Génesis 44:18 - Bible in Tzeltal Bachajón18 Ha yu'un te Judá nohpoj tal ta stojol, hich la yalbe: Ay, cajwal, awocoluc, ac'a sc'oponat ta achiquin te a'bat awu'un, ma me xawilintay te awa'bate, como te ha'ate pajal c'ohemat soc faraón. Gade chapit laBible in Tzeltal de Oxchuc y Tenejapa18 Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón. Gade chapit la |
Ta scuenta te smuc'ul c'oblal te a'bot yu'une, spisil te pueblohetic, nacionetic soc c'opiletic xiwic soc nihquic ta stojol. La smil te mach'a la sc'an la smil, soc la yac' cuxajuc te mach'a la sc'an la yac' c'axuc; la stoybe sc'oblal te mach'a la sc'an la stoybe sc'oblal, soc la spehc'an te mach'a la sc'an la spehc'an.
Yo'tic, teme yac awa'iybeyic sc'op te corneta, flauta, cítara, lira, salterio, gaita, soc spisil te a'tejibaletic yu'un música, ¿ya bal aquejan abahic soc ya bal ach'uhuntayic te loc'omba te jpasoje? Como teme ma ba yac ach'uhuntayique, ora nax yac awich'ic ch'ojel ochel ta horno banti yac ta tihlel c'ahc'. ¿Mach'a diosil ya xhu' ya scoltayex loq'uel ta jc'ab? xchi.