Génesis 43:7 - Bible in Tzeltal Bachajón

⁷ Hich la sjaq'uic: Te winic la sjoc'obotcotic bin ut'il ayotcotic soc spisil mach'atic ay cu'uncotic, hich la yal: ¿Cuxul to bal atatic? ¿Ay to bal yan awihts'inic? xchi. La jac'becotic te sc'ope. ¿Bin ut'il c'an jna'cotic teme ya yalbotcotic: Ic'ahic tal awihts'inic? xchihic.

Bible in Tzeltal de Oxchuc y Tenejapa

⁷ La sjaq'uic: —Te ajwalile, bayal la yich'otic ta c'op ta jyalel, te bit'il ayotic, te jaytulotique, soc spisil mach'a ay cu'untic. La sjojc'obotic yaiy teme cuxul to te jtatique, soc teme ay to yan quijts'intique. Te jo'otique ma'yuc yan bi la jpastic, ja' nax la jsujt'esbeytic te bila la sjojc'obotique. ¿Banti c'an jna'tic teme ya yal: “Ic'a tel te awijts'inique”, te xie? —xiic.

Génesis 43:7 Referans Kwoze

Génesis 43:3

Hich la sjac' te Judá: Jamal la yalbotcotic te winic: Ma xhu' yac awilbonic xan jsit teme ma ba la awiq'uic tal awihts'inic, xchi.

Génesis 43:27

Ha yu'un la sjoc'oy ya'iy te José teme lec ayic, soc la sjoc'oy: Te atatic, te mamal la awalbonic, ¿cuxul to bal, lec bal ay? xchi.

Génesis 42:13

Te a'batotcotic awu'un, lahchaytuhlotcotic te junax jtatcotic te ay ta sq'uinal Canaán. Te jtuhl quihts'incotic sjoquinej hilel te jtatcotic, te yane ma chicanuc ban ay, xchihic.

Génesis 43:6

Ha yu'un hich la yal te Israel: ¿Bin yu'un c'ax ma lecuc bin la apasbonic, ha te la awalbeyic te winic te ay to yan awihts'inique? xchi.

Génesis 44:19

Te cajwal la sjoc'obe te a'batetic awu'un: ¿Ay bal atatic o awihts'inic? xchihat.

Génesis 42:11

Jpisilcotic junax jtatcotic, lec jc'oblalcotic ta winiquil; te a'batotcotic awu'un ma ha'uc jtsahtaywanejotcotic, xchihic.