Génesis 47:29 - Bible in Tzeltal Bachajón

²⁹ C'alal nopol ya xchamix a te Israel la sticon ta iq'uel te José te snich'an, hich la yalbe: Teme lecon ta awo'tan, awocoluc ac'a tal ac'ab ta ye'tal ca', ya me ana'bon yo'bolil jba soc junuc me awo'tan ta jtojol. Awocoluc, ma xamucon ta Egipto.

Bible in Tzeltal de Oxchuc y Tenejapa

²⁹ La sta yorail te la sna' stojol te mamal Israel te nopol ya xlajixe, jich yu'un la sticun ta iq'uel te snich'ane, ja' te José. Jich la yalbey: —Teme c'uxon ta awo'tane, ac'a tel ac'ab ta yanil ca', ya me awalbon ta stojol Dios te puersa me ya xc'ot ta pasel awu'un te bila ya calbate. Wocoluc, ma me x'amucon li'to ta bay Egipto.

Génesis 47:29 Referans Kwoze

Deuteronomio 31:14

Te Jehová hich la yalbe te Moisés: Ilawil, nopolix yorahil te ya xchamat. Ic'a tal te Josué, mahliyahic ta Nahilpac' Templo yu'un tahojibal scuenta yu'un ya ca'be yich' ya'tel, xchi. Hich te Moisés soc Josué baht smahliyic ta Nahilpac' Templo yu'un tahojibal.

Génesis 24:49

Ha yu'un te ha'exe, teme yac ac'uxultayic te cajwal, halbonic ca'iy ta jamal, pero teme ma'uque, jamal xawalbonic ca'iy hiche, yu'un hich ya jnop bin ya sc'an ya jpas, xchi.

Génesis 24:2

Te Abraham hich la yalbe te jtuhl ya'bat, te mach'a mamalix ta stojol spisil yantic ay ta sna, te scuentahinej spisil te biluquetic yu'un: Ac'a tal ac'ab ta ye'tal ca',

1 Reyes 2:1

Te c'alal la stahix yorahil ya xcham a te David, la spas hilel ta mandar te Salomón te snich'an, hich la yal:

Hebreos 11:22

Ta scuenta sch'uhunel yo'tan te José, te c'alal nopol ya xchamix a, la yal te ya me xloq'uic bahel ta Egipto te israeletic, soc la yal hilel mandar te sc'oblal te sbaquele.

Hebreos 9:27

Jmehl nax ya xchamic ants-winiquetic, patil ay ich'el ta c'op,

Salmos 89:48

¿Mach'a winiquil te ya xcuxaj te ma ba ya xcham? ¿Ya bal xhu' ya scoltay sba ta yip te yawil mach'atic chamenic? Selah

Salmos 49:9

scuenta yu'un ya xcuxaj sbahtel q'uinal a, te ma ba ya yil te ya xc'a'e.

Salmos 49:7

Mayuc mach'a ya xhu' ya scoltay loq'uel ta libre te yermano o te ya ya'be Dios te stojol te ya xloc' ta libre,

Salmos 6:5

como mayuc mach'a chamenix a te ya to sna'at xan; ta muquenal ¿mach'a ya yalbat lec ac'oblal?

Job 30:23

Ya jna' te yac awac'on bahel ta lajel, ta na banti ya xbaht spisil mach'atic cuxajtic.

Job 14:14

Teme cham te winique, ¿ya to bal xcha'cuxaj xan? Ya jmahliy spisil te c'ahc'aleletic cu'un ha to c'alal ya xtal te colel cu'une.

Job 7:1

¿Ma bal ha'uc ay swocol te scuxlejal te ants-winic ta bahlumilal soc te hich ya xc'ax c'ahc'al yu'un te bin ut'il j'a'tel-winic?

2 Samuel 14:14

Jna'ojtic te jpisiltic ya xchamotic, hichotic te bin ut'il ha' te ya xmahl ta lum, te ma spasix ta tsobel. Te Dios mayuc mach'a ya slajimbe scuxlejal, ha ya sle bin ut'il ma ba spisil ora namal ya xhil ta stojol te mach'a tembil loq'uele.

2 Samuel 7:12

Te c'alal ya xc'oht aworahil te ya xchamat, ho'on ya jachbat jtuhl ta ats'umbal ta patil, ha te ya xloc' tal ta mero ats'umbal, ya ca'be yich' yip te ya'tel ta ajwalil.

Génesis 47:9

Te Jacob hich la sjac'be sc'op te faraón: Te jayeb ha'bil behenon ta q'uinal ha lajuneb shucwinic (130) ha'bil. Com soc wocol te jayeb ha'bil cuxulon, ma la jta hich te jayeb ya'bilalic behenic ta q'uinal te jme'jtate, xchi.

Génesis 3:19

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

Génesis 27:2

Mamalonix, xchi te Isaac, ma jna' bin ora ya xchamon.

Génesis 50:5

Hich la yac'on ta yalel ta jamal te jtate: Ya xchamonix; te muquenal ch'en te la jchahpan yu'un ho'on cu'un ta sq'uinal Canaán, tey me xamucon a, xchi. Awocoluc, ac'awon bahel yu'un ya jmuc hilel te jtate, patil ya suhton tal, xchihex, xchi.

1 Samuel 26:10

Soc la yal xan te David: ¡Yiloj Jehová! ya me x'ehchentesot yu'un Jehová, (chican teme ya xc'oht yorahil te ya xcham, o teme ya xlaj ta guerra),

2 Samuel 2:32

Patil la yich'beyic bahel te sbaq'uetal Asael, baht smuquic ta Belén ta smuquenal stat. Te Joab soc te winiquetic yu'un sjunal ahc'abal behenic, yac ta sacubel q'uinal a c'ohtic ta Hebrón.

Génesis 48:21

Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

Génesis 50:12

Te snich'nab Jacob hich la spasbeyic te bin ut'il pasotic hilel ta mandar:

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Josué 2:14

La sjaq'uic te winiquetic: Ya jelcotic ta jcuxlejalcotic te acuxlejalic teme ma ba yac awal te bin scuentahil te talemotcotique. Te c'alal ya'beyejotcotiquix a te q'uinal te Jehová, ya me jc'uxultayatcotic soc hich ya jpasbatcotic te bin ut'il la jcalbatcotiquix, xchihic.

Josué 23:14

Te ho'one nopol ya sta yorahil ya xchamon. Na'ahic me ta spisil awo'tanic soc ta spisil ach'uhlelic te ma ba ch'ay ni jp'ahluc c'op yu'un spisil te lequil c'opetic la yalbeyex te Jehová te Dios awu'unique; spisil c'ohtix ta pasel ta acuentahic, mayuc bin ch'ay.