Génesis 48:15 - Bible in Tzeltal Bachajón

¹⁵ La ya'be bendición te José, hich la yal: Te Dios, te ha ta stojol behenic te Abraham soc Isaac te tatiletic cu'un, ha te Dios te scanantayejon ta spisil jcuxlejal ha to c'alal ora,

Bible in Tzeltal de Oxchuc y Tenejapa

¹⁵ Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 48:15 Referans Kwoze

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

Hebreos 11:21

Ta scuenta sch'uhunel yo'tan te Jacob, te c'alal nopol ya xchamix a, la ya'be bendición ta tuhlutuhl te snich'nab José, soc yich'oj yip ta snahbate' a, la sch'uhuntay te Diose.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Isaías 33:16

ha ya xnahin ta toyol, ha ahnibal yu'un te ch'entiquil; ya x'a'bot swe'el, soc ma ba ya spas falta te ya'ale.

Isaías 30:21

Teme ya xbahat ta wa'el o ta q'uexam, ya me awa'iy c'op ta apat te hich ya yalbat: Ha te be ini, t'una me, xchi.

Eclesiastés 6:7

Spisil te ya'tel te ants-winic ha yu'un te bin ya x'och ta ye, pero ma xc'ax yo'tan yu'un.

Eclesiastés 5:18

Quiloj te bin lec: ha te ya xwe' ya x'uch' soc ya ya'iybe yutsil te ya'tel te ya yo'tantay spasel ta ye'tal ch'ulchan te jayeb c'ahc'al a'bibil scuxlejal yu'un Dios, como hich ay te bin ay yu'une.

Eclesiastés 5:12

Ha buhts'an swayel te mach'a ya x'a'tej, teme bayel ya xwe' o jteb nax; yan te jc'ulej ma x'ac'ot ta wayel yu'un te bintic bayel ay yu'une.

Salmos 37:3

Ac'a smuc'ulin awo'tan te Jehová soc pasa te bin leque; hich ya x'ayinat ta q'uinal soc yac amulan te bin smelelile.

Salmos 23:1

Te Jehová ha jcanan cu'un, te tuminchijon yu'une, mayuc bin ya spason falta.

Salmos 16:8

Spisil ora nahil cac'oj ta jtojol te Jehová; te bin ut'il ay ta jwa'el, ma ba ya xyuc'oton.

1 Reyes 3:6

La sjac' te Salomón: Ha'at bayel la ac'uxultay te jtat, ha te awa'bat David, como jun yo'tan ta atojol soc stojil bin la spas, soc lec yo'tan ta atojol. Ma ba ch'ayem te smuc'ul sc'uxul awo'tan ta stojol, la awac' te ay snich'an te ya shuhcan sba ta shuctajib hich te bin ut'il yac ta c'ohel ta pasel ta ora ini.

Deuteronomio 33:1

Hich ay te bendición la yal Moisés, te winic yu'un Dios, ta stojol te snich'nab Israel te c'alal ma to xcham a.

Génesis 49:28

Ta spisilic ini ha'ic te lahchaychahp israeletic, soc hich ay te bin halbotic yu'un te static te c'alal la yac'ticlambe bendición, ha chican bin bendicionil la ya'be ta tuhlultuhl.

Génesis 49:24

pero ma ba laj yip te st'ihmalte' stuquel, la yich' yip te sc'ab ta scuenta sc'ab te Mach'a ay yu'el yu'un Jacob, ta scuenta te Jcanan-tuminchij, te Muc'ul ton yu'un Israel,

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Génesis 28:22

Soc te ton la jtehc'anix scuenta seña, ha sna Dios ya xc'oht; soc spisil bin yac awa'bon, ya ca'bat jun ta slajunebal, xchi.

Génesis 28:20

Hich la yal ta jamal te Jacob: Teme yu'un ya sjoquinon te Dios, soc teme ya scanantayon ta banti ya xbohon, teme ya ya'bon jwe'el soc jc'u' jpac',

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 27:4

Pasbon jwe'el hich te bin ut'il ya jmulan swe'el, ich'bon tal jwe', scuenta yu'un ya ca'bat hilel bendición te ma to xchamon, xchi.

Génesis 24:20

Ora la scohcombe ya'lel sq'uib ta canoa, ahnimal baht slic tal ha' yan buelta ta pozo; la sloq'uesbe ha' yu'un spisil te camellohetic yu'une.

Génesis 6:9

Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

1 Tesalonicenses 2:12

Soc tulan sc'oblal la jcalbeyexcotic te hich me ya x'ayinex te bin ut'il ya sc'an ta stojol Dios, te la yiq'uex ochel ta banti te cuentahinel yu'un soc ta yutsilal.

Éxodo 3:16

Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

Éxodo 4:5

Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.

1 Crónicas 5:1

Te Rubén ha sba-nich'an Israel. Pero ta scaj te la sbohlobtesbe sc'oblal swayib stat, hich ch'ay te bin scuenta ba-alalil, ha a'bot ta scuenta te snich'nab José snich'an Israel, hich ma ba ts'ihbabil hilel sbihil scuenta ba-alalil.

Génesis 24:40

La sjac': Te Jehová, te mach'a behenemon ta stojol, ya me yac' sjoquinat te ch'ul a'bat yu'un soc ya yac' te lec ya xc'oht te behel awu'une. Ya me alehbon yihnam te jnich'an ta banti ay quermanotac ta sna te jtate.

Génesis 27:27

Hich nohpoj tal te Jacob, la yuhts'uy te state. Te Isaac la ya'iybe yic' te sc'u' spac', la ya'be bendición, hich la yal: A'iya awa'iy, ha yic' te jnich'ane, hich yic' te bin ut'il ha'maltic te a'bibil bendición yu'un Jehová.

Génesis 35:3

Ya xmohotic bahel ta Bet-el, tey ya xc'oht jpasbe scajtajib ta chiq'uel smahtan a te Dios te la scoltayon te c'alal ayon ta wocol a soc te la sjoquinon ta banti behenon, xchi.

Génesis 49:22

Te José, ha sc'ab te' te bayel ya yac' sit, ha sc'ab te' te bayel ya yac' sit te ay ta sti'il sloq'uib ha', te spuhl ya xmo bahel ta ba ts'ahc.