Génesis 44:15 - Bible in Tzeltal Bachajón

¹⁵ Hich halbotic yu'un te José: ¿Bin yu'un te hich la apasique? ¿Yu'un bal ma xana'ic te winic hich te bin ut'il ho'on ya sna' na'ojel? xchi.

Bible in Tzeltal de Oxchuc y Tenejapa

¹⁵ Albotic yu'un te José: —¿Bi yu'un jich la apasbonic? ¿Yu'un bal ma ba ana'ojic stojol te ay jp'ijil yu'un sna'el? —la yut.

Génesis 44:15 Referans Kwoze

Éxodo 32:1

Te c'alal la yilic te pueblo te ma ba co tal ta wits ta ora te Moisés, bahtic ta stojol Aarón soc hich la yalbeyic: Hahchan, pasbotcotic diosetic te ya xnahilij bahel cu'untic, como te Moisés, te winic te la sloq'uesotic tal ta Egipto, ma jna'tic bin la spas, xchihic.

Génesis 39:8

Pero ma ba la sc'an te José; hich la yalbe te yihnam te yajwale: Te cajwal ya'beyejon ta jcuenta spisil bintic ay yu'un, mayuc bin ya snop ta yo'tan yu'un sbiluc ta sna.

Génesis 21:26

Pero la sjac' te Abimelec: Ma jna' mach'a hich la spas, ni ha'ucat la awa'bon jna', ha to nax yac ca'iybel ini, xchi.

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Génesis 3:13

Ha yu'un te Jehová Dios la sjohc'obe te antse: ¿Bin a te la apas? la yut. La yal te antse: Ha la slo'loyon te chane, hich la jlo', xchi.

Génesis 44:16

Ha yu'un la yal te Judá: ¿Bin c'an calcotic, cajwal? ¿Bin c'an calcotic yu'un, o bin ya xhu' ya jcoltay jbahcotic a? Dios la yac' ta na'el te smulic te a'batetic awu'une. A'batotcotiquix awu'un, cajwal, soc te mach'a yich'oj a tahot te copa, xchi.