Génesis 47:9 - Bible in Tzeltal Bachajón

⁹ Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

Bible in Tzeltal de Oxchuc y Tenejapa

⁹ La sjac' te Jacob: —Lajunebix sjucwinic (130) ja'wil te cuxulon tel ta q'uinal. Ma to bayaluc ja'wil cuxulon, soc ay jwocol te sjayebalix ja'wil cuxulon tele. Ma to sta jich ca'wilal te bit'il cuxinic ta q'uinal te jme'-jtate —xi'.

Génesis 47:9 Referans Kwoze

Salmos 39:12

A'iybon jc'op, Jehová, a'iybon awa'iy caw. Ma me xch'abat ta stojol te oq'uel cu'un, como hichon te bin ut'il jyanlum ta atojol, soc jbehyomon, hich te bin ut'il spisil te jme'jtate.

Génesis 35:28

Te Isaac cuxaj balunwinic (180) ha'bil.

Salmos 39:5

Com nax awac'oj te jayeb c'ahc'al cuxulon, ma ba naht c'ohem ta atojol te jcuxlejale; melel te scuxlejal spisil ants-winiquetic hich nax ay te bin ut'il jahc' ta o'tanil. Selah

Job 14:1

Te winic te ayintesbil yu'un ants com nax te scuxlejal soc nojel ta wocol.

Josué 24:29

Patil cham te Josué snich'an Nun, te a'bat yu'un Jehová, ay lajuneb swacwinic (110) ya'bilal a.

Deuteronomio 34:7

Wacwinic (120) ya'bilal a te cham te Moisés, ma ba jihn te sit soc ma ba laj te yipe.

Éxodo 7:7

Te Moisés ayix chanwinic (80) ya'bilal a, soc te Aarón oxeb yo'winic (83) ya'bilal a te c'alal la sc'oponic te faraón.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Génesis 50:26

Lajuneb swacwinic (110) ya'bilal a te cham te José. La yich' poxtayel te sbaq'uetal scuenta yu'un ma ba ya xc'a' a, soc la yich' otsesel ta caja ta Egipto.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Santiago 4:14

Ma xana'ic bin ya xc'oht ta pasel pajel. ¿Bin a te acuxlejale? Ha sahb lum te jts'ihn nax ya xchicnaj, patil ya xch'ay bahel.

Salmos 119:54

Ha c'ayojetic cu'un te halbil mandariletic awu'un ta banti c'axel nax ayone.

Salmos 119:19

Jbehyemon ta q'uinal; ma me xanac' ta jtojol te mandariletic awu'une.

Génesis 47:28

Te Jacob nahin waclajuneb (16) ha'bil ta Egipto. Te jayeb ha'bil cuxul te Jacob ha huqueb swaxacwinic (147) ha'bil.

Génesis 11:11

Ho'winic scha'bahc' (500) ha'bil cuxaj xan te Sem te ayinemix a te Arfaxad, soc ayin yan queremetic soc ach'ixetic yu'un.

Hebreos 13:14

como mayuc pueblo cu'untic li'i te stalel ay, ha yac jlehbeltic te pueblo te talel yaque.

1 Crónicas 29:15

Como jyanlumotcotic soc jbehyomalotcotic ta atojol hich te bin ut'il spisil te jme'jtatcotique. Te jayeb c'ahc'al cuxulotic ta bahlumilal hich c'ohem te bin ut'il axinal te ma xhalaj.

Génesis 5:27

C'alal ayix baluneb sbalunwinic yoxbahc' (969) ya'bilal a te Matusalén, cham.

2 Corintios 5:6

Ha yu'un jun co'tantic spisil ora, soc jna'ojtic te c'alal ayotic ta jbaq'uetaltic ma ba joquinejtic te Cajwaltic

Génesis 47:8

te faraón la sjoc'obe te Jacob: ¿Jayebix awa'bilal? xchi.

Salmos 39:13

Ma xawilonix, scuenta yu'un ya to ca'iy xan yutsil q'uinal te c'alal ma to xchamon a, xchihon ta stojol.