Génesis 43:11 - Bible in Tzeltal Bachajón

¹¹ Ha yu'un hich la sjac' te Israel te static: Teme hich ya sc'an pasele, pasahic hiche. Ich'ahic bahel ta acostalic te bin lec ya xloc' ta q'uinal, a'beyahic smahtanin te winic jtebuc bálsamo-te', jtebuc chab, te bintic sumet yic', mirra, nuez soc almendra.

Bible in Tzeltal de Oxchuc y Tenejapa

¹¹ La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Génesis 43:11 Referans Kwoze

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Jeremías 8:22

¿Ma bal ayuc bálsamo-te' ta Galaad? ¿Ma bal ayuc jpoxtaywanej tey a? ¿Bin yu'un hiche te ma ba lecub te jlumale?

Ezequiel 27:17

Te Judá soc te sq'uinal Israel la ya'iyic mambajel chombajel ta atojol, la sjelbat abiluc ta trigo yu'un Minit, pastel, chab, aceite soc bálsamo-te'.

Proverbios 18:16

Te mahtanil ya sjam te sbe te winique soc ya x'ic'ot ochel yu'un ta stojol te mach'a ay sc'oblale.

1 Samuel 9:7

Te Saúl la sjac'be sc'op te ya'bat: Conic hiche; pero ¿bin ya ca'betic te winique? Yu'un mayuquix we'elil ta yawil cu'untic, mayuc bin ya ca'betic te winic yu'un Dios. ¿Bin ay cu'untic? xchi.

Hechos 21:14

Te bin ut'il ma ba hu' cu'uncotic scomel te Pablo, laj co'tancotic, hich la jcalcotic: Ac'a c'ohtuc ta pasel te bin ya sc'an yo'tan te Cajwaltique, xchihotcotic.

Ezequiel 27:15

Te mach'atic yu'un Dedán la ya'iyic mambajel chombajel ta atojol; tsobol pueblohetic ta ti'ti'mar la smambat abiluc; la stojbat ta colmillohetic yu'un marfil soc ta ébano-te'.

Cantares 8:14

¡Suja aba, ha'at te c'uxat ta co'tan! hichucat te bin ut'il gacela-chij o yal tsajal chij ta sba te witsiltic nojel ta sumet yic'.

Cantares 4:14

nardo soc azafrán, jalal te sumet yic' soc canela, spisil ta chahp te'etic yu'un pom, yu'un mirra soc áloe; soc spisil ta chahp te bintic sumet yic'.

Cantares 4:10

¡C'ax t'ujbil te sc'uxul awo'tan, ha'at quihts'inat, jlecolat! c'ax hich t'ujbil a te sc'uxul awo'tan te bin ut'il vino, soc te perfume awu'un, c'ax hich sumet yic' a te bin ut'il spisil yantic te sumet yiq'ue.

Proverbios 21:14

Te mahtanil ya yich' aq'uel ta muquen ya slahmajtes ilimba, te mahtanil te muquen ay, ya slahmajtes tulan ilimba.

Proverbios 19:6

Tsobol mach'atic ya slehic te ha lec yo'tan yu'un te mach'a bayel bin ya yac', soc spisilic ha yamigotac te mach'a ya xmahtanteswan.

Proverbios 17:18

Te mach'a ma sna' q'uinal ya sbetan soc ya stehc'an sba ta majan yu'un te spat-xuhc.

Salmos 76:11

Chapa ac'opic soc Jehová te Dios awu'unic soc c'ohtesahic ta pasel; spisilic te ayic ta sjoyobal ac'a yich'ic tal mahtaniletic ta stojol te Mach'a ay ta xi'el.

Salmos 72:10

Te ajwaliletic yu'un Tarsis soc yu'un ti'ti'maretic ya me yich'ic tal spatanic; te ajwaliletic yu'un Sabá soc Seba, ya me yich'beyic tal mahtaniletic.

Salmos 68:29

Ta scaj te Templo awu'un ta Jerusalén ya yich'bat tal mahtaniletic awu'un te ajwaliletique.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

2 Reyes 20:12

Ha yorahil a te ajwalil Merodac-baladán snich'an Baladán, ajwalil ta Babilonia, la sticon bahel a'batetic soc cartahetic soc mahtaniletic ta stojol te Ezequías, yu'un la ya'iy te ay ta chamel.

