Génesis 44:1 - Bible in Tzeltal Bachajón

¹ Te José hich la yalbe te mayordomo yu'un: Nojesbeya ta we'elil te scostalic te winiquetic ini, chican te hich yipal ya xhu' yu'unic scuchel bahel, soc a'beya te staq'uinic ta scostalic ta jujutuhl.

Bible in Tzeltal de Oxchuc y Tenejapa

¹ Ta patil te José la yalbey mandal te mayordomoe: —Nojesbeya ta trigo te xcoxtalic te winiquetic, chican te jich yipal ya xju' yu'unic yich'el baele. Te taq'uin te stojol trigo yu'unique, muquen me ya asujt'esbeyic, ya me awac'bey ochel ta xcoxtalic juju-jtul.

Génesis 44:1 Referans Kwoze

Génesis 42:25

Patil la yal mandar te José te ya xnojesbot ta trigo te scostalic soc ya suhtbotic te staq'uinic ta tuhlultuhl, soc ya x'a'bot swe'elic te ya swe'ic ta be. Hich la yich'ic pasbeyel.

Génesis 43:16

C'alal la yil te José te sjoquinejic te Benjamín, la yalbe te mayordomo yu'un te sna: Ic'a bahel ta na te winiquetic ini, mila jcohtuc wacax, chahpana, yu'un ya xwe'on soc ta ohlil c'ahc'al yo'tic, xchi.

Isaías 3:1

Como te Cajwaltic, te Jehová te scuentahinej spisil, ya me sloq'ues ta Jerusalén soc ta Judá spisil te bintic ya xtuhun soc te bintic ya xcoltaywan, spisil te we'elil soc spisil te ha',

Génesis 43:19

Ha yu'un nohpojic bahel ta stojol te mayordomo yu'un te sna José, la sjuquic ta c'op ta yochibal te na,

Génesis 43:2

C'alal laj swe'belic te trigo te la yich'ic tal ta Egipto, hich halbotic yu'un te static: Suhtanic bahel, manahic tal jtebuc jwe'eltic, xchi.

Génesis 24:2

Te Abraham hich la yalbe te jtuhl ya'bat, te mach'a mamalix ta stojol spisil yantic ay ta sna, te scuentahinej spisil te biluquetic yu'un: Ac'a tal ac'ab ta ye'tal ca',

Génesis 44:2

Soc te copa cu'un te pasbil ta plata otsesbeya ta sti'il scostal te xute, soc te stojol te trigo yu'une, xchi. Te mayordomo hich la spas te bin ut'il halbot yu'un te José.

Génesis 42:35

Te c'alal la sloq'uesic te trigo ta scostalic, tey potsbil la stahic te staq'uinic ta jujutuhl. C'alal la yilic soc te static te potsbil staq'uinic, xiw yo'tanic yu'un.