Génesis 42:15 - Bible in Tzeltal Bachajón

¹⁵ Ya me awich'ic tsajel: Xyil faraón, ma xhu' ya xloq'uex bahel li'i ha to teme tal te awihts'inique.

Bible in Tzeltal de Oxchuc y Tenejapa

¹⁵ Ya jpastic prueba quiltic: Ma xju' ya xbaex ta ora to, ja' to teme tal te awijts'in ya awalique.

Génesis 42:15 Referans Kwoze

1 Samuel 17:55

Te Saúl, c'alal la yil te loc' bahel te David yu'un ya stsac sba soc te filisteo, hich la yalbe te Abner te jtsobaw yu'un te soldadohetic: Abner ¿mach'a snich'an te querem ini? xchi. Jamal ya calbat, ajwalil, ma jna', xchi te Abner.

Santiago 5:12

Quermanotac, ha tulan sc'oblal te ma me ayuc bin yac awalic ta jamal ta scuenta te ch'ulchan, te bahlumilal, o biluc yan. Hich, xchihanic me teme hiche. Ma hichuc, xchihanic me teme ma hichuque, scuenta yu'un ma ba yac awich'ic ich'el ta c'op yu'un.

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Jeremías 5:2

Aunque ya yalic: Yiloj Jehová, te xchihique, ma meleluc ya yalic ta jamal, xchi te Jehová.

1 Samuel 20:3

Te David la scha'hal xan ta jamal: Te atat sna'oj te lec awo'tan cu'un, hich wan ya yal: Ma me x'a'bot sna' ini te Jonatán scuenta yu'un ma ba ya smel yo'tan a, xchi. ¡Yiloj Jehová, soc cuxulat! jihm xanix ta ocal quiloj jba soc te lajele, xchi.

1 Samuel 1:26

Te Ana hich la yalbe te Elí: ¡Cajwal! Te bin ut'il cuxulat, cajwal, ho'on me te la jc'opon Jehová li' ta atojol.

Deuteronomio 6:13

Ich'a ta muc' te Jehová te Dios awu'un, ha nax me xawac' aba ta a'batinel yu'un, soc ha nax ta scuenta sbihil te jc'axel ay bin yac awal ta jamal.

Génesis 43:3

Hich la sjac' te Judá: Jamal la yalbotcotic te winic: Ma xhu' yac awilbonic xan jsit teme ma ba la awiq'uic tal awihts'inic, xchi.

Génesis 42:34

ic'bonic tal te awihts'in yac awalique, scuenta yu'un ya jna' te melel ma jtsahtaywanejuquex, te ich'bilex ta cuenta ta winiquil; hich ya ca'beyex te awermano soc hich ya xmambajex li' ta q'uinal ini, xchihic c'ohel.

Génesis 42:30

Te winic te scuentahinej te q'uinale tulan la sc'oponotcotic, la scuyotcotic ta jtsahtaywanejetic yu'un te q'uinale.

Génesis 42:20

Pero ya me awiq'uic tal te awihts'in, hich ya xchicnaj a teme melel te ac'opic soc ma ba ya xlajex, xchi. Hich la sch'uhunic spasel.

Génesis 42:16

Ticonahic bahel jtuhluc te ya xbaht yic' tal te awihts'in, yan te ha'exe ya xhilex ta chuquel li'i. Ya yich'ic tsajel te ac'opic teme smelelil te bin yac awalique; teme ma'uque, xyil faraón, ha'ex jtsahtaywanejex abi, la yut.

Génesis 42:12

Pero te José hich la yalbe: Ma'uc, ha talemex ta yilel banti ma ba canantaybil ta lec te q'uinale, xchi.

Génesis 42:7

Te José, c'alal la yil te sbanquiltac, la sna'ticlambe sba ta ora; pero hich la spas te bin ut'il ma sna'be sba, soc tulan la sc'oponlan, hich la yalbe: ¿Ban talemex? la yut. Talemotcotic ta sq'uinal Canaán ta smanel we'elil, xchihic.

Génesis 42:14

La yal te José: ¡Smelelil te bin la jcalbeyex, jtsahtaywanejex nix a!

Génesis 43:5

Yan teme ma ba yac aticon bahel, ma ba ya xbohotcotic, como te winic hich la yalbotcotic: Ma xhu' yac awilbonic xan jsit quelaw teme ma ba yac awiq'uic tal te awihts'inique, xchi.