2 Reyes 16:8

Te Acaz la stsac te plata soc oro te ay ta sna Jehová soc te c'ulejalil ay ta sna ajwalil, la sticombe smahtanin te ajwalil yu'un Asiria.

2 Reyes 8:8

Ha yu'un te ajwalil la yalbe te Hazael: Ich'a bahel mahtanil, bahan taha tal te winic yu'un Dios, joc'obeya te Jehová ta scuenta Eliseo: ¿Ya bal xlecubon ta chamel? xchi.

1 Reyes 15:19

Ya jchap jc'optic hich te bin ut'il la spasic te jtatique. La jticombat amahtan plata soc oro. Bahan, jina te achapbil-c'op soc Baasa te ajwalil yu'un Israel scuenta yu'un ya yihquitayon, xchi.

1 Reyes 10:25

Ta jujun ha'bil ya yich'beyic tal smahtan: ha te bintic pasbil ta plata soc ta oro, c'u'uletic, a'tejibaletic yu'un guerra, bintic sumet yic', cawuhetic soc mulahetic.

1 Reyes 10:15

Ma ba ich'bil ta cuenta stuquel te pataniletic yu'un te jchombajeletic, jmambajeletic soc spisil te ajwaliletic yu'un Arabia, soc te jcuentahinwanejetic yu'un te q'uinale.

1 Reyes 4:21

Te Salomón la scuentahin spisil te yantic nacionetic c'alal ta muc'ul-ha' Éufrates ha to ta sq'uinal filisteohetic soc ta sti'il sq'uinal Egipto. La yich'beyic tal mahtaniletic soc la yac' sbahic ta a'batinel yu'un Salomón te jayeb c'ahc'al cuxule.

1 Samuel 25:27

Te mahtanil te la yich' tal te a'bat awu'un ac'a yich'ic te winiquetic te ya sjoquinic te cajwal.

Deuteronomio 33:14

te tsahbil sit ts'unub-awalil yu'un c'ahc'al, soc te slequil sit ts'unub-awalil yu'un te u,

Génesis 43:14

Te Dios te spisil ya xhu' yu'un ac'a sc'uxultayex te winic soc te yacuc scoltaybotic tal te yan awermanohic soc te Benjamín. Teme ya xpojboton te jnich'nab, hichuc abi, xchi.

Génesis 33:10

La yal te Jacob: Ma'uc, awocoluc, teme lecon ta asit ich'bon te amahtan cu'un, como te c'alal la jquilbat asit sjel ta ha la jquilbe sit a te Diose, te lequix awo'tan la awic'on ta atojol.

Levítico 20:24

Pero hich la jcalbeyex te ha'exe: Ya me awu'untayic te slum sq'uinalic, ho'on ya ca'beyex yu'un yac awu'untayic, ha te q'uinal te banti ya x'oquin leche soc chab. Ho'on, Jehovahon, te Dioson awu'unic te parte la jcaq'uex yu'un te yantic nacionetique.

Génesis 43:10

Te manchuc la jcom jbahcotic, schebalix buelta suhtelucotic tal a te hichuque, xchi.

Génesis 43:15

Hich te winiquetic la yich'ic bahel te mahtanil soc te taq'uin scuenta cheb buelta, soc la yiq'uic bahel te Benjamín; cohic bahel ta Egipto, c'oht stehc'an sbahic ta stojol José.

Génesis 43:25

Te winiquetic la schahpanic te mahtanil, yu'un te ya xtal ta ohlil c'ahc'al te José, yu'un la ya'iyic te tey ya xwe'ic a.

Génesis 43:26

C'alal och tal ta sna te José la ya'beyic te mahtanil te yich'ojic tal, soc la squejan sbahic ta stojol.

Ezequiel 27:22

Te jmambajeletic soc jchombajeletic yu'un Sabá soc Raama la ya'iyic mambajel chombajel ta atojol, la sjelbat abiluc ta lequil perfume, spisil ta chahp t'ujbil tonetic soc oro yu'un te abiluque.

Éxodo 3:8

Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.