Génesis 45:23 - Bible in Tzeltal Bachajón

²³ Soc la sticombe bahel te stat lajuncoht burro te scuchojic bahel te bintic c'ax lequic ta Egipto, soc lajuncoht sme' burrahetic te scuchojic bahel trigo, pan soc we'eliletic te ya swe' tal ta be te state.

Bible in Tzeltal de Oxchuc y Tenejapa

²³ Soc te statique ticunbot bael smajt'an: lajuncojt' burro scuchojic bael te bitic mero lequic ta Egipto, soc yan lajuncojt' te xcuchojic bael trigo soc we'eliletic te ya stuuntes tel ta be te statique.

Génesis 45:23 Referans Kwoze

Éxodo 16:3

hich la yalic: ¡Ha lec te lajucotic ta sc'ab Jehová ta sq'uinal Egipto te c'alal la juhcan jbahcotic ta sts'ehl te yoxomal ti'bal, te c'alal la jwe'cotic pan ha to c'alal noj jch'uhtcotic! Pero la awic'otcotic loq'uel tal ta jochol taquin q'uinal yu'un yac amilic ta wi'nal spisil te pueblo ini, la yutic.

Génesis 43:11

Ha yu'un hich la sjac' te Israel te static: Teme hich ya sc'an pasele, pasahic hiche. Ich'ahic bahel ta acostalic te bin lec ya xloc' ta q'uinal, a'beyahic smahtanin te winic jtebuc bálsamo-te', jtebuc chab, te bintic sumet yic', mirra, nuez soc almendra.

Génesis 24:10

Te a'bat la yic' lajuncoht camello yu'un te yajwal, hich baht, soc yich'oj bahel bayel ta chahp tsahbil mahtaniletic yu'un te yajwale. C'oht ta pueblo yu'un Nacor ta Mesopotamia.

Génesis 45:22

Ta tuhlultuhl la ya'be yach'il sc'u'ic, yan te Benjamín la ya'be ho'lajunwinic (300) ta sehp plata soc ho'chahp sc'u' stuquel.

Génesis 45:24

Hich la yac' bahel te sbanquiltac, c'alal bahtic hich la yalbe bahel: Ma me xawut abahic ta be, xchi.