Génesis 43:18 - Bible in Tzeltal Bachajón

¹⁸ Ha yu'un te winiquetic och xiwel ta yo'tanic yu'un c'alal ic'otic ochel ta sna José, hich la yalbe sbahic: Ha la yic'otic tal li'i ta scaj te taq'uin te suht bahel ta jcostaltic ta shahchibal, yu'un ya slehbotic jmultic, ya stsacotic soc ya smosohinotic soc te burrohetic cu'untic, xchihic yu'un.

Bible in Tzeltal de Oxchuc y Tenejapa

¹⁸ C'alal la yilic te ic'otic ochel ta sna te José, och xiwel ta yo'tanic yu'un, jich la yalbey sbaic: —Ja' swentail te la yic'otic ochel tel ta sna te bit'il ay ta jcoxtaltic te jtaq'uintic la jtatic te xtalucotic ta neelale. Jich yu'un ya sc'an ya xchucotic, ya sc'an ya yuts'inotic, ya sc'an ya spojbotic jburrotic, soc ya smozoinotic —xiic yu'un.

Génesis 43:18 Referans Kwoze

Génesis 42:35

Te c'alal la sloq'uesic te trigo ta scostalic, tey potsbil la stahic te staq'uinic ta jujutuhl. C'alal la yilic soc te static te potsbil staq'uinic, xiw yo'tanic yu'un.

Romanos 7:8

Pero te mulil la stuhun te mandaril, hich la shachbon ta co'tan spisil ta chahp bic'tal-o'tanil, como teme mayuc Ley, chamen te mulile.

San Marcos 6:16

C'alal hich la ya'iy te Herodes, hich la yal: Ha te Juan la jcac' ta xot'beyel loq'uel sjol te cha'cuxajemix tal, xchi yu'un stuquel.

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Salmos 73:16

C'alal la jnopilan ini yu'un ya jna'be scuentahil, wocol la jca'iy.

Salmos 53:5

Tey tsacotic ta tulan xiwel ta banti mayuc xiwel, como Dios la spucbe sbaquel te mach'atic la scontrahinat. La awac' te ya xq'uexawic como ch'ayotic hilel yu'un te Diose.

Job 30:14

Ya xtal scontrahinonic hich te bin ut'il soldadohetic te ya xc'axic talel ta banti jamal ta ts'ahc, tulan ya xc'axic ta jba.

Job 15:21

Ay bin xnilet ya ya'iy ta schiquin te xiweltic sba; te c'alal lamal q'uinal ya ya'iy, ya xtal te jlajinwanej ta stojol.

Jueces 14:4

Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.

Jueces 13:22

Te Manoa hich la yalbe te yihnam: Ya me xchamotic, yu'un la jquiltiquix te Diose, xchi.

Deuteronomio 22:17

la slehbeyix smul, hich ya yal: Ma ach'ixuquix a la jta te awantsil-nich'an, xchi. Pero ilawil, li' ay te seña te yach'ixlel te cantsil-nich'an, xchi me te state. Ya me slimic ta ilel te c'u'ul ta stojol te mamaletic yu'un te pueblo.

Deuteronomio 22:14

teme ya slehbe smul soc ya sbohlobtesbe sc'oblal, te hich ya yal: Nuhpunon soc ha ants ini, pero te c'alal wayon soc, ma ach'ixuquix a la jta, teme xchihe,

Génesis 42:28

Hich la yalbe te yermanotac: La suhtbon tal te jtaq'uine, la jta li' ta yutil te jcostal, xchi. Toj ch'ayel yo'tanic yu'un, soc xiwel talel c'axel la yalbe sbahic: ¿Bin a te la spasbotic te Diose? xchihic.

Génesis 42:21

Talel c'axel hich la yalbe sbahic: Ta mero melel la jta jmultic ta stojol te quihts'intic, la nax quilbetic swocol ta mel-o'tan c'alal la yalbotic wocol, pero ma ba la jquich'betic ta cuenta; ha scuentahil te ay jwocoltic ta mel-o'tan ta ora ini, xchihic.

Génesis 43:17

Hich la spas te winic te bin halbot yu'un te José, la yic' bahel te winiquetic ta sna te José.

Génesis 43:19

Ha yu'un nohpojic bahel ta stojol te mayordomo yu'un te sna José, la sjuquic ta c'op ta yochibal te na,

Daniel 6:4

Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

Génesis 42:27

Pero c'alal la sjam scostal te jtuhle yu'un ya ya'be swe'el te sburro, la yil tey ay a te staq'uin ta sti'il te scostale.

Génesis 44:8

Te taq'uin la jta ta jcostalcotic la jquich'cotic suhtel tal ta sq'uinal Canaán. ¿Bin ut'il c'an quelc'ancotiquix bahel ta sna awajwal te plata o te oro?