Génesis 46:1 - Bible in Tzeltal Bachajón

¹ Hich loc' bahel te Israel soc spisil sbiluc, c'oht ta Beerseba, tey c'oht ya'be milbil smahtan a te Dios yu'un Isaac te state.

Bible in Tzeltal de Oxchuc y Tenejapa

¹ Jich a loc' bael te mamal Israel, soc la yich' bael spisil sbiluc. C'ot ta lum Beerseba sbiil, tey c'o yac'bey smajt'an a te Dios yu'un te state, ja' te Isaaque.

Génesis 46:1 Referans Kwoze

Génesis 31:42

Te manchuc sjoquinejon te Dios yu'un te jtat, te Dios yu'un Abraham soc te yich'oj ta muc' te Isaac, jochol jc'ab a la aticonon suhtel te hichuque. Pero Dios la yilbon te jwocol soc te ya'tel jc'ab, ha yu'un te la yutat ahc'abe, la yut.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Génesis 28:10

Te Jacob loc' ta Beerseba, behen bahel ta sbehlal Harán.

Génesis 21:33

Te Abraham la sts'un jtehc' tamarisco ta Beerseba, tey la sc'opon a te Jehová Dios te stalel cuxul sbahtel q'uinal.

Génesis 21:31

Ha yu'un Beerseba sbihil c'oht te lugar, yu'un tey ay bin la yalbe sbahic ta jamal ta schebalic a.

Génesis 21:14

Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Job 42:8

Ha yu'un yo'tic ya me atsaquic huqueb jcolel torohetic soc huqueb tat tuminchijetic, bahanic ta stojol te ca'bat Job, ac'ahic scohtol chic'bil mahtanil ta acuentahic. Te ca'bat Job ya sc'opombeyex Dios, soc ya quich'be ta cuenta te sc'op scuenta yu'un ma ba ya ca'beyex awocolic yu'un te ma ba stojil la awalbonic jc'oblal, hich te bin ut'il la yal te ca'bat Job, xchi.

Job 1:5

Ta jujun buelta te ya xlaj te q'uin yu'unic, te Job ya sticon ta iq'uel soc ya slecubtesbe sc'oblalic. Ya xhahch ta sab, ya yac' scohtol chic'bil mahtaniletic ta scuenta jaytuhlic, yu'un hich ya yal te Job: Ay wan la sta smulic te jnich'nab soc ay wan la slabanic Dios ta yo'tanic, xchi. Hich la spasulan ta spisil ora.

1 Samuel 3:20

Spisil Israel, c'alal ta Dan ha to ta Beerseba, la sna'ic te Samuel ha jalwanej yu'un Jehová te jun yo'tan ta stojol.

Génesis 35:7

Tey c'oht spas scajtajib ta chiq'uel mahtanil a, El-bet-el sbihil c'oht yu'un te lugar, yu'un tey chicnaj Dios ta stojol a te c'alal loc' ta ahnel ta stojol te sbanquile.

Génesis 35:3

Ya xmohotic bahel ta Bet-el, tey ya xc'oht jpasbe scajtajib ta chiq'uel smahtan a te Dios te la scoltayon te c'alal ayon ta wocol a soc te la sjoquinon ta banti behenon, xchi.

Génesis 33:20

La spasbe scajtajib ta chiq'uel mahtanil tey a, la ya'be sbihilin El-Elohe-Israel.

Génesis 31:53

Te Dios yu'un Abraham, te Dios yu'un Nacor, te Dios yu'un te static, ac'a schahpanotic ta jchebaltic, xchi. Te Jacob la yal ta jamal ta scuenta te Mach'a yich'oj ta muc' te Isaac te state.

Génesis 22:13

Hich te Abraham la shach sit, la yil ta spat ay tat tuminchij ipajem xulub ta ch'ixiletic. Baht stsac talel te tat tuminchij, ha la smil scuenta scohtol chic'bil mahtanil te ha sjelol c'oht te snich'ane.

Génesis 12:8

C'ax xan bahel tey a te Abram, c'oht ta jun wits ay ta stojol banti ya xloc' tal c'ahc'al yu'un Bet-el, la stehc'an snahilpac' tey a; ay ta stojol smahlib c'ahc'al te Bet-el, ay ta stojol banti ya xloc' tal c'ahc'al te Hai. Tey la spasbe scajtajib ta chiq'uel mahtanil a te Jehová soc la sc'opon te Jehová.

Génesis 8:20

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

Génesis 4:4

Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

Hechos 7:15

Hich co bahel ta Egipto te Jacob, te banti cham soc nix te jme'jtatique.

Génesis 45:28

Ha yu'un hich la yal te Israel: ¡Tic' abi, cuxul to te jnich'an José! Ya xbohon, ya xbaht quilbe xan sit te c'alal ma to xchamon a, xchi.

Amós 7:9

Te toyol awilaletic yu'un Isaac ya me yich'ic jinel, te ch'ul awilaletic yu'un Israel ya me yich'ic jinel, soc ya jach espada ta scontrahinel te sna Jeroboam, xchi.

Josué 24:4

Te Isaac la jca'be te Jacob soc Esaú. Te Esaú la jca'be yich' te witsiltic yu'un Seir, yan te Jacob soc te snich'nab cohic bahel ta Egipto stuquelic.

1 Samuel 8:2

Te sba-nich'an, Joel sbihil, te schebal ha Abías; ha juecetic ta Beerseba.