Génesis 44:33 - Bible in Tzeltal Bachajón

³³ Ha yu'un awocoluc, ac'a jelolin hilel te querem ta mosohil awu'un, cajwal. Te quereme ac'a sjoquin suhtel te sbanquiltac.

Bible in Tzeltal de Oxchuc y Tenejapa

³³ Jich yu'un ya me calbat wocol te jo'on me ya jelolin jilel ta mozoil awu'un te quereme. Ac'a sjoin bael te sbanquiltac te quijts'ine.

Génesis 44:33 Referans Kwoze

1 Juan 3:16

Hich ya jna'tic bin ut'il ay te c'uxul-o'tanil, ha te la yac' sba ta lajel ta jcuentatic. Ha nix hichotic, ya sc'an ya cac' jcuxlejaltic ta scuenta te quermanotactique.

Hebreos 7:22

Ha yu'un te Jesús la yac' c'ohtuc ta pasel chapbil-c'op te c'ax lec xan a.

Romanos 9:3

yu'un co'tanuc te ya xbohlob jc'oblal soc te pihtesbilon yu'un Cristo ta scaj te c'ux ta co'tan te quermanotac, ha te jmohlol-ts'ahquil ta scuenta ch'ich'-baq'uet;

Éxodo 32:32

Ya calbat wocol te yacuc apasbe perdón; teme ma'uque, tup'bon jbihil ta libro te la ats'ihbay, xchi.

Génesis 44:32

Te a'baton awu'un hilem ta jcuenta te querem ta stojol te jtat, yu'un hich la jcalbe hilel: Teme ma ba ya suht tal cu'un, ho'on me ya jcuch te mulil spisil ora ta stojol te jtat, xchihon.

Génesis 44:34

Como ¿bin ut'il c'an suhtucon bahel ta stojol te jtat teme ma ba ya sjoquinon suhtel te quereme? Ma xhu' cu'un, yu'un ma jc'an ya quil ya xtal swocol te jtate, xchi.

Génesis 44:10

Hich la yal te mayordomo: Ac'a c'ohtuc ta pasel te bin yac awalique. Te mach'a yich'oj ya xtahbote, ha me ya x'och ta mosohil cu'un, yan te ha'exe, mayuc amulic ya xhilex, xchi sc'oblalic.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.