Génesis 42:13 - Bible in Tzeltal Bachajón

¹³ Te a'batotcotic awu'un, lahchaytuhlotcotic te junax jtatcotic te ay ta sq'uinal Canaán. Te jtuhl quihts'incotic sjoquinej hilel te jtatcotic, te yane ma chicanuc ban ay, xchihic.

Bible in Tzeltal de Oxchuc y Tenejapa

¹³ La sjaq'uic: —Te jo'otique, lajchaytulotic te snich'nabotic jtul winic ay ta sq'uinal Canaán. Te jtul quijts'intique sjoinej jilel te jtatique. Te jtul xane, ma chicanuc bay a bajt' —xiic.

Génesis 42:13 Referans Kwoze

Génesis 37:30

Suht bahel ta banti ay te yihts'inab, hich la yalbe: Ma ba chicanix te quereme. ¿Ban ya xbohon te ho'one? xchi.

Génesis 44:20

La jcalcotic ta stojol te cajwal: Ay jtatcotic, mamalix, soc ay querem quihts'intcotic te ayin c'alal mamalix a te jtatcotic, soc ay sbanquil te chamenix, ha nax hil stuquel te junax snanic soque; soc c'ux ta o'tanil yu'un te stat, xchihotcotic.

Génesis 42:32

Lahchaytuhlotcotic te junax jtatcotic; te jtuhle, ma chicanuc ban ay, te yan quihts'incotic sjoquinej hilel te jtatcotic ta sq'uinal Canaán, xchihotcotic.

Génesis 43:7

Hich la sjaq'uic: Te winic la sjoc'obotcotic bin ut'il ayotcotic soc spisil mach'atic ay cu'uncotic, hich la yal: ¿Cuxul to bal atatic? ¿Ay to bal yan awihts'inic? xchi. La jac'becotic te sc'ope. ¿Bin ut'il c'an jna'cotic teme ya yalbotcotic: Ic'ahic tal awihts'inic? xchihic.

San Mateo 2:18

Chicnaj c'op ta Ramá, tulan mel-o'tan soc oq'uel, ha te Raquel te yac yoq'uetaybel yalatac, ma ba la sc'an muc'ubtesbeyel q'uinal ya'iy, como lajic te yalataque, te xchihe.

San Mateo 2:16

Te Herodes, c'alal la sna' te tse'layot yu'un te p'ijil winiquetic, bayel ilin yu'un, hich la sticon ta milel spisil te bic'tal alaletic ta Belén soc ta sjoyobal te ma to stahojic cheb ya'bilalic, hich te bin ut'il jayeb ha'bil halbot yu'un te p'ijil winiquetique.

Lamentaciones 5:7

La sta smulic te jme'jtatcotic soc wayemix sbaq'uetalic, pero ho'otcotic ya jcuchbecotic te castigo yu'unique.

Jeremías 31:15

Hich yaloj te Jehová: Ay chicnaj c'op ta Ramá, mel-o'tan soc bayel oq'uel. Ha te Raquel te yac yoq'uetaybel yalatac, ma sc'an te ya xmuc'ubtesbot q'uinal ya'iy, como ch'ayic bahel te yalatac, xchi.

Génesis 45:26

Hich c'oht yalbeyic: ¡Cuxul te José! Ha ochem ta ajwalil yu'un spisil sq'uinal Egipto, xchihic. Xcham yo'tan yu'un te Jacob yu'un ma ba la sch'uhun.

Génesis 44:28

te jtuhle loc' bahel ta jtojol, te ya cale laj ta butsticlanel, c'alal ora mayuc quilbeyej sit.

Génesis 42:38

Pero hich la yal te state: Ma ba ya ca'bat bahel te jnich'ane; lajemix te sbanquile, stuquel xanix hilem. Teme ya sta uts'inel ta be ta banti ya xbahex, ta acuentahic ya xcohon bahel soc sacal jol soc mel-o'tan ta yawil chamen winiquetic, xchi.

Génesis 42:36

Ha yu'un hich halbotic yu'un Jacob te static: Bahtix ta pojel awu'unic te jnich'nabe. Ma chicanuc te José, soc ha nix hich te Simeón, soc yac ac'an yac awic'boniquix bahel te Benjamín. Ta spisil ini, uts'inel ya ca'iy, xchi.

Génesis 42:11

Jpisilcotic junax jtatcotic, lec jc'oblalcotic ta winiquil; te a'batotcotic awu'un ma ha'uc jtsahtaywanejotcotic, xchihic.

Génesis 42:12

Pero te José hich la yalbe: Ma'uc, ha talemex ta yilel banti ma ba canantaybil ta lec te q'uinale, xchi.

Génesis 42:14

La yal te José: ¡Smelelil te bin la jcalbeyex, jtsahtaywanejex nix a!

Génesis 43:29

Te José la shach sit, la yil te Benjamín te yihts'in, te jun snan soc, la sjoc'oy ya'iy: ¿Ha bal axutul-ihts'inic ini te la awalbonic ca'iy? xchi. Soc la yal xan: Sts'ujetat me ta yo'tan Dios, querem, xchi.