Génesis 46:3 - Bible in Tzeltal Bachajón

³ La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

Bible in Tzeltal de Oxchuc y Tenejapa

³ Albot yu'un te Diose: —Jo'on Dioson, Dioson yu'un te atate. Ma me x'axi' te ya xcoat bael ta Egipto, yu'un ya me cac' esmajan tey a, bayal me ta jmil ats'umbal ya xc'ot.

Génesis 46:3 Referans Kwoze

Deuteronomio 26:5

Hich yac awal ta stojol te Jehová te Dios awu'un: Jbehyomal arameo te jtat te co bahel ta Egipto banti c'oht ta nahinel, mayuc tsobolic a. Tey c'atp'uj ta muc'ul nación a te bayel yip soc tsobolic.

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Hechos 27:24

hich la yalbon: Pablo, ma me xiwat; ya me xc'oht atehc'an aba ta stojol César; soc Dios la ya'bat spisil te mach'atic sjoquinejat ta barco, xchi.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Hechos 7:17

C'alal nopol ya sta yorahil te bin halbibil yu'un Dios te Abraham, bayel p'ohl te pueblo cu'untic ta Egipto,

Deuteronomio 10:22

Lajuneb schanwinic (70) ta tuhl cohic bahel ta Egipto te ame'atat, pero Jehová la yac' te ya xp'ohlucat hich te bin ut'il eq'uetic ta ch'ulchan.

Deuteronomio 1:10

Te Jehová te Dios awu'unic la sp'oltesexix hich yipal te bin ut'il eq'uetic ayic ta ch'ulchan.

Génesis 47:27

Hich nahin Israel ta Egipto ta sq'uinal Gosén; ha la yu'untayic, soc bayel p'ohlic.

Génesis 22:17

ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Génesis 15:13

Hich te Jehová la yalbe te Abram: Na'a me te ya xnahin ats'umbal ta yan q'uinal, ya x'ochic ta mosohil tey a, jbahc' (400) ha'bil ya x'uts'inotic.

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Jeremías 40:9

Te Gedalías snich'an Ahicam, snich'an Safán, hich la yal ta jamal ta stojolic soc te swinictac: Ma me xaxi' te yac awac' abahic ta a'batinel yu'un te caldeohetique. Nahinanic ta lumq'uinal, ac'a abahic ta a'batinel yu'un te ajwalil yu'un Babilonia, hich me lec ya xc'ohex a.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Génesis 48:19

Pero ma ba la sc'an te state, hich la yalbe: Ya jna', jnich'an, ya jna'. Ha nix hich muc'ul pueblo ya xc'oht, soc ha nix hich muc' sc'oblal ya xc'oht; pero c'ax hich ya xc'oht a te yihts'ine, soc bayel ta chahp nacionetic ya xloc' a te sts'umbale, xchi.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Éxodo 1:12

Pero c'alal bayel ayic ta uts'inel, bayel to xan p'ohlic soc puhquic bahel. Hich te egipciohetic la xi'ic te snich'nab Israel.