Génesis 41:43 - Bible in Tzeltal Bachajón

⁴³ la yac' mohuc ta schebal carreta yu'un, soc ay mach'atic nahilijic bahel yu'un te la yalic ta aw: ¡Quejana abahic! xchihic. Hich te José la scuentahin spahmal te sq'uinal Egipto.

Bible in Tzeltal de Oxchuc y Tenejapa

⁴³ La yac' mouc ta carreta te tiq'uil ya xbajt' ta spate. Soc la yal mandal te ya yalic ta aw te c'alal ya xbeen c'axele: “Jamaic te be”, xiic me ta yalel. Jich la yac'bey swentain spamal sq'uinal Egipto.

Génesis 41:43 Referans Kwoze

Génesis 45:8

Ha yu'un ma ha'uquex la awac'onic tal li'i, ha te Dios te la yac'on tal, la yac'on ta stat faraón, la yac' te ajwalilon c'ohon yu'un spisil sna soc la ya'bon jcuentahin spisil te sq'uinal Egipto.

Hechos 7:10

la scoltay ta spisil swocol, la ya'be sp'ijil yo'tan soc la yac' te lec yo'tan yu'un te faraón ajwalil yu'un Egipto, te la yotses ta gobernadoril yu'un Egipto soc ta scuentahinel spisil sna.

Génesis 45:26

Hich c'oht yalbeyic: ¡Cuxul te José! Ha ochem ta ajwalil yu'un spisil sq'uinal Egipto, xchihic. Xcham yo'tan yu'un te Jacob yu'un ma ba la sch'uhun.

Génesis 42:6

Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Filipenses 2:10

scuenta yu'un ta sbihil Jesús ya me squejan sbahic spisil mach'atic ayic ta ch'ulchan, ta bahlumilal soc ta ye'tal bahlumilal,

Génesis 42:33

Pero te winic te scuentahinej te q'uinal, hich la yalbotcotic: Hich me ya jna' a teme lequex ta winiquil: Ihquitaybonic hilel jtuhluc awermanohic, ich'ahic bahel we'elil yu'un te wi'nal ay ta anahic, bahanic;

Génesis 42:30

Te winic te scuentahinej te q'uinale tulan la sc'oponotcotic, la scuyotcotic ta jtsahtaywanejetic yu'un te q'uinale.

Génesis 41:42

Ha yu'un la sloq'ues te sch'ocow ay ta sc'ab, la ya'be ta sc'ab te José, la ya'be slap t'ujbil c'u'ul pasbil ta lino, la ya'be yuhan t'ujbil uhalil pasbil ta oro;

Génesis 41:44

Soc te faraón hich la yalbe te José: Ho'on faraón, mayuc mach'a ya shach yoc sc'ab ta spahmal sq'uinal Egipto teme ma ha'ucat yac awal, xchi.

Génesis 50:18

Soc tal te sbanquiltac, c'oht squejan sbahic ta stojol, hich la yalbeyic: Li' ayotcotiqui, a'batotcotic awu'un, xchihic.

Ester 10:3

Te judio Mardoqueo, ha schebal c'oht yu'un te ajwalil Asuero, ha muc' sc'oblal ta yohlil te judiohetic, soc ich'bil ta cuenta yu'un bayel te yermanotac, como la slehbe yutsil te pueblo yu'un soc la yac' lahmajuc q'uinal ta stojol spisil te sts'umbal.

Génesis 50:9

Soc joquinot yu'un carretahetic soc mach'atic cajajtic ta cawu; mero tsobol bahtic.

Ester 3:2

Spisil te a'batetic yu'un te ajwalil te ayic ta ti'nahil yu'un te sna ajwalil ya squejan sbahic soc ya snijan sbahic ta stojol Amán, como hich yaloj ta mandar te ajwalil. Pero te Mardoqueo ma ba la squejan sba soc ma ba la spehc'an sba ta stojol.

Eclesiastés 4:14

aunque loq'uem ta cárcel te querem te och ta ajwalil, o te pobre ayin ta banti cuentahimbil yu'un te ajwalile.

Daniel 2:48

Te ajwalil la stohytesbe ya'tel te Daniel, la ya'be bayel mahtaniletic, la ya'be ya'tel ta gobernador yu'un spisil te jsehp q'uinal Babilonia soc jtsobaw yu'un spisil te p'ijil winiquetic yu'un Babilonia.