Génesis 46:2 - Bible in Tzeltal Bachajón

² Ta swayich c'oponot yu'un Dios ta ahc'abal te Israel, hich halbot: Jacob, Jacob, xchi. Li' ayoni, xchi te Jacob.

Bible in Tzeltal de Oxchuc y Tenejapa

² Ta swaich c'oponot yu'un Dios ta ajc'ubal te mamal Israel, jich albot yu'un: —Jacob, Jacob —xi'. La sjac' te mamal Israel: —Li' ayon to —xi'.

Génesis 46:2 Referans Kwoze

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Hechos 16:9

Ta jun ahc'abal te Pablo a'bot yil ta snahalsit te teq'uel jtuhl macedonia-winic te hich halbot wocol yu'un: C'axan tal ta Macedonia, coltayawotcotic, xchi.

Hechos 10:3

Oxeb wan ora suhtel c'ahc'al a, la yil ta snahalsit och tal jtuhl ch'ul a'bat yu'un Dios te banti ay, hich halbot yu'un: Cornelio, xchi.

Hechos 9:10

Ay jtuhl jnopojel ta Damasco, Ananías sbihil, ta snahalsit hich c'oponot yu'un te Cajwaltic: Ananías, xchi. ¿Li' ayon, Cajwal? xchi te Ananías.

Hechos 9:4

puch' ta lum te Saulo, la ya'iy c'op te hich la yal: Saulo, Saulo, ¿bin yu'un te yac acontrahimbelon? xchi.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Job 4:13

Ta wayichil ta ahc'abal, ha te bin ora ya x'och swayel ants-winiquetic,

2 Crónicas 26:5

Jun yo'tan ta stojol Dios te c'alal cuxul to a te Zacarías, te ha la snohptes ta yich'el ta muc' te Diose. Te c'alal jun yo'tan ta stojol Jehová lec c'oht yu'un te bin la spase.

1 Samuel 3:10

Tal te Jehová, la stehc'an sba soc la sc'opon hich te bin ut'il ta yan buelta: Samuel, Samuel, xchi. C'opojan, yac ya'iybelat te a'bat awu'une, xchi te Samuel.

1 Samuel 3:4

Te Jehová la sc'opon te Samuel. Li' ayoni, xchi te Samuel.

Números 24:4

te mach'a ya ya'iy bin ya yal te Diose, te ya yil te nahalsitil yu'un te Mach'a spisil ya xhu' yu'une; yahlem ta lum, pero wiq'uil sit:

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Génesis 31:11

Ta jwayich la sc'oponon te ch'ul a'bat yu'un Dios: Jacob, xchi. Hich la jac'be sc'op: Li' ayoni, xchihon.

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 22:1

Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.

Génesis 15:13

Hich te Jehová la yalbe te Abram: Na'a me te ya xnahin ats'umbal ta yan q'uinal, ya x'ochic ta mosohil tey a, jbahc' (400) ha'bil ya x'uts'inotic.

Hechos 10:13

Ay mach'a c'oponot yu'un: Hahchan, Pedro, mila ati', xchi sc'oblal.

Génesis 20:3

Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

Jueces 7:2

Te Jehová hich la yalbe te Gedeón: Mero bayel winiquetic sjoquinejat yu'un te ya ca'beyex ta ac'abic te madianetic, ya wan stoy sbahic ta jtojol te Israel, hich wan ya yalic: Hu' cu'untic la jcoltay jbahtic, xchihic wan.

Jueces 7:9

Ta ahc'abal nix, te Jehová hich la yalbe: Hahchan, cohan bahel ta ya'beyel guerra te campamento, yu'un la jca'batix ta ac'ab.

Zacarías 1:8

La jquil nahalsitil ta ahc'abal: la jquil jtuhl winic cajal ta tsajal cawu, ay ta yohlil bic'tal te'etic ta jun sjuclej, ta spat ay cawuhetic te tsaj, ihc' ta tsaj, soc sac.