Génesis 47:23 - Bible in Tzeltal Bachajón

²³ Te José hich la yalbe te pueblo: Yo'tic la jmanexix soc aq'uinalic, yu'unex faraón ya xc'ohex. Ich'a te awawalic, bahan awahic ta q'uinal.

Bible in Tzeltal de Oxchuc y Tenejapa

²³ Te José la sc'opon spisil te yajwal Egipto: —Ora yo'tic to te ja'ex soc te aq'uinalique, ayex meix ta swenta te faraón, melel ja' la jmanbeyix ta swenta. Ich'a te awawalique, baan ts'unaic ta bay te sq'uinale.

Génesis 47:23 Referans Kwoze

2 Corintios 9:10

Te mach'a ya ya'be sts'unub te mach'a ya ya'iy ts'umbajel soc te ya ya'be pan te mach'a ya xwe', ha nix ya me yac' sitinuc soc ya me yac' p'ohluc te ts'unubiletic awu'unic, soc ya me yac' xp'ohl te sit yu'un te stojil awa'telic,

San Mateo 24:45

¿Mach'a yac awa'iy a te a'bat te jun yo'tan soc p'ij, te a'bot scuentahimbe sna te yajwal yu'un ya ya'iy mac'linwanej ta yorahil?

Isaías 55:10

Hich te bin ut'il te ha'al soc te me'sic ya xcohic tal ta ch'ulchan, soc ma ba ya suhtic xan mohel, pero ya ya'be ya'lel te lumq'uinal soc ya yac' ch'ihyuc soc sitinuc, ya ya'be sts'unub te mach'a ya xts'umbaj soc ya ya'be we'elil te mach'a ya xwe',

Eclesiastés 11:6

Ta sab ts'umbeya sbac' te ats'unube, soc ta tibiltic ma xawa'be scux yo'tan te ac'abe, como ma xana' ban ay lec ya xc'oht, teme ha ini o ha te yane, o teme lec ya xc'oht schebalic.

Proverbios 13:23

Ta sq'uinal te pobre ya yac' bayel we'elil, pero ya xch'ay ta scaj te mayuc toj chahpanel.

Proverbios 12:11

Te mach'a ya x'a'tej ta sq'uinal, ay me bayel we'elil yu'un, yan te mach'a ya st'un te bin ma xtuhun, mayuc sp'ijil yo'tan.

Proverbios 11:26

Te mach'a bayel ya sq'uej trigo, ya xbohlc'optayot yu'un te ants-winiquetic, pero ya xc'oht bendición ta stojol te mach'a ya schone.

Salmos 112:5

Lec ya xc'oht te mach'a soc sc'uxul yo'tan ya yac' ta majanel, te stojil ya spas te ya'tele.

Salmos 41:1

Bayel me yutsil te mach'a ay ta yo'tan te pobre; ya xcoltayot yu'un Jehová ta yorahil wocol.

Génesis 45:6

Ha schebalix ha'bil shahchel a te wi'nal ta q'uinal, ho'eb xan ha'bil ya sc'an te mayuc top' lum soc c'ajoj.

Génesis 41:27

Ha nix hich te huqueb yahuben wacaxetic te patil loq'uic tal, huqueb ha'bil c'ohem; soc te huc-chej trigo te taquijemic yu'un te q'uixin ic', ha seña huqueb ha'bil wi'nal.

Génesis 47:22

Ha xanix ma ba la smambe sq'uinalic te sacerdotehetic como a'botic trigo yu'un faraón, hich la swe'ic te bintic a'botic yu'un te faraón. Ha scuentahil ma ba la schon sq'uinal stuquelic.

Génesis 47:24

Te jayeb sit ya yac', jun ta yo'ebal ya me awa'be te faraón. Te chaneb xan ha awu'unic yu'un yac awawic ta q'uinal soc yu'un yac amac'lin abahic a soc te mach'atic ay awu'unic ta anahic, scuenta yu'un ya xwe'ic te awal-anich'nabic, xchi sc'oblalic.