Génesis 42:22 - Bible in Tzeltal Bachajón

²² Ha yu'un hich la yal te Rubén: ¿Ma bal lajuc calbeyex te ma me xata amulic ta stojol te quereme, pero ma ba la awich'bonic ta cuenta? Ha yu'un yaquix jtojbeltic te sch'ich'ele, xchi.

Bible in Tzeltal de Oxchuc y Tenejapa

²² La yal te Rubén: —La nix calbeyex: “Ma xawuts'inic te quereme”, la cutex, pero ma la ach'uunbonic jc'op. Jich yu'un ja' ya jtojtiquix te bit'il la jmalbeytic xch'ich'ele —xi' ta stojolic.

Génesis 42:22 Referans Kwoze

Salmos 9:12

Te Mach'a ya sc'ambe stojol malbil ch'ich' ya sna'ticlan; ma ba ya xch'ay ta yo'tan te yaw te mach'atic pich'il yo'tanique.

2 Crónicas 24:22

Te ajwalil Joás ma ba la sna'ix te bin ora c'uxultayot yu'un te Joiada, te stat Zacarías, ha la smilbe te snich'an, te hich la yal te c'alal nopol ya xchamix a: ¡Ac'a yil Jehová soc ac'a schahpan! xchi.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

Apocalipsis 16:9

Hich chic'otic yu'un te tulan sc'ahc'al, hahch sbohlc'optaybeyic sbihil te Dios te scuentahinej te wocoletic ini, ma ba la suhtes yo'tanic yu'un soc ma ba la yalbeyic yutsil sc'oblal.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Romanos 2:15

yu'un ya yaq'uic ta ilel te ha ts'ihbabil ta yo'tanic te bin ya yal te Ley, soc ha nix ya xhalbotic yu'un te yo'tanic, ay ya xhalbot smulic yu'un, o ay ya xhalbot te lec ay te snopojibal yu'unic

Hechos 28:4

Te ants-winiquetic tey a, c'alal la yilic te jipil jti'awal chan ta sc'ab te Pablo, hich la yalbe sbahic: Melel ha jmilaw te winic ini; aunque col loq'uel tal ta mar, ma ba ya x'ac'ot cuxajuc yu'un te stojil chahpanele.

San Lucas 23:41

Te ho'otic stojil te yac quich'beltic castigo, yu'un ha ya x'ac'ot jtojtic te bin chopol jpasojtique; yan stuquel mayuc bin chopol spasoj, xchi.

Ezequiel 3:18

Teme ya calbe te mach'a chopol yo'tan: Ya me xlajat, teme xchihone, teme ma ba yac awalbe te ya yihquitay hilel te schopol a'tel, yu'un hich ya xhu' ya xcuxaj a, te mach'a chopol yo'tan ya me xlaj ta scaj te smule, pero ya ca'bat ta acuenta te sch'ich'ele.

Génesis 4:10

Te Dios hich la yalbe: ¿Bin la apas? Ha ya yalat tal c'alal ta lum te sch'ich'el te awihts'ine.

Génesis 42:23

Pero ma ba la sna'ic te a'iybot sc'opic yu'un te José, como ay jc'asesej-c'op yu'un ya xhu' ya sc'oponlan.

Génesis 45:3

Te José hich la yalbe te sbanquiltac: Ho'on te José. ¿Cuxul to bal te jtate? xchi ta stojolic. Te sbanquiltac ma ba hu' yu'unic sjaq'uel, yu'un bayel xiwic ta stojol.

Génesis 50:15

C'alal la yilic te sbanquiltac José te chamix te static, hich la yalic: Ya wan xhahch yilintayotic te José, ya wan sutbotic spacol spisil te bin chopol la jpasbetic, xchihic.

1 Samuel 19:4

Te Jonatán la yalbe lec sc'oblal David ta stojol Saúl te stat, hich la yal: Ma me sle smul te ajwalil ta stojol David te a'bat yu'un, como mayuc bin chopol la spasbat, ha mero lec ya'tel ta atojol.

1 Reyes 2:33

Te sch'ich'elic ac'a c'ohtuc ta scuenta Joab soc ta scuenta sts'umbal sbahtel q'uinal. Yan te David soc te sts'umbal, ta sna soc ta shuctajib, spisil me ora lamal q'uinal ta stojol yu'un te Jehová, xchi.