Génesis 43:14 - Bible in Tzeltal Bachajón

¹⁴ Te Dios te spisil ya xhu' yu'un ac'a sc'uxultayex te winic soc te yacuc scoltaybotic tal te yan awermanohic soc te Benjamín. Teme ya xpojboton te jnich'nab, hichuc abi, xchi.

Bible in Tzeltal de Oxchuc y Tenejapa

¹⁴ Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 43:14 Referans Kwoze

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Hechos 21:14

Te bin ut'il ma ba hu' cu'uncotic scomel te Pablo, laj co'tancotic, hich la jcalcotic: Ac'a c'ohtuc ta pasel te bin ya sc'an yo'tan te Cajwaltique, xchihotcotic.

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Salmos 119:41

Ac'a taluc ta jtojol te sc'uxul awo'tan, Jehová; ha te colel awu'un hich te bin ut'il awaloj ta jamal;

Salmos 100:5

Como lec yo'tan te Jehová, sbahtel q'uinal ay te sc'uxul yo'tan, soc stalel jun yo'tan ta stojol cajalcaj ts'umbalil.

Génesis 22:14

Te Abraham la ya'be sbihil te lugar: Jehová ya ya'botic, xchi. Ha yu'un hich ay ta halel c'alal ora ini: Ta wits yu'un Jehová ya x'a'bot, xchi.

2 Juan 1:3

Te yutsil-o'tanil, sc'uxul-o'tanil soc te lamal q'uinal yu'un te Jtatic Dios soc te Jesucristo, ha te Snich'an te Tatil, ac'a sjoquinotic ta mero melel soc ta scuenta c'uxul-o'tanil.

Tito 1:4

Ta stojol Tito, te mero jnich'an ta scuenta te bin ay ta ch'uhunel ta comon. Ayuc me ta atojol te yutsil-o'tanil, xc'uxul-o'tanil soc lamal q'uinal yu'un te Jtatic Dios soc te Cajwaltic Jesucristo, te Jcoltaywanej cu'untique.

1 Timoteo 1:16

Pero ha scuentahil te la jquich' c'uxultayel, scuenta yu'un te Jesucristo ya xhu' ya yac' ta ilel te lec yo'tan te mayuc slajibal, te hich chican ta jcuenta, ho'on te c'ax bayel jmul, scuenta yu'un hich ya sna'ic a te mach'atic patil ya sch'uhunic Cristo soc ya yich' scuxlejalic scuenta sbahtel q'uinal.

1 Timoteo 1:2

ta stojol Timoteo, te mero jnich'an ta scuenta sch'uhunel-o'tanil: Ayuc me awu'un yutsil-o'tanil, sc'uxul-o'tanil soc lamal q'uinal yu'un te Jtatic Dios soc te Cajwaltic Cristo Jesús.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

San Lucas 1:50

soc te sc'uxul yo'tan ya xc'oht ta stojol te cajalcaj mach'atic ya yich'ic ta muc'!

Isaías 49:13

¡Awonan soc yutsil awo'tan, ha'at ch'ulchan, ayuc yutsil q'uinal yac awa'iy, ha'at lumq'uinal! Ha'ex witsiltic, hahchanic ta aw yu'un yutsil q'uinal yac awa'iyic, como te Jehová la smuc'ubtesbe q'uinal ya'iy te pueblo yu'un soc ya me sna'be yo'bolil sba te mach'atic yu'un te ay swocolique.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Proverbios 1:1

Te tsahbil c'opetic yu'un Salomón snich'an David, te ajwalil yu'un Israel:

Esdras 7:27

Bayel yutsil Jehová te Dios yu'un te jme'jtatic te la ya'be ta yo'tan te ajwalil te ya yich' ta muc' te sna Jehová te ay ta Jerusalén,

Génesis 42:36

Ha yu'un hich halbotic yu'un Jacob te static: Bahtix ta pojel awu'unic te jnich'nabe. Ma chicanuc te José, soc ha nix hich te Simeón, soc yac ac'an yac awic'boniquix bahel te Benjamín. Ta spisil ini, uts'inel ya ca'iy, xchi.

Génesis 42:24

Te José loc' bahel ta stojolic soc oc'; patil suht tal soc la sc'oponlan. La stsac ta yohlilic te Simeón, q'uelel sitic a la schuc.

Génesis 39:21

Pero joquimbil yu'un Jehová te José, la ya'be yil sc'uxul yo'tan soc la yac' te lec ilot yu'un te jcuentahinwanej yu'un te cárcel.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Salmos 85:7

¡Jehová, ac'a quilcotic te sc'uxul awo'tan, a'botcotic te colel awu'une!

San Juan 19:22

La sjac' te Pilato: Te bin la jts'ihbay, la jts'ihbayix, xchi.

Génesis 43:13

Soc ic'ahic bahel te awihts'inic, bahanic, suhtanic bahel ta stojol te winique.

Salmos 106:46

Ha la yac' te ya xc'uxultayotic yu'un spisil mach'atic chucotic yu'un.

Génesis 44:12

Hich hahch sle, hahch ta banquilal ha to c'alal ta xut. Tahot te copa ta scostal te Benjamín.