic te ma ba ch'ay ni jp'ahluc c'op yu'un spisil te lequil c'opetic la yalbeyex te Jehová te Dios awu'unique; spisil c'ohtix ta pasel ta acuentahic, mayuc bin ch'ay.

Josué 3:7

Te Jehová hich la yalbe te Josué: Ha c'ahc'al ini ya xhahch cac' tohyuc ac'oblal ta sit spisil Israel, scuenta yu'un ya sna'ic te ya joquinat hich te bin ut'il la joquin te Moisés.

Josué 1:9

Ilawil, ya jpasat ta mandar te ac'a me fuersa soc ayuc me yip awo'tan; ma me xiwat soc ma me xpehc'aj awo'tan, como te Jehová te Dios awu'un ya me sjoquinat bayuc ya xbahat, xchi.

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Génesis 37:1

Te Jacob nahin ta sq'uinal Canaán tey nix ta banti nahin te state.

Génesis 15:14

Pero ho'on ya ca'be stoj te nación te ya xmosohinotic yu'une; patil ya xloq'uic tal soc bayel sc'ulejalic.

Génesis 12:5

Te Abram la yic' bahel te Sarai ha te yihnam, soc Lot te snich'an yihts'in, soc spisil sbiluc stahoj soc spisil mach'atic la sta ta Harán, loq'uic bahel, bahtic ta sq'uinal Canaán. C'ohtic ta sq'uinal Canaán,

Deuteronomio 30:3

hich te Jehová ya me yic' suhtel tal te mach'atic chucajtic bahel awu'un, ya sna'bat yo'bolil aba, ya scha'tsobat loq'uel tal ta yohlil te nacionetic ta banti la spucat bahel te Jehová te Dios awu'une.

Génesis 15:16

Ta schancajal ats'umbal ya suhtic tal li'i, yu'un ma to sts'acay te smul te amorreohetique, xchi.

Génesis 47:29

C'alal nopol ya xchamix a te Israel la sticon ta iq'uel te José te snich'an, hich la yalbe: Teme lecon ta awo'tan, awocoluc ac'a tal ac'ab ta ye'tal ca', ya me ana'bon yo'bolil jba soc junuc me awo'tan ta jtojol. Awocoluc, ma xamucon ta Egipto.

Génesis 50:6

Hich la yal te faraón: Bahan, muca te atate, hich te bin ut'il la yac'at ta yalel ta jamal, xchi.