Génesis 47:11 - Bible in Tzeltal Bachajón

¹¹ Hich te José la yac' nahinuc te stat soc te sbanquiltac ta banti ay te mero lequil q'uinal ta Egipto, ha te q'uinal ta Ramesés, hich te bin ut'il la yal ta mandar te faraón.

Bible in Tzeltal de Oxchuc y Tenejapa

¹¹ Jich te José la sle bay lec te q'uinal la yac'bey te stat soc te sbanquiltaque. Ja' la yac'bey sq'uinalinic te Ramsés, jich nix bit'il albot yu'un te faraón.

Génesis 47:11 Referans Kwoze

Éxodo 12:37

Te snich'nab Israel loq'uic bahel ta Ramsés, bahtic ta Sucot. Ay lajunwinic scha'bahc' ta mil (600,000) winiquetic te ya xbehenic ta yoquic, ma ba ahtaybilic stuquel te alaletique.

Éxodo 1:11

Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Génesis 47:6

Ay ta atojol spahmal te sq'uinal Egipto, ac'a nahinicuc ta banti ay te mero lequil q'uinal te atat soc abanquiltac; ac'a nahinicuc ta sq'uinal Gosén. Soc teme yac ana' te ay mach'atic ay bin ya sna'ic spasel ta lec yac awil, a'beyahic scanantaybon te wacaxetic cu'un, xchi.

San Juan 17:24

Jtat, te mach'atic awa'beyejon ta jcuenta, ya jc'an te tey nix ya sjoquinonic a ta banti ayon, scuenta yu'un ya yilbonic te cutsilal te awa'beyejon, como stalel c'uxon ta awo'tan te c'alal ma to ayuc a te bahlumilale.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

San Juan 14:2

Ta banti sna te Jtate ay bayel ta jtsahl banti ya xnahinex; te yu'unuc ma hichuc aye, la jcalbeyex te hichuque. Ha yu'un ya xbaht jchahpambeyex awawilic tey a.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 10:10

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

Génesis 46:34

hich me yac awalbeyic: Ca'telinejcotic scoltesel chambahlametic ta jqueremilcotic to c'alal ora, ho'otcotic soc jme'jtatcotic, xchihex, scuenta yu'un tey ya xnahinex a ta sq'uinal Gosén, como te egipciohetic ilobtic sba ya ya'iyic te jcanan-tuminchijetic, xchi.

Génesis 47:27

Hich nahin Israel ta Egipto ta sq'uinal Gosén; ha la yu'untayic, soc bayel p'ohlic.

Números 33:3

Loq'uic bahel ta Ramesés ta yo'lajunebal (15) c'ahc'al yu'un te shahchibal u yu'un te ha'bile. Ta schebal c'ahc'al yu'un te Q'uin Pascua, bayel yip yo'tanic a loq'uic bahel te snich'nab Israel ta sitic spisil te egipciohetic

Isaías 22:24

Tey ya x'ipaj a spisil te yutsilal te sna te stat: ha te snich'nab soc smamatac, spisil te vasohetic te mayuc lec sc'oblalic, te tazahetic c'alal ta spisil ta chahp q'uibetic.